bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Hosea 4
Hosea 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 5 →
1
Bing'we Baisilaeli gwigwagi ū mhayo go ng'wa SEEBA, nguno ū SEEBA alī na mhayo gwa kūmuhūgūla a bing'we bikaji ba mu sī īyī: Ī ng'hana ītīho ū mu sī, nī shigongo ndūhū, nūūlū ū kūng'witegeleja Mulungu kūtīho.
2
Būlīho būdūkīji dūhū na būlomolomo na būbūlagi, na wibi na būshihani, na wiboneeji; nose ī liibūlaga lītī lya kūshila.
3
Kūlwa yose yenīyī ī sī īlī mu mayanga, a bikaji baamo pye a bose batī na nguzu; ī ndimu ja mu matogolo nī noni ja kūlala, būyaga nī ndīlo ja mu nyanza jikūchaaga.
4
Gwike yaya ī lidugumīla, atizilonga munhū wa kūnsaayīla ūngī, nguno a banhū bako babizile gītī bakūndugumīlaga ng'hangi.
5
Ū kwipama kwako ū bebe kūlī līīmi na būjikū, na a bahangi bakipamaga hamò nang'ho. Alilūūlū, nakūnkenaagūla ū noko.
6
A banhū bane bakūkenaagūkaga kūlwa nguno ya kūgayiwa būmani. Ū bebe īkī ūbūlemile ū būmani, nū nene naakūlemile ū kūbiza ngabīji wane; īkī ūkūshidalahaga ī shilagīlo sha ng'wa Mulungu wako, nū nene nakūbadalaha a baana bako.
7
Ūmo bakongegejaga kūkwīlī a bagabīji, h'ūmo bakongegejaga ū kwīta shibi ū kū būtongi bone; bakūlīgalūchaga ī Likūjo lyabo kūbiza shikolo sh'igisha minala.
8
Ū mu shibi sha banhū bane h'ūmo bakapandīkīlaga ū nīīlo gwabo, hūna baayūyega ūlū balīta ī yabūbi.
9
Alilūūlū, īyo īkūbagwīla a banhū, na a bagabīji īkūbagwīla yenīyo; bose nakūbinha nsango kūlwa nzīla jabo, nakūbinha mheela ya kūlenganīla na shītīle shabo.
10
Ū kūlya bakūlya alīyo batigūta; ū būmalahya bakwīta no alīyo batūkwīla. Nguno baaneka ū SEEBA bifunya
11
kū būmalahya, kū divai ya kale na sūhya shikolo īsho shikīnjaga masala
12
ga banhū bane. Bakalombaga na būgunanhwa ū kū mantī ga kūlamiwa, na mhīgī ja mantī jikabashokejaga. Moyo gwa būshihani gwabahūbya; batī ba kūsanyiwa ū kūlī Mulungu wabo.
13
Bakalinhaga kū ngūlū nhaale na ndo, baakafunya kwenūko shitambò na shitambò sha kūpemvwa; būyaga na mu mbeho ja mitūndū na mu magobeko, nū mu mitī mitaale ya mbeho fuuku. H'ī chene a bashīke bing'we baagalūkīla būmalahya, na a binga bing'we bashihani.
14
A bashīke bing'we ūlū būgalūkīla būmalahya natūbinha nsango, nūūlū a bīnga bing'we ūlū būyūshihya, nguno a bagosha bakipūnjaga ha mhūjo na bamalahya, bakafunyaga shitambò hamò na bamalahya ba mu mawilamīlīja. Banhū batī na witegeleja, bakūgwa mu būkenaagūku!
15
Ū bebe Isilaeli ītaga ū būshihani, alīyo ū Yuda ni atizagūgwa mu kwihīga kūlī gīko. Yaya ū kūja ī Giligali; yaya ū kūja ī Beeti-aveni. Yaya nū kwilahīla ng'ūhaya, “Ūmo SEEBA alī mpanga!”
16
A Baisilaeli balambu no, babange ndogoosa ya ng'ombe nhanda. Ū SEEBA akūdūla kūbadīīma kinehe gītī ng'holo mu madīīmīlo?
17
Ū Efulaimu adamīīlile kū shiikolile; nekage gete ū bebe!
18
Bakamalaga a mang'wa gabo baadima mihayo ya būmalahya; ī mihayo ya minala ībayegije a basugi babo.
19
Bakūja na nshūūlūlū, Ī shitambò shabo shikūbagoola.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 5 →
All chapters:
1
2
3
4
5
6
7
8
9
10
11
12
13
14