Matthew 1

Sotho 1951 (BIBELE)

Jump to: Chapter 2 →

1Lengwalo la lešika la Jesu Kriste, morwa wa Dafida, morwa wa Aborahama.

2Aborahama o tswetše Isaka; Isaka a tswala Jakobo; Jakobo a tswala Juda le bana babo;

3Juda a tswala Pheretse; Pheretse a tswala Esiromo; Esiromo a tswala Arama;

4Arama a tswala Abinadaba; Abinadaba a tswala Nahasone; Nahasone a tswala Salamone;

5Salamone a tswala Boase; Boase a tswala Obede a na le Ruthe; Obede a tswala Isai;

6Isai a tswala Dafida kgoši; Dafida kgoši a tswala Salomo a na le mosadi wa Uria;

7Salomo a tswala Rehabeama; Rehabeama a tswala Abia; Abia a tswala Asa;

8Asa a tswala Josafate; Josafate a tswala Jorama; Jorama a tswala Usia;

9Usia a tswala Jothama; Jothama a tswala Ahasi; Ahasi a tswala Hiskia;

10Hiskia a tswala Manase; Manase a tswala Amoni; Amoni a tswala Josia;

11Josia a tswala Jekonya le bomonnagwe mehleng ya bothopja bja Babele;

12Bothopja ge bo fitile, Jekonya a tswala Sealathiele; Sealathiele a tswala Serubabele;

13Serubabele a tswala Abihudi; Abihudi a tswala Eliakima; Eliakima a tswala Asoro;

14Asoro a tswala Tsadoko; Tsadoko a tswala Akima; Akima a tswala Eliudi;

15Eliudi a tswala Eleasara; Eleasara a tswala Mathane; Mathane a tswala Jakobo;

16Jakobo a tswala Josefa monna wa Maria e a belegego Jesu e a bitšwago Kriste.

17Moloko ka moka go tloga ka Aborahama go fihla ka Dafida o na le ba lesome le metšo e mene; le gona go tloga ka Dafida go fihla ka bothopja bja Babele, moloko o na le be lesome le metšo e mene; le go tloga ka bothopja go fihla ka yena Kriste, moloko o na le ba lesome le metšo e mene.

18Tša matswalo a Jesu Kriste šidi: Maria mmagwe a sa beeleditšwe ke Josefa, ba sešo ba kopana, o hweditšwe e le moima ka Moyamokgethwa.

19Josefa monna wa gagwe, ka gobane e le yo bolo, a sa rate go mo goboša, a akanya go ka mo tlogela ka go ngwega.

20Ya re a sa eleletša tše bjalo, a bona Morongwa wa Modimo a mo tšwelelela dilorong a re: Josefa morwa wa Dafida: Se boife go beka Maria mosadi wa gago, gobane se a se imilego ke se se tšwago go Moyamokgethwa.

21O tlo belega morwa, wa tlo mo rea leina la Jesu, gobane ke yena a tlo go phološa sethšaba sa gagwe dibeng tša sona.

22Tše ka moka di diregile gore go phethege se se boletšwego ke Morena ka moporofeta e a itšego:

23Bonang, kgarebe e tlo ima, ya belega morwa; ba tlo mo rea leina la Imanuele, ge le fetolwa ke go re: Modimo o na le rena.

24Josefa ge a tsogile borokong, a dira ka mo Morongwa wa Morena a laetšego ka gona, a beka mosadi wa gagwe.

25Me a se ke a mo tseba, a ba a belege morwa wa gagwe wa leitšibolo; a mo rea leina la Jesu.

Jump to: Chapter 2 →