bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Matthew 16
Matthew 16
Sotho 1951 (BIBELE)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
Gwa tla bafarisei le basadutsei ba mo leka; ba mo kgopela ba re a ba bontšhe mohlolo o tšwago legodimong.
2
Jesu a fetola a re: Ka mantšibua le re: Le tlo tsoga go sile, gobane le hubetše.
3
E sa le bosasa le re: Lehono e tlo duma, gobane legodimo le hubetše, le gona go ne maru. -- Lena baikaketši, ponalo ya legodimo le tseba go e hlaologanya, mme mahlola a mabaka le reng le sa a kgone?
4
Moloko o mobe wo wa bahladi o tsoma mohlolo, mme o ka se ke wa fiwa mohlolo o mongwe, ge e se wola wa Jona moporofeta. -- O realo mme a ba tlogela a sepela.
5
Bjale barutiwa ba gagwe, mola ba selela mošola, ba be ba lebetše go tloga le mefago.
6
Jesu a bolela le bona a re: Phafogang, le ile dikomelo tša bafarisei le basadutsei.
7
Ge a realo bona ba eleletša ba re: O ra mefago ye re se kaga ra tšwa nayo.
8
Jesu, ka go tseba tša mo dipelong tša bona, a re: Le eleletšang mo dipelong tša lena? Lena bahlayatumelo! Le re ke ra mphago wo le sa kago la tšwa nawo!
9
A ga lešo la hlaologanya? A ga le sa gopola dinkgwa tšela tše tlhano tša go lewa ke banna ba dikete tše tlhano, le bokae bja diroto tše šetšego natšo?
10
Le dinkgwa tšela tše di šupago tša go lewa ke banna ba dikete tše nne, le bokae bja diroto tše le šetšego natšo?
11
Bjale le reng le sa hlaologanye gore ke be ke sa bolele mefago, ge ke re: Phafogelang komelo ya bafarisei le basadutsei?
12
Ke mo ba lemogilego gobane o be a sa šupe komelo ya magobe; o be a era thuto ya bafarisei le basadutsei.
13
Eitše ge Jesu a fihlile mathokong a Kesarea-Filipi, a botšiša barutiwa ba gagwe a re: Batho ge ba bolela Morwamotho ba re ke mang?
14
Bona ba re: Ba bangwe ba re o Johane Mokolobetši; ba bangwe ba re o Eliya; ba bangwe ba re o Jeremia goba e mongwe wa baporofeta.
15
Jesu a re: Gomme lena le re ke mang?
16
Simone Petro a fetola a re: O Kriste Morwa wa Modimo a phelago.
17
Ke mo Jesu a fetotšego a re: O wa lehlogonolo wena Simone Morwa-Jona; gobane ga se nama le madi di go utolletšego seo; ke Tate wa magodimong.
18
Gomme nna ke go botša ke re: Wena o Petro, o lefsika le ke tlo go aga phuthego yaka godimo ga lona; mme dikgoro tša bodulabahu di ka se ke tša e fenya.
19
Ke tlo go nea dikgonyu tša mmušo wa magodimo. Tše o tlogo di tlema mo lefaseng di tlo tlengwa le magodimong. Tše o tlogo di hunolla mo lefaseng di tlo hunologa le magodimong.
20
Mohla woo o laetše barutiwa ba gagwe a re ba se ke ba botša motho ge yena e le Kriste.
21
Mehla yeo ke ye Jesu a thomilego ka yona go šupetša barutiwa ba gagwe, ge sa gagwe e le go ya Jerusalema le go tlaišwa ka tše ntši ke ba bagolo le baperisita ba bagolo le bamangwalo, le go tsoga ka letšatši la boraro.
22
Petro a mmiletša thoko, a thoma go mo phegelela a re: Morena! A nke o lotege, tšeo di se ke tša go diregela.
23
Jesu a mo fularela a re: Tloga fa pele ga ka, wena lenaba; o a nkgopiša, gobane ga o eletše tša Modimo, o eleletša tša batho.
24
Bjale Jesu a bolela le barutiwa ba gagwe a re: Ge motho a rata go ntšhala morago, a ikgafe, a rwale sefapano sa gagwe, mme a ntatele.
25
E a ratago go phološa bophelo bja gagwe, o tlo bo lahla; mme e a lahlago bophelo bja gagwe ka baka la ka, o tlo bo hwetša.
26
Gobane motho go tlo mo holang ge a ka rua lefase ka moka mme a senyegelwa moya wa gagwe? Goba motho a ka ntšhang sa go rekolla moya wa gagwe?
27
Gobane Morwamotho o tlo tla ka letago la Tatagwe a na le barongwa ba gagwe, ke mo a tlo go putsa mang lemang a mo nea se se lebanego mediro ya gagwe.
28
Ruri ke a le botša mo go ba ba emego fa go na le ba ba tlo go bona Morwamotho a etla a le mmušong wa gagwe, bona ba sešo ba kwa lehu.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28