bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Hosea 13
Hosea 13
Sukuma 2019
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 14 →
1
Ū Efulaimu wayombaga baadetema a banhū; walī nkūjiwa ū mu Isilaeli. Alīyo akahūba kūlwa kūnamya Baalī, ūbiza waacha.
2
Ī haha bakongejaga ū kwīta ī shibi, Ī feza jabo bakūjitūmamīlaga kwibeegejaga shiikolile sha kwaabya, bakūsulaga shiikolanījo bashibeeja mu būgaliili būtaale; pyī ī yenīyo milīmo ya bakoolī. A banhū benaba bakahayiagwa gīkī, “Bakafunyaga shitambò sha banhū, na kūbbipa shiikolile sha ndama.”
3
Hūna lūūlū bakūbiza gītī gabu gabu ya dilū, gītī lūme lwa dilū ūlo lūtadīīlaga kūsambaala, nūūlū gītī meela ayo gakaheheejiagwa nyaga kwīnga ha lūbūūga, gītī lyochi ūmo līkapulukīlaga h'idilisha.
4
Alīyo ū nene nalī SEEBA Mulungu wako kūfuma na a haho ūlī mu sī ya Misili. Ūtaamanile Mulungu ūngī ūlū natī nene gwike, hangī ndūhū mpīja ūngī ūlū natī nene iyene.
5
Hū nene naakūlang'hanaga aho ūlī kwitogolo, ū kū sī ya līīmi isebu jigi.
6
Nakabinha shakūlya būlya bigeja, aho bigūta būdoosa hūna būnīība.
7
Alilūūlū, nakūbatalūkīla gītī shimba, nakūbibandīīla mu nzīla nyasūbī.
8
Nakūbatalūkīla nabasaasagūle, gītī ndūba yīngījiagwa baana bayo. Nakūbadakuna nyashimba; shiinū ya mu masaka īkūbatandagūla.
9
Ee Isilaeli, ng'wakenaagūkile kūlwa nguno mukwilwishaga nū nene, ū nene ūyo nalī nguni wing'we.
10
Alī halī lūūlū ī haha ū ntemi wing'we ū wa kūmupīja? Balī halī na a basugi bing'we ū mu mizengo ying'we, abo ng'wahayaga gīkī, “Twinhage Ntemi na basugi?”
11
Ū ntemi nakang'winha mu būpelanu bone, hama nūng'wīnja hangī mu būdaki bone.
12
Ū būhūbi bo ng'wa Efulaimu būtungilwe ng'wibungī, ī shibi shakwe shibambīlilwe hanhū.
13
Ū nina aho walung'wa būsūngū bo kūmyala, ū wei wiyoolecha gīkī alī ng'wana mbūūlī, nguno aho lyashikaana ī likanza, ūlema ū kūfuma ū munda.
14
A benaba nakūbapīja gete bīnge ū mu būdūla bo shigila? Nakūbapīja bīnge ū mu kūcha? Ee kūcha, galī halī a mahūūya gako? Ee shigila, būlī halī ū būkenaagūji wako? Natūbachīla shigongo biya.
15
Nūūlū abize na nguzu no ū mu baana ba ng'wawe, gūkūhemba nyaga gwa kīya kwīngīīla kūlī SEEBA; nshūūlūlū gūkwiza gūfumile kwitogolo ikalamuku, gūkūlūūmīcha ū lūzwīlo lokwe nū lwinzī lokwe lūkame. Ī numba yakwe ya shikolo īsho wibīīkīja īkūsambūlwa shisolwe mo pyī īsho ibīīkīgije.
16
A banhū ba Samalia shiigelile bagūbūūche ū nsango gwabo, nguno ya kūngomela ū Mulungu wabo. Bakūbūlagwa bo līlūshū, a baana babo bakūyūtaalīkwa hasī, a bakīma babo abo balī nda bakūyūtuumūlwa.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 14 →
All chapters:
1
2
3
4
5
6
7
8
9
10
11
12
13
14