bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Mark 14
Mark 14
Sotho 1951 (BIBELE)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Paseka monyanya wa dinkgwa tše di se nago komelo, e šetše e batametše, go sa šetše matšatši a mabedi fela, baperisita ba bagolo le bamangwalo ba lakana ba re ba mo sware ka maano, ba mmolaye.
2
Ba re: Fela, re se ke ra di dira bjale monyanyeng, go se tlo tsoga moferefere setšhabeng.
3
Ke ge Jesu a le Bethania ngwakong wa Simone wa lephera, a dutše dijong. Gwa tla mosadi a swere sebjana se se nago le setlolo sa theko o kgolo; a thibolla sebjana, a tšhela setlolo hlogong ya Jesu.
4
Ba bangwe ba mo tsota ba re: O reng a senya setlolo seo?
5
Setlolo seo se ka be se rekile mašeleng a makgolo a mararo, mme gwa fiwa badiitšana. Ba mo nyamiša ka go realo.
6
Jesu a re: Mo leseng! Le mo nyamišetšang? Se a ntirilego sona ke modiro o mobotse.
7
Badiitšana le na nabo ka mehla; ge e le nna, le ka se be le nna ka mehla.
8
Mosadi e o dirile se a se kgonnego; o šetše a dirile se se tlo go swanela go dirwa mmele wa ka ge o bolokwa.
9
Ruri, ke a le botša, mo Ebangedi e tlo go kwatswa lefaseng ka moka go tlo bolelwa se a se dirilego, gore a se lebalwe.
10
Judase Isikariote, e le e mongwe wa ba lesome le metšo e mebedi, a tloga moo a ya go baperisita ba bagolo, gore a mo gafele bona.
11
Bona ge ba mo kwa, ba thaba, ba mmalela tšhelete ye ba tlo go mo nea. Mme yena a hlwa a lebeletše lebaka la go mo eka.
12
Ka letšatši la pele la dinkgwa tše di se nago komelo, la go hlaba kwana ya Paseka, barutiwa ba gagwe ba mmotšiša ba re: O rata ge re ya kae ra yo lokiša mo o tlogo ja Paseka?
13
Jesu a roma ba babedi ba barutiwa ba gagwe, a re: Yang motseng; le tlo gahlana le motho e a rwelego moeta wa meetse. Mo lateleng.
14
Gomme mo a tlo go tsena, le botše mong wa ngwako le re: Moruti o re: Ngwako o kae wo nkago jela Paseka go wona le barutiwa ba ka?
15
O tlo le laetša ngwako o mogolo wa tletlolo, wo o adilwego magogwa wa thakgwa. Le re lokišetše gona fao.
16
Barutiwa ba sepela, ba fihla motseng, mme ba hwetša tše ba boditšwego tšona; ba lokiša Paseka.
17
E šetše e le mantšibua Jesu a tla le ba lesome le metšo e mebedi.
18
Ya re ge ba šetše ba dutše dijong ba eja, Jesu a bolela a re: E mongwe wa lena, e a jago le Nna, o tlo nkeka.
19
Ba thoma go nyama dipelo, ba mmotšiša ka o tee ka o tee, ba re: A e ka ba nna?
20
Jesu a fetola a re: Ke e mongwe wa lena ba lesome le metšo e mebedi; ke yo a tlo go ina le nna morufsing.
21
Ge e le Morwamotho, yena o ikela ka mo mangwalo a mmoletšego; fela, yo madimabe ke motho eo a mo ekago. Go ka be go le kaone ge a ka be a sa ka a tswalwa.
22
Ya re ge ba eja, Jesu a tšea senkgwa, a se šegofatša, a se ngwathaganya, a ba neela a re: Tšeang le je; ke mmele wa ka.
23
A tšea le senwelo, a leboga, a ba neela sona, ba nwa ka sona ka moka ga bona.
24
Yena a re: Ke madi a ka a kgwerano e mphsa, a a tšhollwago ka baka la ba bantši.
25
Ruri, ke a le botša, nka se ke ka hlwa ke enwa seenywa se sa morara, go fihla mehleng yeo ke tlo go buša ke se nwa mmušong wa Modimo.
26
Ge ba opetše kopelo, ba tloga ba ya thabeng ya mehlware.
27
Jesu a bolela le bona a re: Lena ka moka bošego bjo le tlo gakanega ka tše ke tlo go di dirwa; gobane go ngwadilwe gwa thwe: Ke tlo otla modiši; mme dinku di tlo gašanywa.
28
Fela, e tlo re ge ke tsogile, ke tlo Le etapele ra ya Galilea.
29
Gwa fetola Petro a re: Le ge bohle ba ka gakanega, nna aowa!
30
Jesu a re: Ruri, ke a go botša, bošego bjo bja lehono, mogogonope o sešo wa lla gabedi, o tlo ba o latotše gararo wa re ga o ntsebe.
31
Petro a buša a bolela a tiiša a re: Le ge nka thwe ke hwe nago, nka se ke ka latola ka realo.
32
Ya ba gona ba fihlago felo go bitšwago Getsemane. Jesu a bolela le barutiwa ba gagwe a re: Dulang mo, ke be ke rapele.
33
A tloga le Petro le Jakobo le Johane, mme a thoma go roromela le go tlalelwa.
34
A bolela nabo a re: Moya wa ka o nyamile ka gagolo wa go iša lehung; dulang fa le phakgame.
35
A fetela pejana, a wela fase, a rapela a re ge go kgonega lebaka le le fete le mo tloge.
36
A re: Baba, Tate! Ke Wena o kgonago tšohle. Suthiša senwelo se se ntloge. Fela, e se be ka mo go ratago nna; e be ka mo go ratago wena.
37
A tla a ba hwetša ba robetše; a bolela le Petro a re: Simone! A o robetše? A ga wa ka wa kgona go itiša nako e tee fela?
38
Phakgamang le rapele, gore le se tsene melekong; gobane moya o mafolofolo, mme nama e a fokola.
39
A buša ya a rapela, a boeletša ona mantši ao.
40
A boa, a ba hwetša gape ba robetše, mahlo a bona a imelwa ke boroko, ba sa tsebe se ba mo fetolago sona.
41
A tla la boraro, a bolela nabo a re: A le sa robetše le khutša? Go hwetše; lebaka le fihlile. Tsebang, Morwamotho o gafelwa matsogong a badiradibe.
42
Emang! Eriyeng! E a nke kago šo o batametše.
43
A sa realo ke ge go etla Judase Isikariote; e le e mongwe wa ba lesome le metšo e mebedi, a tla a na le lešaba le lentši la ba ba swerego marumo le melamo, ba etšwa go baperisita ba bagolo le go bamangwalo, le go ba bagolo.
44
Gomme yena moeki o be a lakane le bona a re: Yo ke tlo go mo atla, ke yenaeo le tloge nae le mo tiišitše.
45
Bjale a tšwelela, a batamela, a re: Moruti! Moruti, a mo atlaatla.
46
Ke mo bala ba išitšego matsogo ba swara Jesu.
47
E mongwe wa ba ba emego moo a kgwamola tšhoša a rema mohlanka wa moperisita e mogolo, a mo kgaola tsebe,
48
Jesu a thoma go bolela a re: Le tšwile wa go tšwela mohlakodi ka marumo le melamo, e le go swara Nna,
49
ke bego ke na le lena ka mehla ke ruta Ntlongkgethwa; moo le so ntshware. Fela, a go phethege mangwalo.
50
Ya ba gona barutiwa ba mo tlogelago bohle ba tšhaba.
51
Lesogana le lengwe la mo latela, le iphuthile ka lešela, mmeleng le hlobotše. Gomme banna ba le swara.
52
Lesogana la ba tlogelela lešela leo la ba phonyokga le hlobotše.
53
Jesu ba mo iša go moperisita e mogolo. Gwa phuthega baperisita ba bagolo bohle, le ba bagolo, le bamangwalo.
54
Petro a latela ka kgole; a tla a tsena lapeng la moperisita e mogolo, a dula le bahlanka a ikomoša mollong.
55
Baperisita ba bagolo le pitšo ka moka ba nyaka bohlatse bja gore ba bolaiše Jesu; ba bo hloka.
56
Ba bantši ba mmega ka bohlatse bja maaka, gwa hlokwa bohlatse bja go kwana.
57
Ba bangwe ba eme ba mmega ka maaka ba re:
58
Re mo kwile ge a re: Ke tlo phušola Ntlokgethwa ye e dirilwego ka diatla; gomme e nngwe e sa kago ya dirwa ka diatla ke tlo e aga ka matšatši a mararo.
59
Fela, le moo bohlatse bja bona ga bja ka bja kwana.
60
Gwa ema yena moperisita e mogolo, a botšiša Jesu a re: A ga o fetole selo? Ke eng se batho ba ba go begago ka sona?
61
Jesu a homola a se fetole selo. Moperisita e mogolo a buša a mmotšiša a re: A ke wena Kriste Morwa wa Yena Moretiwa?
62
Jesu a re: Ke nna! Gomme le tlo bona Morwamotho a dutše ka letsogong le letona la Yomaatla, a etla ka maru a legodimo.
63
Moperisita e mogolo a gagola diaparo tša gagwe, a re: Re sa nyaka dihlatse tšang?
64
Le mo kwile ge a roga Modimo; le reng? Ka moka ba ahlola ba re o swanetšwe ke go ahlolelwa polao.
65
Ke mo ba bangwe ba thomilego go mo tšhwela ka mare, ba mo khupetša sefahlogo, ba mo setla, ka matswele ba re: Porofeta! Le bahlanka ba mo phasola dithama.
66
Petro, yena o be a dutše kwa tlase lapeng. Gwa tla e mongwe wa basetsana ba ga moperisita e mogolo.
67
A re go bona Petro a ikomoša, a mo tsepelela a re: Le wena o be o na le monna eo wa Natsaretha, Jesu yo.
68
Petro a latola a re: Ga ke tsebe tše o di bolelago; ga ke di kweše. A tšwela kgorong, mme mogogonope wa lla.
69
Mosetsana yola a mmona; a boeletša, a botša ba ba emego moo, a re: Monna e ke e mongwe wa bona.
70
Petro a buša a latola. Ge go fetile lebakanyana, ba ba emego moo ba boela ba bolela le Petro, ba re: Ka kgonthe, o wa bona. O Mogalilea le gona; le mmolelo wa gago o iša moo.
71
Petro a thoma go ithoga, le go ena, a re: Motho eo le mmolelago, nna ga ke mo tsebe.
72
Ke ge mogogonope o lla la bobedi. Petro a elelwa tše Jesu a mmoditšego tšona ge a re: Mogogonope ge o lla la bobedi, o tla ba o latotše gararo wa re ga o ntsebe. A re go elelwa tšeo, a lla.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16