bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Hosea 7
Hosea 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 8 →
1
Ūlū nihamba kūmpīja ū Isilaeli, ū būbi wa Efulaimu būkwitendaga hape, ū būkenaagūji wa Samalia būkwiyeelekaga. Bakatūmamīlaga būlomolomo, na biibi bakakambūlaga numba, nū kū makūūwa malika ga basambo gakiboneelaga banhū.
2
Gwike batamanile gīkī nashiizūkilwe pyī ī shītwa shabo ī shabūbi; ī haha ī shibi shabo shibagubbanīgije gubbi gubbi, būlī gwa shilī kū būtongi bone.
3
Ū ntemi bakanyejaga mu mihayo yabo yabūbi, na a basugi mu nzīla ja būlomolomo.
4
Pye a bose bashihani, ū mu mhayo gwenūyo basebu no gītī liiko lya nzugi, Īlo moto gwalyo akagūsooselaga kūfuma wandījo wa kūbīkīla fugo kūshisha īsībūkīle.
5
Ū mu lūshikū lwa shigukulu sha ntemi wise, a basugi bakabaka no kūlwa mapūūya, hūna badimana na banhū b'ibengwe.
6
Ī ng'holò jabo jikasebaga gītī ha mahiga, hūna bayūng'wizīīla mu nyasala sala. Ū kwikūmvwa kwabo kūkakeeyulaga kūkūzuukīīlaga gītī lyochi; ūlū wela ī dilū kwapuumūka gītī ndali ja moto.
7
Bose pyī ūmo bagelelile basebu no gītī liiko. Babūlagi ba basugi babo; a batemi babo bakamanagūshila, alīyo atīho nūūlū ūmò ūyo akanilīlīīlaga.
8
Ū Efulaimu wiguulanya mu mahanga; abange būgalī būtazugūūlile.
9
Ī nguzu jakwe jikong'hagwa na mahanga, alīyo ū wei ndūhū ū kūdeeba. Ū mu nzwīlī jakwe jiilobelile mo na jape, ū wei atagūmanile ū gwenūyo.
10
Ū Isilaeli būkūnkaanīlaga ū wikumīlīja bokwe; alīyo ū mu yose yenīyī atatogilwe kūnshokela ū SEEBA Mulungu wakwe, nūūlū kūnkooba dūhū yaya.
11
Ū Efulaimu abange mhunda, ng'wangū ū kūlembagūlwa, atī na masala; lelo akūbitanaga Bamisili, ntondo akūbagalūkīla Baashulu.
12
Ūlū būja nakūbaponegeja ikila lyane nabagwashe, nakūbahungumūla gītī noni ja kūlala. Ūlū nūbiigwa bandya kwikobya hamò, nakūbagwasha.
13
Bimana boi, al'īkī baataalī būnileka ū nene! Īkī baanigomela ū nene, ni bagwīlagwe mayanga! Ū nene natogilwe ū kūbapīja alīyo a boi bakanibyaagījaga mihayo ya būlomolomo.
14
Bakalīlaga kūnū bakūgalagalaga mu būlīīlī wabo na kwisananga mibīlī, alīyo batanilīlīīlaga ū nene kūfuma mu gatī ya ng'holò jabo. Bakikobyaga kūlya būsīga dūhū na kūng'wa mapūūya, alīyo baagalūka būnileka ū nene.
15
Ū kūbalanga naabalanga nene, nūbinha nī nguzu; alīyo hū bakūnilīīlaga gwīnda ya mihayo mibii bii bi.
16
Batangalūkīlaga ūyo alī Higūlya No; batikīlile na būta būtadadīlilwe. A basugi babo bakūmalwa līlūshū kūlwa mihayo yabo ītī y'ikūjo. Ū gwenūyū gūkūbenhela wibengelejiwa būtaale no ū mu sī ya Misili.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 8 →
All chapters:
1
2
3
4
5
6
7
8
9
10
11
12
13
14