bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Hosea 12
Hosea 12
Sukuma 2019
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 13 →
1
Ū Efulaimu akwilishaga lūyaga; būlī lūshikū akapeejaga lūyaga lo kīya; akongejaga būlomolomo na wibonya. Ūlū wabeeja būlagane na Ashulu, a maguta ga mizeituni gaaja Misili.
2
Ū Seeba andakīīlile ū Yuda; akūng'winha nsango ū Yakobo kūlenganīla na nzīla jakwe; akūng'winha mheela kūlenganīla na shītīle shakwe.
3
Aho balī munda akandima kwishiigina ū nkūlūye; ū mu shikū ja būtaale bokwe wilwisha na Mulungu.
4
Akifuka na malaika ūpyena; ūlīla akūlombaga mbango. Ū Mulungu ūnsangīla Beeseli, ūlūngalūnga nang'hwe kwenūko.
5
Hū ng'wene ū SEEBA Mulungu wa mabità; SEEBA ūyo akumūkile mu lina lyakwe!
6
Alīyo shiigelile munshokele Mulungu wing'we; muhandatīle būtogwa na būtūngīlīja, ū Mulungu wing'we mung'wisagīlwe būlī lūshikū.
7
Ū nsūlūja akatūmamīlaga mapimīlo g a būlomolomo, atogilwe būnyeecha.
8
Ū Efulaimu akwikumīlījaga ūhaya, “Ī haha nalī nsabi no, ī sabo naapandīkile. Ū mu būsabi wane wenūbū batūbona mo būbi nūūlū shibi shose shose.”
9
Ū nene nalī SEEBA Mulungu wako, kūfuma na a haho ūlī mu sī ya Misili; nakūkwīta ūbize ng'wikaji wa mu maduku hangī, ūmo ūkīītīlaga mu shigukulu Īsho ūhelelilwe.
10
A bahangi naalūngalūnga nabo, nūbinha shakoolechiwa shingī, nūyūfunya na shigemeng'hejo mu nzīla ja kalangīle kabo.
11
Ī Gileadi yabūbi? Alīyo a banhū ba kwene ba sagala! A bana Giligali bakafunyaga nzagamba ja shitambò? Ī myalīlo yabo īkūbiza gītī matūūgo ga mawe ng'wilaale līlīmilwe.
12
Ū Yakobo akapeelela kū sī ya Alamu, ū Isilaeli widīīmīlīja apandīke nkīma, ū būkwi bokwe būbalīlwa mu kwidīīmīlīja ng'holo.
13
Ū SEEBA akatūmamīla ng'hangi ū kūng'wīnja Misili ū Isilaeli, nū kūnang'hana ūtūmamīla ng'hangi.
14
Alīyo ū Efulaimu wampelanya no; hūna lūūlū ū Seeba akūneka na būbi wa būbūlagi bokwe, na akūng'winha mheela kūlw'ibengwe lyakwe.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 13 →
All chapters:
1
2
3
4
5
6
7
8
9
10
11
12
13
14