bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Matthew 22
Matthew 22
Sotho 1951 (BIBELE)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
Jesu a buša a bolela a ba ruta ka diswantšho, a re:
2
Mmušo wa magodimo o swana le motho wa kgoši e a diretšego morwa wa gagwe monyanya wa lenyalo.
3
A roma bahlanka ba gagwe ba yo bitša balalediwa ba monyanya; mme ba gana go tla.
4
A buša a roma bahlanka ba bangwe, a re: Botšang balalediwa le re: Tsebang, dijo tša ka ke di lokišitše; dipholo tša ka le tše di nontšhitšwego tša ka di hlabilwe, go lokile tšohle; tlang monyanyeng wa lenyalo.
5
Balalediwa ba nyatša, ba tloga e mongwe a ya tšhemong ya gagwe, e mongwe a ya papatšong ya gagwe.
6
Ba bangwe ba swara bahlanka ba gagwe, ba ba kwera, ba ba bolaya.
7
Kgoši ge e di kwa ya befelwa; ya fiša motse wa bona.
8
Bjale ya bolela le bahlanka ba yona ya re: Monyanya wona o lokišitšwe; fela, balalediwa e be e se ba o swanelago.
9
Ke gona yang kua magahlanong a ditsela, le ba biletše monyanyeng.
10
Mme bahlanka ba ya ditseleng, ba phutha ba ba ba hwetšago, ba babe le ba botse, ntlo ya monyanya ya tlala batho ba dutšego.
11
Kgoši ge e tsena go bona ba ba dutšego, ya hwetša motho e a sa aparago seaparo sa monyanya.
12
Ya mmotšiša ya re: Mogweraka, o tsene bjang mono o sa apara seaparo sa monyanya? Motho yoo a homola.
13
Kgoši ya botša bahlanka ya re: Mo tlemeng maoto le matsogo le mo ntšhetše leswiswing la kua ntlentle, mo go tlogo ba le dillo le ditsikitlano tša meno.
14
Gobane ba ba biditšwego ke ba bantši bahlaolwa ga ba nene.
15
Ke gona bafarisei ba tlogilego ba yo lakana go mo rea ka lentšu.
16
Ba roma barutiwa ba bona, ba ya ba na le bahlanka ba Herode, ba tla ba re: Moruti, re tseba ge o le wa go rereša; mme o ruta tsela ya Modimo ka therešo; ga o hlaole, gobane ga o bebe motho selo.
17
Bjale nke o re botše: Wena o reng? A go re loketše go ntšhetša Kesara motšhelo, goba ga go a re lokela?
18
Jesu ka go tseba bobe bja bona, a re: Le ntekelang, lena baikaketši?
19
Mpontšheng tšhelete ya lekgetho. Ba mo tlišetša šeleng.
20
A ba botšiša a re: Ke sa mang seswantšho se, le leina le?
21
Bona ba re: Ke tša Kesara. Yena a re: Gona ntšhetšang Kesara tše e lego tša Kesara; Modimo le mo ntšhetše tše e lego tša Modimo.
22
Ge ba ekwa a realo ba tlabega; ba mo tlogela ba sepela.
23
Ka lona tšatši leo gwa tla basadutsei. Ke ba ba rego: Bahu ga ba tsoge. Bona ba mmotšiša ba re:
24
Moruti! Moše o itše, ge motho a ehwa a se na bana, monnagwe a tšee mosadi wa gagwe, a tsošetše mogolwane peu.
25
Bjale mo go rena go be go na le banna ba šupago e le bana ba motho o tee. Wa pele a tšea mosadi, a hwa a se na ngwana; mosadi a šala a ba wa monnagwe.
26
Le go wa bobedi gwa ba bjalo, le go wa boraro, go iša go wa go šupa.
27
Mosadi a šala, a ba a hwa le yena.
28
Bjale mohla bahu ba tsogago, mosadi e tlo ba wa mang ge ba mo tšere ba šupile?
29
Jesu a fetola a re: Le a timela, ka gobane ga le tsebe mangwalo; le maatla a Modimo ga le a tsebe.
30
Mohla bahu ba tsogago, ba ka se ke ba nyala, ba ka se ke ba nyadiša. Ba tlo ba bjalo ka barongwa ba Modimo ba legodimong.
31
Gomme ge le mpotšiša tša tsogo ya bahu a ga le ešo la bala tše Modimo a le boditšego a re:
32
Ke nna Modimo wa Aborahama le Isaka le Jakobo. Modimo gomme ga se Modimo wa bahu, ke Modimo wa ba ba phelago.
33
Ge mašaba a ekwa ge a realo a kgotsa thuto ya gagwe.
34
Bafarisei ge ba ekwa gobane basadutsei o ba thibile melomo, ba tla ba mo kgobokanela.
35
E mongwe wa bona wa moruti wa molao a mo leka, a mmotšiša a re:
36
Moruti, taelo e kgolo molaong ke e fe?
37
Jesu a fetola a re: Še, Morena Modimo wa gago o mo rate ka pelo ya gago ka moka, le ka moya wa gago ka moka, le ka tlhaologanyo ya gago ka moka.
38
Ke yona taelo ya pele, yona e kgolo.
39
Gomme ya bobedi e lekana le yona; e re: Wa geno o mo rate ka mokgwa wo o ithatago ka wona.
40
Ditaelo tše pedi tše di akareditše molao ka moka le baporofeta.
41
Mohla bafarisei ba phuthegile, Jesu a ba botšiša a re:
42
Le reng ka Kriste? Ke morwa wa mang? Bona ba re: Ke wa Dafida.
43
Jesu a re: Gomme Dafida, a le Moyeng, o reng ge a re: Mong wa ka a era yena ge a re:
44
Morena o boditše mong wa ka a re: Dula ka letsogong la ka le letona, ke be ke dire manaba a gago bogato bja nao tša gago.
45
Bjale Dafida ge a mo re: Mong wa ka a ka ba morwa wa gagwe bjang?
46
Le o tee a se kgone go mo fetola le ka lentšu le tee. Gomme go tloga mohla woo gwa se be le e a kago tlema pelo a fetolana le yena.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28