bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Mark 9
Mark 9
Sotho 1951 (BIBELE)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
A bolela le bona a re: Ruri, ke a le botša, mo go bona mmušo wa Modimo o etla ka maatla.
2
Ge go fetile matšatši a selelago, Jesu a tloga a na le Petro le Jakobo le Johane, a ba iša thoko thabeng e telele ba nnoši; mme a fetoga lebopo ba mo lebeletše.
3
Diaparo tša gagwe tša taga di phadima bjalo ka leswela; mo lefaseng ga go na mohlatswi e a kgonago go hlatswa seaparo sa šweufala ka mokgwa woo.
4
Ba bona Eliya le Moshe ba bolela le Jesu.
5
Petro a bolela a re: Moruti, ke mo go botse ge re le fa. Re tlo aga mekutwana e meraro. O mongwe e be wa gago; o mongwe e be wa Moshe; o mongwe e be wa Eliya.
6
A realo a sa tsebe se a se bolelago, gobane ba be ba tšhogile gagolo.
7
Gwa tla leru la ba apeša ka thiti, gwa kwala lentšu le etšwa lerung, la re: Yo ke yena Morwamoratwa wa ka; le mo kwe.
8
Ya re ge ba sa re re iša mahlo, ba se hlwe ba bona motho, ba bona ba šetše le Jesu a nnoši.
9
Ge ba fologa thabeng, Jesu a ba laela a re ba se ke ba botša motho tše ba di bonego, ge e se ge Morwamotho a tsogile bahung.
10
Taba ye ya dula ba e utile, ba botšišana seng sa bona ba re: Go tsoga bahung ke eng?
11
Ba mmotšiša ba re: Hleng bamangwalo ba re Eliya o swanetše go tla pele?
12
A fetola a re: Ge e le Eliya ke tla, gore a lokiše tšohle. Ge e le Morwamotho o tlo tlaišwa ka tše nyatšwa. A mangwalo ga a realo.
13
Gomme ke a le botša, Eliya o tlile mme ba mo dira ka mo ba ratilego, bjalo ka ge a boletšwe ke mangwalo.
14
Ge ba fihla go barutiwa ba bangwe, ba bona lešaba le lentši le ba beile gare, ba fetolana le bamangwalo.
15
Lešaba leo ka moka la re go bona Jesu la tšhoga; ba mo kitimela ba mo dumediša.
16
Yena a botšiša bamangwalo a re: Le fetolanang le bona?
17
Gwa fetola e mongwe wa gare ga lešaba, a re: Moruti! Ke tlišitše morwa wa ka go wene. O na le moya wa semuma.
18
Moya woo, mo o mo swarago o a mo akgaakga, a ntšha mahulo, a tsikitlana meno, mme a omelela. Ke boletše le barutiwa ba gago, ka re ba leleke moya wo; fela, ba paletšwe.
19
Jesu a fetola a re: Aowii! Moloko o sa dumelego! Ke tlo ba le lena go le gokae? Ke tlo le kgotlelela go le gokae? Mo tlišeng fa go nna.
20
Ba mo tliša go yena. Ya re ge ngwana yoo a mmona, moya wa tloga o mo utlautla, a wela fase a pshikologa a ntšha mahulo.
21
Jesu a botšiša tatagwe a re: E šetše e le lebaka le le kae a le bjalo? Tatagwe a re: Go tloga bjaneng.
22
A re: Ke gantši moya o mobe o mo lahlela mollong le meetseng, o nyaka go mmolaya. Bjalo, ge o ka ba le se o se kgonago, re šokelwe o re hlakodiše.
23
Jesu a re: Ge o ra go kgona, dilo tšohle di kgonwa ke e a dumelago.
24
Ya ba gona tatago ngwana a goeletšago, a bolela ka megokgo a re: Morena! Ke a dumela. Ntlhakodiše go se dumeleng.
25
Bjale Jesu ge a bona batho ba kitimela ba tlala moo, a kgalema moya woo wa ditšhila, a re: Wena moya wa semuma le sefofu, ke nna ke go laelago ke re: Tšwaa go motho yo; o se ke wa hlwa o mmoela.
26
Gomme moya wa tšwa ka go goa le ka go mo utlautla o šoro; ngwana yoo a ka mohu; ba bantši ba ba ba re o hwile.
27
Jesu a mo swara ka seatla, a mo tsoša a ema.
28
Ya re, Jesu a tsene ngwakong, barutiwa ba gagwe ba mmotšiša thopeng, ba re: Ke ka baka lang ge rena re paletšwe go leleka moya woo?
29
Jesu a re: Mohuta woo o ka se ke wa tšwa ge e se ka thapelo le ka go ikona.
30
Ge ba tloga moo, ba ralala le naga ya Galilea, a se rate go tsebja.
31
A ruta barutiwa ba gagwe a re: Morwamotho o tlo gafelwa diatleng tša batho; mme ba tlo mmolaya; mme e tlo re ge a bolailwe a tsoga ka letšatši la boraro.
32
Barutiwa taba yeo ba se e kwišiše; fela, ba šia go mmotšiša.
33
A tla motseng wa Kaperenaume. Ya re ge ba le ngwakong, a ba botšiša a re: Le be le fetolana eng tseleng?
34
Bona ba homola, ka gobane ba le tseleng ba be ba tšere kgang ya go re e mogolo ke mang.
35
Jesu a dula, a bitša ba lesome le metšo e mebedi, a bolela a re: E a ratago go ba e mogolo, a e be e monyenyane go bohle le mohlanka wa bohle.
36
A tšea ngwana a mmea gare ga bona, a mo gokara, a bolela le bona a re:
37
E a amogelago e mongwe wa bana ba ka baka la leina la ka, o amogela nna. Gomme e a nkamogelago ga a amogele nna, o amogela e a nthomilego.
38
Johane a mmotša a re: Moruti, re bone motho a leleka meoya e mebe ka leina la gago, a sa sepele le rena; ra mo iletša ka gobane a sa sepele le rena.
39
Jesu a re: Se mo iletšeng, gobane ga go motho e a kago dira mohlolo ka leina la ka, a tloga a nkgoboša.
40
E a sa lwego le rena, o a re lwela.
41
Gobane e a kago le noša segwana sa meetse ka leina la ka, ruri, ke a le botša, a ka se hlokišwe moputso wa gagwe.
42
Gomme e a kago kgopiša e mongwe wa ba banyenyane ba ntumelago ba, yena go ka be go le kaone ge lwala la go šila le ka tlemelwa molaleng wa gagwe, mme a lahlelwa lewatleng.
43
Le mohla seatla sa gago se go kgopiša, se ripe. Go kaone ge o tsena bophelong o le tsogwane, wa se lahlelwe moleteng, mollong o sa timego o na le diatla tše pedi,
44
wa ya mo seboko sa bona se sa hwego, mo mollo o sa timego.
45
Le gona ge lenao la gago le go kgopiša, le ripe. Go kaone ge o tsena bophelong o hlotša, wa se lahlelwe moleteng, mollong o sa timego o na le dinao tše pedi,
46
wa ya mo seboko sa bona se sa hwego, mo mollo o sa timego.
47
Le gona ge leihlo la gago le go kgopiša, le gonye. Go kaone ge o tsena mmušong wa Modimo o le moihlwe, wa se lahlelwe moleteng o na le mahlo a mabedi,
48
wa ya mo seboko sa bona se sa hwego, mo mollo o sa timego.
49
Gobane mang le mang o tlo nokwa ka mollo, gobane didimo ka moka di nokwa ka letswai.
50
Letswai ke selo se botse; fela, ge le tapologa, le sa tlo nokwa kang? Dulang le na le letswai, le phedišane ka leago.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16