bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Mark 5
Mark 5
Sotho 1951 (BIBELE)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Ba fihla mošola wa lewatle nageng ya ba Gadara.
2
Ge ba sa fologa leselawatle, ba napa ba gahlana le motho e a nago le moya wa ditšhila a etšwa mabitleng,
3
Yo bodulo bja gagwe bo bego bo le mabitleng. Gomme go be go se motho e a kgonnego go mo tlema, le ge e le ka ditshipi.
4
Gobane o be a šetše a tlemilwe ka marala le ka ditshipi; mme ditshipi a di konoganya, a kgaola marala go se motho e a kgonago go mo thapiša.
5
O be a dula mabitleng bošego le mosegare, a fela a goa a ithuma ka mabje.
6
Ya re ge a bona Jesu a sa le kgole, a kitima a tla a mo khunamela, a hlaboša lentšu a re:
7
Ke na le taba mang le wena Jesu Morwa wa Modimo yo godimodimo? Ke go phegelela ka Modimo ke re o se ke wa ntlaiša.
8
A realo ka gobane Jesu o be a itše: Tšwa go motho yoo, wena moya wa ditšhila!
9
A mmotšiša a re: Leina la gago o mang? A fetola a re: Ke nna Madira, gobane re ba bantši.
10
A mo phegelela a re Jesu a se ke a mo leleka nageng yeo.
11
Bjale, go be go na le mohlape o mogolo wa dikolobe, di fula modutameng wa thaba.
12
Meoya e mebe yeo ka moka ya mo kgopela ya re: Re romele dikolobeng tšeo, re yo tsena go tšona.
13
Jesu a dumela. Meoya ya ditšhila ya tšwa, ya tsena dikolobeng; mme mohlape ka moka wa iphekemetša ka legaga wa kodumela lewatleng; dikolobe tše e ka bago tše dikete tše pedi tša hwela lewatleng.
14
Badiši ba tšona ba tšhaba, ba yo bolela motseng le mašemong; batho ba tla go bona se se diregilego.
15
Ba fihla go Jesu, ba bona motho yola wa meoya e mebe a dutše, a apere, a bego a na le “madira”; mme ba tšhoga.
16
Ba ba di bonego ba ba anegela se se diregetšego motho yoo wa meoya e mebe, le tša dikolobe.
17
Bjale ba thoma go kgopela Jesu, ba re a tloge mellwaneng ya bona.
18
Ge Jesu a sa re ke namela leselawatle, motho yola a bego a na le meoya e mebe, a mo kgopela go ka ya le yena.
19
Jesu a se mo dumelele, a mo laela a re: Boela gae go ba geno, o ba botše tše kgolo tše Morena a go dirilego tšona, ka mo a go gaugetšego.
20
Motho yoo a tloga a ya le naga ya Dekapoli, a kwalakwatša tše kgolo tše Jesu a mo dirilego tšona; bohle ba tlabega.
21
Eitše ge Jesu a seletše mošono ka leselawatle, a phuthegelwa ke lešaba le lentši, yena a sa le lešing la lewatle.
22
Ke ge go fihla e mongwe wa ba bagolo ba phuthego, yo leina la gagwe e lego Jairo; a re go bona Jesu, a wela fase maotong a Jesu.
23
A mo rapela a re: Morwedi wa ka o a felela. A nke o tle o mmee diatla a phologe a phele.
24
Jesu a ya nae; lešaba le lentši la mo latela, la ba la mo pitlaganya.
25
Gomme go be go na le mosadi e a bego a feditše nywaga e lesome le metšo e mebedi a babja ke bolwetši bja ngope.
26
O be a tlaišegile ka tše ntši ka dingaka tše ntši, a feditše dilo tša gagwe ka moka ka go alafsa a sa fole, bolwetši bja gagwe bo fela bo befa.
27
A ba a botšwa tše Jesu a di dirago; a tla a le gare ga lešaba, a kgwatha kobo ya Jesu ka morago.
28
Gobane o be a re: Ge nka fo kgwatha kobo ya gagwe fela, ke tla fola.
29
Ka kgonthe mothopo wa madi a gagwe wa gopa, a kwa mo mmeleng wa gagwe a fodile bohloko bjoowe.
30
Jesu ge a ekwa ge mo go yena go tšwele maatla, a napa a retologa a le gare ga lešaba, a re: Ke mang a kgwathilego kobo ya ka?
31
Barutiwa ba gagwe ba re: Ge o bona lešaba le go pitlaganya, a o sa re: Ke kgwathilwe ke mang?
32
Jesu a ba dikološa mahlo gore a bone yoo a di dirilego.
33
Ke mo mosadi yoo a tšhogilego a roromela, gobane a tseba se a se dirilwego; a tla a mo khunamela a mmotša tšohle a se ute selo.
34
Jesu a re: Ngwanaka! Tumelo ya gago e go phološitše; sepela o rotše pelo, o fodile bohloko bja gago.
35
A re a sa bolela, gwa fihla ba ga mogolo wa phuthego, ba re: Morwedi wa gago o hwile. Moruti yoo o sa mo lapišetšang?
36
Jesu ge a ekwa ba realo, a bolela le mogolo wa phuthego a re: Se tšhoge! Sa gago a e be go dumela.
37
A ya a na le Petro le Jakobo le Johane ngwanabo Jakobo, a se dumele ge go latela ba bangwe.
38
A fihla ngwakong wa mogolo wa phuthego, a bona lešata, ge ba lla ba golola ka gogolo.
39
A tsena a ba sola a re: Le tlaletšang lešata? Le reng le lla? Ngwanenyana yo ga a ka a hwa; o robetše.
40
Bona ba mo sega. Yena a ba lelekela ntle bohle, a bitša tatago ngwanenyana le mmagwe, le bao a bego a tlile nabo a tsena nabo moo ngwanenyana a letšego gona.
41
A mo swara ka seatla, a re: Thalitha kumi! Ke go re: Mosetsanyana, ke re: Tsoga!
42
A sa realo ke ge mosetsanyana a tsoga, a sepela. E be e le wa nywaga e lesome le metšo e mebedi. Batho ba swarwa ke tlalelo e kgolo.
43
Jesu a ba laela ka maatla, a re taba ye e se tsebje ke motho; a re ngwanenyana a fiwe dijo.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16