bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Amos 8
Amos 8
Sukuma 2019
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 9 →
1
Ū Seeba MULUNGU ūnoolekeja mhayo gūngī gūūyū, shigabbu sha matwajo gapiile.
2
Ūnibūūja, “Amosi ūlībona kī?” Nūnshokeja, “Shigabbu sha matwajo.” Hūna ū SEEBA ūhaya, “Lyashikaga ī likanza lya banhū bane a Baisilaeli; natikala nabiloleelile dūhū.”
3
Ū Seeba MULUNGU alīhaya, “Ū mu lūshikū lwenūlo, a mīmbo ga mu hekalu gakūgalūka kūbiza ng'hūngū. Mibimba mingī īkūponanjiwa ūko na ūko, bo sele sele!”
4
Bing'we biboneeji ba bagayiwa na bayagaja ba bahabī, gwigwagi ū mhayo ūyū.
5
Bing'we abo mukahayaga, “Ī Shigukulu sha Ng'weji Mpya shikūshila nanalī tūjinje shilīwa, nī Sabato ni īkūkalīka nanalī twandye kūsūlūja muchele?” Tūkūyūshigehya ī shipimo twagūtūūla higūlya ū mpango; na kūyūbakīja masala bo ngelekelo ja nyalomolomo.
6
A bahabī tūkūyūbagūla bo hela, a bagayiwa nūūlū ndaala ibīlī dūhū; nīyo na a meela tūkūyūgajingīja mo ū mu muchele.
7
Ū SEEBA wilahīlile kūlw'ikūjo lya ng'wa Yakobo, wahayile gīkī, “Natīība shose shose īsho bashīta.”
8
Ī sī ītūdetema kūlwa mhayo ūyū, na a bose abo bakikalaga moi? Ī sī īkookala pa gītī mongo gwa Nile; Īkūyugūūka hūna īkame gītī mongo gwa Misili.
9
Ū Seeba MULUNGU alīhaya, “Ū lūshikū lwenūlo nakūwīta wile alīyo ītaalī līīmi ntwe gatī, Ī sī nakwīyīītīla giiti makanza ga līīmi lūgala.”
10
Ī shigukulu shing'we sha dini nakūshigalūcha shibize makanza ga būpīna, na a mīmbo ging'we gakūgalūka kūbiza ng'hūngū. Nakūng'wīta pye a bose muzwale shizwalo sha magūnīla, nī mitwe ying'we muhalūle mapala. Ī likanza lyenīlo nakūlyīta lībize gītī lya kūnīla ng'wana ūmò wike; ū kū ng'halīlo yaho lūkūbiza lūshikū lwa kūsaatwa kūtaale.
11
Ū Seeba MULUNGU alīhaya gīkī, “Jikwiza shikū ījo nakūtūma nzala ū mu sī, gwike ītī nzala ya shilīwa nūūlū notà ya minzī, alīyo nzala ya kwigwa mihayo ya ng'wa SEEBA.”
12
Banhū bakūyūhūhūūdīka bakūkīlaga manyanza na manyanza, na kūyūnga kūfuma sukuma kūja kīya, bakūgūkoobaga ū mhayo go ng'wa SEEBA; alīyo batūgūpandīka.
13
Ū mu lūshikū lwenūlo banhya basoga kūlola na basūmba ba nguzu bakūgwa mhūngīli kūlwa notà.
14
Abo bakilahīlaga mu lina lya ng'wa Ashima wa Samalia kūnū bakūhayaga gīkī, “Ūmo alī mpanga ū mulungu wako Dani,” nūūlū gīkī, “Ūmo alī mpanga ū mulungu wa Beeli-sheba, bakūgwa, na batūdūla kūgūngūmūka hangī.”
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 9 →
All chapters:
1
2
3
4
5
6
7
8
9