bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Matthew 21
Matthew 21
Sotho 1951 (BIBELE)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Eitše ge ba batametše Jerusalema, ba fihlile Bethefage thabeng ya mehlware, Jesu a roma barutiwa ba babedi a re:
2
Yang motsaneng wo le lebanego nawo; le tlo tloga le hwetša pokolo e kgokilwego, e na le pokolwana. Le di tliše fa go nna.
3
Gomme ge motho a ka bolela le lena, le tlo re: Morena o a di hloka. Gona o tlo akgofa a di lesa tša tla fa.
4
Tše ka moka di diregile gore go phethege se se boletšwego ke moporofeta ge a re:
5
Botšang morwedi wa Tsione, le re: Kgoši ya gago še, e tla go wena e le yo bonolo; mme e nametše pokolo, namane ya pokolopeleša.
6
Barutiwa ba ya, ba dira ka mo Jesu a ba laetšego ka gona.
7
Ba tla le pokolo le pokolwana, ba di bea dikobo tša bona, mme ba mo nametša.
8
Lešaba le lentši la batho ba ala dikobo tša bona tseleng, ba bangwe ba rema mahlare dihlareng, ba a ala tseleng.
9
Mme mašaba a a etilego pele, le a a latelago, a goa a re: Hosiana Morwa wa Dafida! Go retwe e a tlago ka leina la Morena. Hosiana magodimodimong!
10
Ge a tsena Jerusalema, motse ka moka wa huduega, wa re: Ke mang yoo?
11
Mašaba a re: Ke Jesu moporofeta wa Natsaretha wa Galilea.
12
Bjale Jesu a ya Ntlongkgethwa ya Modimo, a leleka bohle ba ba bego ba bapatša le ba ba bego ba reka moo Ntlongkgethwa, a uša dithalana tša bao ba bego ba rekanya ditšhelete, a uša le ditulo tša babapatši ba maeba.
13
A bolela le bona a re: Go ngwadilwe gwa thwe: Ngwako wa ka o tlo bitšwa Ngwako wa thapelo; mme lena, le o dirile legolo la bahlakodi.
14
A le moo Ntlongkgethwa gwa tla ba difofu le ba digole, a ba fodiša.
15
Ge baperisita ba bagolo le bamangwalo ba bona matete ao a a dirago, ba bona le bana ba bego ba goeletša moo Ntlongkgethwa ba re: Hosiana Morwa wa Dafida, ba hlonama ka kudu.
16
Ba botšiša Jesu ba re: Tše ba di bolelago a o a di kwa? Yena a fetola a re: Ee! A ga lešo la bala mo go rego: O itheetše theto ka melomo ya bana ba masea?
17
A ba tlogela a tšwa motseng, a ya Bethania a lala gona.
18
Ka moswana ge a boela motseng, a swarwa ke tlala.
19
A bona sehlare sa mogo se eme se nnoši hleng ga tsela. A ya go sona, a hwetša se se na selo ge e se matlakala. A bolela le sona a re: O ka se hlwe o enywa selo neng le neng. -- Mogo woo wa napa wa oma e sa le semeetseng.
20
Barutiwa ge ba di bona, ba tlabega ba re: Mogo o omeletše bjang ka pele?
21
Jesu a fetola a re: Ruri, ke a le botša, ge le ka ba le tumelo le sa belaele, le ka se ke la dira tše tša mogo fela; le tlo ba la laela le thaba ye la re: Tloga fa, o ikwetše lewatleng; gwa tlo direga ka mokgwa woo.
22
Mme tšohle tše le di lopago ka thapelo le dumela, le tlo di amogela.
23
Ya re a fihlile Ntlongkgethwa, mme a ruta, gwa tla baperisita ba bagolo le bagolo ba setšhaba, ba re: Tše o di dirago o di dira ka maatla a fe? Ke mang a go filego maatla a?
24
Jesu a fetola a re: Le nna ke tlo le botšiša taba e tee, ye e tlogo re ge le mpotša yona, le nna ka le botša gore ke maatla mang a ke dirago ka ona.
25
Kolobetšo ya Johane e be e tšwa kae? A e be e tšwa legodimong, goba e be e tšwa bathong?
26
Bona ba eleletša dipelong tša bona ba re: Ge re ka re e be e etšwa legodimong, o tlo re: Ge le sa ka la mo dumela le be le reng? Ge re ka re: E be e etšwa bathong, re boifa setšhaba; gobane ka moka ba re Johane ke moporofeta.
27
Ba fetola ba re: Ga re tsebe. Ke mo le yena a itšego: Gona le nna ga ke le botše gore ke maatla mang a ke dirago ka ona.
28
Bjale le reng ka taba ye? Motho e mongwe o be a na le barwa ba babedi. A ya go wa pele a re: Morwa wa ka! Sepela o yo dira tšhemong ya ka lehono.
29
Morwa a fetola a re: Ga ke rate. Ka morago a itshola a ya.
30
Tatabo a ya go wa bobedi, a bolela nae ka mokgwa woo. Yena a fetola a re: Ee, Morena! Mme a se ye.
31
Bjale go ba babedi bao ke o fe e a dirilego thato ya tatagwe? Ba fetola ba re: Ke wa pele. Jesu a re: Ruri, ke a le botša, ba lekgetho le diotswa ba le šia ba tsena mmušong wa Modimo.
32
Gobane Johane o be a tlile go lena ka tsela ya toko, mme ga la ka la mo dumela; a dumelwa ke ba lekgetho le diotswa. Le ka morago, mola le šetše le di bone, ga la ka la itshola la mo dumela.
33
Kwang seswantšho se sengwe. Go be go le motho, mong wa ngwako e a bego a lemile tšhemo ya merara; a e agelela ka legora, a e batela lebato, a e hlomela sethala; a tsebo e gafela balemi, yena a swara leeto.
34
Ge go fihlile lebaka la puno, a roma bahlanka ba gagwe, a re ba yo tšea dienywa tša gagwe.
35
Balemi ba swara bahlanka bao; e mongwe ba mo itia; e mongwe ba mmolaya; e mongwe ba mo thuma ka maswika.
36
A buša a roma bahlanka ba bangwe, ba ba fetišago bala ba pele ka bontši. Le bona ba dirwa ka mokgwa woo.
37
A ba a roma morwa wa gagwe a re: Morwa wa ka ba tlo mmoifa.
38
Balemi ge ba bona yena morwa, ba lakana bare: Yo ke yena moji wa bohwa; eriyeng re mmolaye, bohwa bja gagwe bo lewe ke rena.
39
Ba mo swara ba mo kgoromeletša ntle ga tšhemo, ba mmolaya.
40
Bjale mohla mong wa tšhemo a boa, balemi bao o tlo ba dirang?
41
Bona ba re: Ba babe bao o tlo ba bolaya mo gobe, tšhemo a e gafela ba šele ba go tlo mo neela dienywa mabakeng a tšona.
42
Jesu a re: A ga le ešo la bala mangwalong mo go rego: Leswika le baagi ba le nyaditšego le bile la motheo wa sekhutlo? Tše bjalo ge di direga di tšwa go Morena; re bona e le matete.
43
Ke gona ke le botšago ke re: Le tlo amogiwa mmušo wa Modimo; mme o tlo fiwa setšhaba se se tlogo tšweletša dienywa tša sona.
44
Gomme e a tlogo wela leswika leo, o tlo dubagana; mme yoo le tlo go mo wela, le tlo mo ritaganya.
45
Bjale baperisita ba bagolo le bafarisei ge ba kwele diswantšho tšeo tša gagwe, ba lemoga ge a boletše bona.
46
Fela, le ge ba ratile go mo swara, ba upša ba boifa mašaba a batho, ka gobane ona a be a mo dira moporofeta.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28