bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Amos 6
Amos 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 7 →
1
Mulī mu kwihīga a bing'we bikaji ba mu Sayuni abo ng'wiyīībile, na a bing'we ba mu Lūgūlū lwa Samalia abo mukibonaga mulī mhola, abo mulī bakumūku ū ng'wihanga ī litaale īlī, na a Baisilaeli bakamukoobaga!
2
Alijagi ī Kaline mukalole koi; ng'wīnge ū kwenūko muje kū nzengo ntaale gwa Hamasi, hūna mutulumenhe muje na Gaasi, kū sī ya Bafilisiti. A benabo baalī na wiza kī bo kūjiheeba ī sī jing'we būbīlī wajo? Ī sī yabo ngalī kūtinda ī ying'we?
3
Ū lūshikū ū lwabūbi mukalūbonaga gīkī lūtaalī kūle no, ū kūnū mukūwegelejaga bbihī ū būsugi bo wiboneeji.
4
Bing'we abo mukalaalaga ha būlīīlī bo mapembe ga mhūlī, na kwigasha ha masumbī ging'we mamondu. Mukalyaga ng'ondi ja ng'holo songi, na nzagamba ja ng'ombe mūūga, ng'īnu ja kūfuma mu madaale ging'we.
5
Mutogilwe kūtūla ndono jing'we gītī Daūdi, na kwikala mukūbeejaga shikolo sha kūtūmamīla mu wīmbi wing'we.
6
Mukikalaga mukūng'waga divai mabbakuli pa pa pa, na kwibila maguta ga ng'waso gwawiza, alīyo yaya ū kūpīnīhala kūlwa kūkenaagūka kwa ng'wa Yosefu!
7
Hūna lūūlū a bing'we mukūbiza ba kwandya ū mu bading'wa abo bakūtwalwa mu būsaamiwa; Ī mihayo ying'we ya kwigasha mukūlyaga shigukulu īkūshila.
8
Ū Seeba MULUNGU wilahīlile mu lina lyakwe we ng'wenekīlī; ū Seeba Mulungu wa Būdūla bose alīhaya: Ū wikumīlīja bo ng'wa Yakobo nabūkolilwe no, nī ng'hambī ja bashilikale jakwe natajitogilwe; nakūgūfunya ū nzengo gūding'we, nī shose īsho shilīmo.
9
Nūūlū būlekeelwa banhū ikūmi mu kaya īmò, bakūcha dūhū nabo.
10
Ūlū ndūgū wiza kwībūūcha Ī mibīlī kwīnga ū mu numba gīkī akījīke, hūna ūmūja ūyo alīmo ū mu gatī ibisile, ūhaya, “Alīmo na ūngī hamò nang'ho?” Nang'we akūhaya, “Mm yaya,” hanuma akūhaya, “Shii! Huumūlaga; yaya ū kūgima kūlīhaya Ī lina lya ng'wa SEEBA.”
11
Nguno ū SEEBA wamalile kūfunya shilagīlo, akūjikambagūla ī numba ī nhaale nī ndo jiseesagūke jishile ho gete.
12
Angū, ī falasa jikapeelaga nū mu sī ya mawe ga milala? Alīho wa kūdūla kūlīma na ng'ombe ū ng'wenūmo? Alīyo a bing'we ng'wagalūcha a kalamulīle ka wīīmà yūbiza sumu, Ī litwajo lya būtūngīlīja nalyo lyūbiza būlūlū.
13
Mukayegelaga mu būtindi bo Lo Debaali, kūnū mukwiwīlaga, “Ī Kalinaimu tūtīdimile bise bo nguzu jise benekīlī?”
14
Nguno ū SEEBA Mulungu wa Būdūla bose alīhaya, “Bebe numba ya Isilaeli, nakūlīsamīlīja ihanga līkūsange; līkūkūluhya kwandīja Lebo Hamasi, kūjūshika kū mbūga ya Alaba.”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 7 →
All chapters:
1
2
3
4
5
6
7
8
9