bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Matthew 18
Matthew 18
Sotho 1951 (BIBELE)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
1
Ka yona nako yeo barutiwa ba tla go Jesu, ba re: E mogolo mmušong wa magodimo ke mang?
2
Jesu a bitša ngwana, a mmea mo gare ga bona,
3
A re: Ruri, ke a le botša, ge le sa fetoge la ba bjalo ka bana, le ka se ke la tsena mmušong wa legodimo.
4
Gomme e mogolo mmušong wa magodimo ke mang le mang e a ikokobetšago a ba bjalo ka ngwana yo.
5
Mme e a amogelago ngwana o tee e a etšago yo, a direla ina la ka, o amogela nna.
6
Gomme, e a kgopišago e mongwe wa ba banyenyane ba, go ka ba kaone lwala la go šila ge le ka tlemelwa molaleng wa gagwe, mme a tekesetšwa bodibeng bja lewatle.
7
Joo lefase joo! Molato ke dikgopišo. Gobane tšona dikgopišo go tla di tlo tla; fela, yo madimabe ke motho eo di tlago ka yena.
8
Ge o kgopišwa ke atla sa gago, goba lenao la gago, di ripe o di lahle kgole; gobane go kaone ge o tsena bophelong o le segole goba o le tsogwane, wa se lahlelwe kwa mollong o sa timego neng le neng o nne atla tše pedi le nao tše pedi.
9
Le gona ge o kgopišwa ke ihlo la gago, le gonye o le lahle kgole. Go kaone ge o tsena bophelong o le moihlwe, wa se lahlelwe moleteng wa mollo nne mahlo a mabedi.
10
Le bone gore le se nyatše e mongwe wa ba banyenyane ba; ka gobane nna ke a le botša, barongwa ba bona kwa legodimong ba hlwa ba bona sefahlogo sa Tate wa magodimong.
11
Gobane Morwamotho o tlile go phološa ba ba timetšego.
12
Le reng ge motho a na le dinku tše lekgolo, mme gwa timela e tee ya tšona, a a ka se tlogele tše masome a senyane le metšo e senyane dithabeng, a ya go tsoma yeo e timetšego?
13
Gomme ge a ka e hwetša, ruri ke a le botša, o tlo e thabela gagolo wa go fetiša go thabela tšeo tše masome a senyane a metšo e senyane, tše di sa timelago.
14
Le Tataweno wa magodimong ga a rate ge le o tee wa ba banyenyane ba a ka timela.
15
Ge ngwaneno a senya, mo sole le le seng; ge a ka kwa, gona o tlo rua ngwana weno.
16
Ge a ka gana go go kwa, yaa go yena o na le yo mongwe le ge e le ba babedi, gore ditaba di dule di na le hlatse tše pedi le ge e le tše tharo.
17
Ge a ka gana go kwa bonabao, gona o botše phuthego. Ge a kagana go kwa yona phuthego, gona o mo seme wantle le mohlanogi.
18
Ruri, ke a le botša, tšohle tše le tlo go di tlema mono lefaseng, di tlo tlengwa le kwa magodimong le tše le tlo go di hunolla lefaseng, di tlo hunollwa le kwa legodimong.
19
Le gona ke le botša ke re: Ge ba babedi ba lena mono lefaseng ba ka kwana tabeng e fe le e fe ye ba ratago go e kgopela, ba tlo fiwa ke Tate wa magodimong.
20
Gobane mo ba babedi le ge e le ba bararo ba kago phuthega ka leina la ka, nna ke tlo ba gare ga bona.
21
Ke mo Petro a batametšego a re: Morena, ngwanešo ge a ntshenyetša, ke tlo mo lebalela gakae? A nka mo lebalela gašupa?
22
Jesu a re: Nna ga ke re gašupa; a e be masome a šupago ge a balwa gašupa.
23
Ka gobane mmušo wa magodimo o swana le motho wa kgoši, ge a nyako balelana metšhokga le bahlanka ba gagwe.
24
Ge a thoma go bala, gwa tlišwa e mongwe e a nago le molato wa diponto tše dikete tše makgolo.
25
Bjale ge a hloka tša go lefa ka tšona, morena wa gagwe a laela a re go rikišwe ka yena, le ka mosadi wa gagwe, le bana, le thoto ya gagwe ka moka: a lefe ka mokgwa woo.
26
Mohlanka eo a ikušetša fase a lotšha a re: Morena, a nke o se mphelele pelo; ke tlo go lefela tšohle.
27
Morena wa gagwe a mo gaugela, a mo lesetša; le tše e bego e le molato wo a o llego, a mo nea.
28
Ya re ge mohlanka eo a etšwa moo, a hwetša e mongwe wa bahlanka ka yena, e a bego a na le molato go yena wa mašeleng a lekgolo; a mo swara a mo tlima, a re: Ntefele molato wa ka!
29
Mohlanka eo ka yena a ikušetša fase, a mo rapela a re: A nke o se mphelele pelo; ke tlo go lefela tšohle.
30
Yena a gana, a ya a mo kgoromeletša kgolegong, go be go tle a lefe molato wa gagwe.
31
Bahlanka ka yena ba bona tše di diregilego, ba nyama dipelo gagolo; ba tla ba anegela morena wa bona tšohle tše di diregilego.
32
Morena wa gagwe a mmitša, a bolela nae a re: O mohlanka e mobe. Nka ke go lebaletše molato wola ka moka, ka gobane o nthapela.
33
A e be e se tshwanelo gore le wena o šokelwe mohlanka ka wena, bjalo ka ge nna ke go seketšwe?
34
Morena wa gagwe a tuka bogale, a mo gafela bahlokofatši go be go tle a lefe molato wa gagwe ka moka.
35
Le Tate wa magodimong o tlo le dira ka mokgwa woo ge le sa lebalele, ge motho a sa lebalele ngwanabo ditšhito tša gagwe ka pelo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28