bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Hosea 9
Hosea 9
Sukuma 2019
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
1
Ee Isilaeli, lekaga ū kūyega, yaya ū kūzalabana gīt'ūmo galī mahanga gangī. Nguno ūtī ng'wishigwa ū kūlī Mulungu wako; ū mu būmalahya wako ūkadutagwa mbūūga ja kūtūlīla būsīga kūlwa kūpandīka mheela.
2
A banhū bakooya ū kūlya ī sha kūfuma ha mbūūga ja būsīga, nī sha kūfuma mu makamīlo ga divai; Ī divai mhya batalībona hangī.
3
Batikala ū mu sī ya ng'wa SEEBA; ū Efulaimu akūshoka Misili, na akūja Ashulu ayūlya shilīwa shisoso kwenūko.
4
Bakooya kwiita shakwinha sha divai kū būtongi bo ng'wa SEEBA hangī, nīyo ī shitambò shabo shitūnyeja. Ī shitambò shenīsho ū kūbo shikūbiza gītī shilīwa sha ha waalami mu shilīlo shabo; būlī ng'wene ūyo ūshilya akūsosohala. Ī shenīsho shilīwa shabo dūhū, shitī sha kwingīla mu hekalu ya ng'wa SEEBA.
5
Mukwīta ginehe ū mu shikū ja shigukulu shing'we, Ī shikū ja shigukulu sha ng'wa SEEBA?
6
Nūūlū bakabūpūlūgūka ū būkenaagūji, Ī Misili īkūbakobya, nī Menfisi īkūbajīka. Masaka ga magwaata gakūzwa gajikundīkīje ī sabo jabo ījo bibīīkīja, masaka ga ming'hwa gakūzwa gajikundīkīje ī kaya jabo.
7
Ī shikū ja nsango jashikaga, jitī kūle ī shikū ja kwanukūla mheela, ū Isilaeli shing'wigelile agūdeebe ū gwenūyū. A bing'we ī shibi shing'we shingī no nū wanishi wing'we būtaale no, nose ū kū bing'we ū ng'hangi akūbiza gītī mbūūlī, ū wa Kiimoyo ng'wene saji dūhū.
8
Ū ng'hangi nang'hani o ng'wa Mulungu wane, atūūlilwe kūlwa Efulaimu; alīyo hose pyī ū mu nzīla jakwe alindīīlilwe mitego, nū mu numba ya ng'wa Mulungu wakwe wanishi.
9
Baalibīla no ū mu būbi, gītī mu shikū ja Gibea. Ū Mulungu akūwizūkwa ū būbi wabo abinhe nsango kūlwa shibi shabo.
10
Ū kūmpandīka ū Isilaeli yalī gītī kūpandīka mizabibu minonu mu sī ya notà; ū kūbabona a basīng'we yalī gītī kūbona matwajo ga ntiini manonu mu shikū ja wandījo. Alīyo aho bashika Baali-peoli, bakifunya mu būshikaanu bose kū līshiikolile ly'iponda soni; nabo būbiza ba kūpelanya no, gīt'ūmo līlī ī līshikolo ly'ipelanya Īlo bakalītogwa lyenīlo.
11
Ī likūjo lya Efulaimu līkūlala, gītī noni līkūng'ula lījile; ū kūtūnga nda kūkūshila, Ī nda ndūhū ū kūlenda ūlū jingīla, nū kūbyalwa a baana kūkūshila.
12
Nūūlū bakabalela a baana babo, nakūbamala pye a bose bachīlwe. Bakwimana boi ūlū nūbalekanīja!
13
Ī Efulaimu nakībonaga gīt'ūmo Īlī Tulo, īhambilwe ha sī soga no, alīyo ī Efulaimu īkūbatwala a baana bayo kūjūbūlagwa.
14
Ee SEEBA, binhage, hīmba ūlū kūbinha kī shi ī gete? Binhage nda ja kūfunda funda, na mbeele jitī na mabeelè.
15
Ū būbi wabo ī Giligali būkakūla no, kūshisha nūbakolwa. Nakūbapeeja ū mu numba yane kūlwa nguno ya būbi bo shītīle shabo. Natikala nabatogilwe yaya, nguno a batongeeji babo bagomi pye.
16
Ī Efulaimu yatūlwa yūminyiwa, Ī miji yabo yanyaala, batūdūla kūtwaja matwajo. Nūūlū būbyala baana, nakūbūbūlaga ū būbyīle ūbo babūyegelile.
17
Ū Mulungu wane akūbalema, kūlwa nguno ya kūleka kūng'wigwa; bakūbiza banhū ba kūyūnga ūko na ūko mu mahanga.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
All chapters:
1
2
3
4
5
6
7
8
9
10
11
12
13
14