bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Amos 7
Amos 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
1
Gūūyū mhayo akanoolekeja ū Seeba MULUNGU: Ū mu shikū jenījo walī mu nīmo gwa kūgolanya madaale na madaale ga njige; bakasangwa baamalile ū kūgesa īsho shalīmagwa mbele, ū ntemi ūbiza wapandīka ū ngabo gwakwe, ī sha kabīlī hū shūsangwa shandije dūhū ū kūsonga.
2
Ī njige jenījo aho jalya būlī shikolo yūbiza sī yike, nūlīla nalīhaya; Ee, Seeba MULUNGU, lekejaga! Ū Yakobo ndo no! Akūpīla kinehe?
3
Na nag'hana ū SEEBA ūlekeja. Ū SEEBA ūhaya, “Ū gwenūyū gūtūshikīīla.”
4
Ū Seeba MULUNGU ūnoolekeja mhayo gūngī gūūyū: Ū mu shikū jenījo ū Seeba MULUNGU akalagīja nsango gwa moto; gwīyikīīla ī nyanza na būshimu wayo, yūkama; nī sī gwandya kwīlya.
5
Nūūlīla, “Ee Seeba MULUNGU, lekejaga! Ū Yakobo ndo no! Akūpīla kinehe?”
6
Na ng'hana ū SEEBA ūlekeja hangī. Ū SEEBA MULUNGU ūhaya, “Nū gwenūyū gūtūshikīīla.”
7
Hūna ūnoolekeja gūūyū, Ū Seeba walī wīmīīla bbihī na ndugu īyo yalī īzengilwe kūlondeela shipimo sha kabiilū, ū mu nkono walī adimile kabiilū.
8
Ū Seeba ūnibūūja, “Ūlībona kī Amosi?” Nūshosha, “Kabiilū.” Ū Seeba ūhaya, “Managa gīkī ī haha nalītūūla kabiilū a ha gatī ya banhū bane a Baisilaele; natikala nabiloleelile dūhū.
9
A mapande ga higūlya ga ng'wa Isaka gakūkenaagūlwa, a mapande meela ga mu Isilaeli gakūbipiwa; Ī numba ya ng'wa Yeloboamu nakwīyūbūkīla na līlūshū lyane.”
10
Hūna ū Amazia, ū ngabīji wa Beeseli ūtūma nhūng'wa ū kūlī Yeloboamu ntemi wa Isilaeli kūhaya: Ū Amosi wandije kūkūsoba ū mu Baisilaeli. Ī sī ītūdūla ū kwikala iyūmīlajaga kūgadegeleka pye a mamihayo gakwe.
11
Nguno wandije kūmanūhaya gīkī, Ū Yeloboamu akūbūlagwa bo līlūshū, na a Baisilaeli bakūding'wa basaamiwe, basegenejiwe kūle nī sī yabo.
12
Hūna ū Amazia ūng'wīla ū Amosi, Bebe moni, īngaga a henaha! Shokaga kū sī ya Yuda, ūkūjūpandīkīla kwenūko ī shilīwa shako, nū būhangi wako ūkīītīle kwenūko.
13
Oyaga ū kūhangīla ī Beeseli, nguno ī lyenīlī ipandī lyeela lya ntemi, na hekalu ya būtemi ūbū.
14
Ū Amosi ūnshokeja ū Amazia, “Ū būhangi gūtī nīmo gwane ū nene, nūūlū natī ng'wana wa ng'hangi, alīyo nalī ndīīmi wa ng'holo kwīngīīla kale, na nang'hani wa mikūyū dūhū.
15
Alīyo ū SEEBA akanīnja ū kū nīmo gwa kūdīīma ng'holo ūniwīla, ‘Jaga ūkabahangīle a banhū bane a Baisilaeli.’”
16
Alilūūlū, gūdegelekage ū mhayo go ng'wa SEEBA. Ū bebe ūlīhaya gīkī. “Lekega ū kwīhangīla ī Isilaeli, na gīkī oyaga ū kūbalomeela a banhū ba numba ya ng'wa Isaka.”
17
Hūna lūūlū ū SEEBA alīhaya gīkī, “Ū nke wako ū bebe akūbiza malahya wa mu nzengo, a bitūnja na a bashīke bako bakūbūlagwa bo līlūshū. A malaale gako gakūping'wa bo ngoye gagabanhyiwe; hama ū bebe ng'wenekīlī ūkūchīla kū sī ya kūle. A Baisilaeli bene bakūja kū būsaamiwa ng'hana, bakūja kūle nī sī yabo.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
All chapters:
1
2
3
4
5
6
7
8
9