bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Mark 15
Mark 15
Sotho 1951 (BIBELE)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
E sa le bošego, baperisita ba bagolo ba lakana le ba bagolo le bamangwalo, le ba lekgotla ka moka, ba tlema Jesu, ba tloga nae ba mo gafela Pilato.
2
Pilato a mmotšiša a re: A ke wena Kgoši ya Bajuda? Jesu a fetola a re: O boletše gona.
3
Baperisita ba bagolo ba mmega ka tše ntšf.
4
Pilato a buša a mmotšiša a re: A ga o fetole selo? O k'o bone; ke tše kaakang tše ba go begago ka tšona.
5
Jesu a se hlwe a fetola selo, le Pilato a ba a kgotsa.
6
Ka menyanya Pilato o be a e ba gololele e mongwe wa bagolelgwa, yo ba mo kgopelago.
7
Bjale go be go na le monna e mongwe e a bitšwago Baraba, e a bego a swerwe le ba ba tsošitšego mpherefere, ba bolaya motho mohla woo.
8
Gomme lešaba la rotoga, ba thoma go kgopela gore Pilato a dire ka mo a emego a ba direla ka mehla.
9
Pilato a ba botšiša a re: A le rata gore ke le lokollele Kgoši ya Bajuda?
10
A realo ka gobane a lemogile gore, ge baperisita ba bagolo ba bega Jesu, ba be ba dirwa ke mona.
11
Baperisita ba bagolo ba hlohleletša setšhaba, ba re ba kgopele gore a ba gololele Baraba.
12
Pilato a botšiša gape a re: Bjale le rata ge yo le rego ke Yena Kgoši ya Bajuda ke mo dirang?
13
Lešaba la fo goa gape la re: Mmapole sefapanong!
14
Pilato a re: Mme ke bofe bokgopo bja a bo direlego? Bona ba fo goa ba re: Mmapole sefapanong!
15
Pilato ka gobane a rata go kgahliša setšhaba, a ba gololela Baraba, a re Jesu a otliwe a tsebo bapolwa sefapanong.
16
Bahlabani ba tloga le Jesu ba mo iša lapeng la ngwako wa kahlolo, ba mmokelela sephohla ka moka.
17
Ba mo apeša kobo ya matsaka, ba loga mphapahlogo ka metlwa, ba mo rweša wona.
18
Ba mo lotšha ba re: Dumela, Kgoši ya Bajuda!
19
Ba mo itia hlogo ka lehlaka, ba mo tshwela ka mare, ba khunama ba mo lotšha.
20
Ya re ge ba feditše go mo kwera ba mo apola kobo yeo ya matsaka, ba mo apeša kobo ya gagwe, ba tšwa nae ba yo mmapola.
21
Ba gapeletša monna e mongwe e a bego a feta a etšwa tšhemong, ba re a rwalele Jesu sefapano. E be e le Simone wa Kirene tatago Alesandere le Rufo.
22
Ba mo iša felo mo ba rego ke Gologotha, ke go re Magateng a dihlogo.
23
Ba mo nea mokgope wa morara wo o tswakilwego ka bohloko, ba re a nwe, mme yena a o gana.
24
Ya re ga ba mmapotše, ba abelana kobo tša gagwe, ba dira matengwa a go re kobo ke ya mang.
25
E be e le nako ya boraro ge ba mmapola.
26
Ge e le lengwalo la molato wa gagwe le be le re: KGOŠI YA BAJUDA.
27
Ba bapola le bahlakodi ba babedi, e mongwe a ba ka letsogong le letona la gagwe, e mongwe a ba ka go le lethsadi.
28
Ya ba go phethega ga lengwalo le le rego: O badilwe le badiradibe.
29
Ba ba fetago moo ba mo roga, ba šišinya dihlogo tša bona, ba re: Kgonee! Mo-phušola-Ntlo-kgethwa wa e aga ka matšatši a mararo!
30
Iphološe o fologe moo sefapanong!
31
Ka mokgwa o bjalo le bona baperisita ba bagolo ba mo kwera, ba boledišana le bamangwalo ba re: Ba bangwe o ba phološitše; go iphološa ga a kgone.
32
Ba re: Hee Kriste! Kgoši ya Isiraele! Fologa moo sefapanong re bone, re tsebo dumela. Le ba ba bapotšwego le Yena ba mo roga.
33
Ka nako ya go selela gwa ba le lefsifsi nageng ka moka, go fihla ka nako ya senyane.
34
Ka yona nako ya senyane Jesu a goeletša ka lentšu le legolo a re: Eloi! Eloi lama sabagthani! Ke go re: Modimo waka! Modimo waka! O ntlogeletseng?
35
Ba bangwe ba ba bego ba eme moo, ge ba ekwa a realo, ba re: Šoo! O bitša Eliya.
36
E mongwe a kganyelela a ina motšitla mokgopeng wa morara, a o hlomela lehlakeng, a mo noša; a re: Lesang re bone ge Eliya a tlo tla a mo phološa.
37
Gomme Jesu a goeletša ka lentšu le legolo, ya ba gona ge a neela moya.
38
Gomme sešireletšo sa kwa Ngwakong wa Modimo sa gagoga go tloga godimo go iša tlase, sa tšwa diripa tše pedi.
39
Tona ya lekgolo ye e bego e eme e mo hlapeditše, ge e bona a felela ka mokgwa woo, ya re: Ka kgonthe, motho yo e be e le Morwa wa Modimo.
40
Le basadi ba be ba le gona, ba lebeletse ka kgole; go bona go be go le Maria Magdalena, le Maria mma go Jakobo e monyane le Jose, le Salome.
41
Ke bona ba ba mo latetšego a sa le kwa Galilea, ba mo direla; le ba bangwe ba bantši ba be ba le gona, ba ba sepetšego le yena ge a etla Jerusalema.
42
E šetše e le mantšibua a lona tšatši leo la tokišo, le le hlatlangwago ke la Sabatha.
43
Gwa tla Josefa wa Arimathea, monna wa lekgotla wa lehumagadi, yo le yena a bego a letetše mmušo wa Modimo, a tlema pelo, a tsena go Pilato, a kgopela mmele wa Jesu.
44
Pilato a kgotsa ge a ekwa gore o šetše a hwile; a bitša tona ya lekgolo, a mmotšiša ge e šetše e le lebaka ge a hwile.
45
Ya re a kwile se tona e se bolelago, a fa Josefa mmele.
46
Josefa a reka mašela, a mo fegolola, a mo phuthela ka mašela ao, a mmea libitleng le le kgorilwego lefsikeng, a pshikološetša lefsika mojako wa lebitla.
47
Gomme Maria Magdelena, le Maria mmago Jesu, ba bona mo a bewago gona.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16