Hosea 6

Sukuma 2019

← Chapter 5 Jump to: Chapter 7 →

1Bing'we tūnshokelagi SEEBA. Na ng'hana watūtandagūlile alīyo akūtūpīja, watūchūūbagūlile alīyo akūgatunga a machūūbagūlīle gise.

2Hanuma ya shikū ibīlī akūtwīta kūbiza bapanga hangī; mu lūshikū lwa kadatū akūtūjūūcha tūbize bapanga kū būtongi bokwe.

3Tūng'witegelejagi ū SEEBA; tongejagi no no no ū kūng'witegeleja. Nguno ū kwilonga kwakwe kūlī kwa ng'hana gīt'ūmo līīmi līkafumīlaga dilū; akūtūgeniha gītī mbula ya mu mīīsa, gītī mbula ya mu shidikū īyo īkīīlobyaga ī sī.

4Bebe Efulaimu nakwītīle mhayo kī? Bebe Yuda nakwītīle mhayo kī? Ū būtogwa wako būbange gabu gabu ya dilū, būlī gītī lūme lwa dilū ūlo lūtadīīlaga kūsambaala.

5H'ī chene nakakūsengagūla mu nzīla ya bahangi bane, nūkūbūlaga na mhayo gwa kūfuma mu nomo gwane; ū būlamuji bone būyūkwikīīla gītī ndabi ja lūkūba.

6Nguno natogilwe shigongo, Ītī shitambò, na kūng'witegeleja Mulungu kūtinda shitambò sha kūpemvwa.

7Ī lilagane lyane bakalīkenaagūla ūmo bakīītīlaga dūhū a banhū; a henaho būnīītīla ītigeleelilwe.

8Ī Gileadi gūlī nzengo gwa banhū ba malofu, gwateng'wa mininga ga babūlagwa.

9Ūmo banyoli bakibandīīlīlaga banhū mu masaka, na a bagabīji bakikobyaga gīko, bakikobyaga kūnyama banhū ng'wikūūwa lya kūja Shekemu; bakīītaga mibi no y'igisha soni.

10Ū mu numba ya Isilaeli naabonile mhayo gwa malofu. Ū Efulaimu wifunya mīlī ngima kūbiza nshihani, ū Isilaeli wisosohaja no.

11Nū bebe Yuda, ūhelelilwe kūgeswa. Ūlū nihamba kūbashokeja a banhū bane ī jabo.

← Chapter 5 Jump to: Chapter 7 →