bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Numbers 31
Numbers 31
Sotho 1951 (BIBELE)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Morena o boletše le Moshe a re:
2
Lefetša Bamidiane tše ba di dirilego Baisiraele, e be gona o tlogo gorošetswa go ba geno.
3
Moshe a bolela le setšhaba a re: Hlaolang banna ba itlhame, ba tšwele Bamidiane dira, ba iše kgalefo ya Morena go Bamidiane.
4
Go moloko o mongwe le o mongwe go tšwe ba sekete, le ba rome ba tšwe dira.
5
Gomme gwa hlaolwa ba sekete setee mo molokong o mongwe le o mongwe, ya ba ba dikete tše lesome le metšo e mebedi ba ba itlhametšego go tšwa dira.
6
Bona ba, ba ba tšwilego e le sekete seteesetee ka moloko, ba tšwa le Pinease morwa wa Eleasara moperisita ba swere dilo tše kgethwa le dinaka tša go letša.
7
Ba šwahlela Bamidiane, bjalo ka ge Morena a laetše Moshe, ba bolaya banna ka moka.
8
Ka ntle ga ba bangwe ba ba fedilego ba bolaile le magoši a Bamidiane, Boefi, le Rekema, le Tsuri, le Huri, le Reba; ka moka ke dikgoši tše tlhano. Le Bileama morwa wa Beoro ba mmolaile ka lerumo.
9
Gomme Baisiraele ba thopa basadi ba Bamidiane le bana ba bona, le dikgomo tša bona ka moka, le mehlape ya bona ka moka, le maruo a bona ka moka.
10
Ba fiša metse ya bona ka moka, le meago ya bona ka moka, le meraka ya bona ka moka.
11
Ba tšea tše di thopilwego ka moka, le dithebola ka moka tša batho le tša diruiwa.
12
Tšona tšeo, mathopša, le dithebola, le tše di thopilwego, ba di tlišitše go Moshe le go Eleasara moperisita, le go phuthego ya Baisiraele mešašeng, kua molaleng wa Moaba, nokeng ya Jorodane, go lebanego le motse wa Jeriko.
13
Moshe le Eleasara moperisita, le bagolo ka moka ba phuthego, ba tšwa ba ba gahlanetša kua ntle ga mešaša.
14
Gomme Moshe a galefela balaodi ba madira e lego ditona tša ba dikete le tša ba makgolo, tše di boilego di etšwa direng, tlhabanong.
15
A bolela le bona a re: A le lesitše basadi ka moka ba phela?
16
Hleng ke bona ba ba fapošitšego Baisiraele ka keletšo ya Bileama ba hlala Morena ka molato wola wa Peoro, mme phuthego ya Morena ya welwa ke kotlo!
17
Bjale bolayang bana ka moka ba bašimane; mme le bolaye le basadi ka moka ba ba kilego ba robala le monna.
18
Le lese basetsana ka moka ba ba sa tsebego monna ba phele, e be ba lena.
19
Ge e le lena, le fetše matšatši a šupago le dutše kua ntle ga mešaša; mang le mang e a bolailego motho, le e a kgwathilego motho e a bolailwego, a ithakgafatše ka tšatši la boraro le ka la go šupa, lena le mathopša a lena ka moka.
20
Le thakgafatše le diaparo ka moka, le dilo tšohle tša letlalo, le tše di direlwego ka boya bja dipudi le ka kota.
21
Eleasara moperisita a laodišetša bahlabani ba ba bego ba ile ntweng a re: Ke molao wo o tiilego, wo Morena a o laetšego Moshe.
22
Ge e le gauta, le silifera, le mphiri, le tshipi, le tshipithšweu, le morodu,
23
tšohle tše di sa swego mollong, le di tsenye mollong, gore di thakgafale; mme le se ke la lesa go di hlatswa ka meetse a thakgafatšo. Gomme tšohle tše di sa dumellanego le mollo le di tsenye meetseng.
24
Ge le hlatswitše diaparo tša lena ka la go šupa, ke mo le tlogo tšwa ditšhila, la kgona le boela mešašeng.
25
Gomme Morena a botša Moshe a re:
26
Bala palo ya mathopša a a swerwego, a batho le a dikgomo; o bale o na le Eleasara moperisita le ba bagolo ba phuthego.
27
Gomme ba ba thopilwego o ba arolele bahlabani ba ba tšwago direng le phuthego ka moka.
28
Bahlabani ba ba tšwago ntweng o ba ntšhiše lekgetho la Morena, ba ntšhe setee go makgolo a mahlano go batho le go dikgomo, le go dipokolo, le go dinku.
29
O di tšee mo karolong ya bona, o di neele Eleasara moperisita, e be sebego sa Morena.
30
Mo karolong ya Baisiraele o tšee setee go masome a mahlano go batho, le go dikgomo, le go dipokolo, le go dinku, le go diruiwa ka moka, mme o di neele Balefi, bahlokomedi ba madišo a Ntlong ya Morena.
31
Moshe le Eleasara ba dira ka mo Morena a laetšego Moshe ka gona.
32
Tše di thopilwego, tše bahlabani ba boilego natšo di sa phela, e be e le dinku tše dikete tše makgolo a selelago, a nago le masome a šupago a metšo e mehlano.
33
Dikgomo e be e le dikete tše masome a šupago a metšo e mebedi.
34
Dipokolo e be e le dikete tše masome a selelago a motšo o tee.
35
Batho e be e le basetsana ba dikete tše masome a mararo a metšo e mebedi ba ba sešogo ba tseba monna.
36
Bjalo karolo ye e baletšwego bahlabani ba ba tšwilego ntweng e tlile ya ba dinku tše dikete tše makgolo a mararo, a nago le masome a mararo a metšo e šupago, le makgolo a mahlano;
37
Lekgetho la Morena le le tšwilego dinkung tšeo ya ba tše makgolo a selelago a nago le masome a šupago a metšo e mehlano.
38
Dikgomo e be e le tše dikete tše masome a mararo a metšo e selelago; lekgetho la Morena mo go tšona ya ba masome a šupago a metšo e mebedi.
39
Dipokolo e be e le dikete tše masome a mararo, le makgolo a mahlano; lekgetho la Morena ya ba tše masome a selelago le pokolo e tee.
40
Batho e be e le dikete tše lesome la metšo e selelago; lekgetho la Morena mo go bona ya ba ba masome a mararo le batho ba babedi.
41
Lekgetho le la Morena Moshe o le meetše Eleasara moperisita, ka mo Morena a mo laetšego ka gona.
42
Karolo ya Baisiraele ye Moshe a e arotšego go ya bahlabani še:
43
Karolo ya phuthego e be e le dinku tše dikete tše makgolo a mararo a nago le masome a mararo a metšo e šupago, le makgolo a mahlano,
44
dikgomo e be e le dikete tše masome a mararo, a metšo e selelago.
45
Dipokolo e be e le dikete tše masome a mararo, le makgolo a mahlano.
46
Batho e be e le ba dikete tše lesome la metšo e selelago.
47
Go karolo ye ya Baisiraele o tšere setee go tše masome a mahlano, go batho le go diruiwa, a di neela Balefi bahlokomedi ba madišo a Ntlo ya Morena, ka mo Morena a mo laetšego ka gona.
48
Gwa batamela balaodi ba dikgao tša madira, matona a ba dikete, le matona a ba makgolo, ba tla go Moshe;
49
ba bolela le Moshe ba re: Rena bahlanka ba gago re badile palo ya bahlabani ba re bego re ba laola, ra hwetša go sa hlokege le monna o tee wa rena.
50
Ke ka baka leo re tlišetšago Morena neo ya tše e mongwe le e mongwe wa rena a di thopilego; ke dilo tša gauta; ke meruka, le maseka, le mangina, le mabitsi; re dira gore meoya ya rena e boelanywe le Morena.
51
Moshe le Eleasara moperisita ba amogela gauta yeo go bona. E be e le dilwana tše di botsana tša mehutahuta.
52
Gauta ya dilo tšeo tše ba di neetšego Morena di etšwa go ditona tša ba dikete le go ditona tša ba makgolo, e be e le sekele tše dikete tše lesome la metšo e selelago, le makgolo a šupago a nago le masome a mahlano.
53
Bahlabani ka moka ba be ba ithopetše tša bona.
54
Moshe le Eleasara moperisita ba tšere gauta yeo, ye e tšwilego go ditona tša ba dikete le go ditona tša ba makgolo, ba e tliša Ngwakong wa Kgwerano, ya ba seeletši sa Baisiraele pele ga Morena.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36