Joshua 12

Tswana (BAEBELE e e Boitshepo) 1992

← Chapter 11 Jump to: Chapter 13 →

1Jaana dikgosi tsa lefatshe ke tse, tse bana ba Iseraele ba di kgemethileng, ba rua lefatshe la tsone kwa moseja ga Joretane go isa ntheng ya botlhabatsatsi, go tswa molapong wa Arenone go ya thabeng ya Heremone, le Areba otlhe fela go isa ntlheng ya botlhabatsatsi:

2Sihone kgosi ya Baamore yo o ne a agile mo Hešebone, a busa go tswa Aroere, o o fa ntlheng ya molapo wa Arenone, le motse o o fa gare ga molapo, le bontlhanngwe jwa Gileate, go ya fela kwa nokeng ya Jaboke, molelwane wa bana ba Amone;

3le one Areba go ya lewatleng la Kinerothe, ntlheng ya botlhabatsatsi, le kwa lewatleng la Areba, e bong Lewatle la Letswai, ntlheng ya botlhabatsatis, tsela e e yang kwa Bethe-ješimothe; le ntlheng ya borwa fa tlase ga meripo ya Pisega.

4Le molelwane wa ga Oge kgosi ya Bašane, yo e neng e le lesalela la Barefaime, yo o ne a agile mo Ašetarothe le mo Eterei.

5A ba a busa mo thabeng ya Heremone, le mo Saleka, le mo Bašane otlhe, go ya molelwaneng wa Bagešure, le Bamaaka, le bontlhanngwe jwa Gileate, le molelwane wa ga Sihone kgosi ya Hešebone.

6Moše motlhanka wa ga Jehofa le bana ba Iseraele, ba ba kgemetha; mme Moše motlhanka wa ga Jehofa a naya Barubene, le Bagate, le bonthanngwe jwa lotso lwa ga Manase, lefatshe leo go le rua.

7Tse ke tsone dikgosi tsa lefatshe tse. Jošua le bana ba Iseraele ba di kgemethileng moseja ga Joretane, ntlheng ya bophirimatsatsi, go tswa Baalagate mo molapong wa Lebanone go ya fela kwa thabeng ya Halake, e e isang kwa Seire; Jošua a le naya ditso tsa Iseraele go le rua ka fa dikgaoganong tsa tsone;

8mo lefatsheng la makgabana le le le mo sekhuting, le mo go one Areba, le mo meripong, le mo nageng, le mo ntlheng ya Borwa; Bahite, Baamore, Bakanana, Baperise, Bahife le Bajebuse.

9Kgosi ya Jeriko e le nngwe fela; kgosi ya Ai, o o fa Bethele, e le nngwe fela;

10kgosi ya Jerusalema e le nngwe fela; kgosi ya Heberone e le nngwe fela;

11kgosi ya Jaremuthe e le nngwe fela; kgosi ya Lakiše e le nngwe fela;

12kgosi ya Egelone e le nngwe fela; kgosi ya Gesere e le nngwe fela;

13kgosi ya Debire e le nngwe fela; kgosi ya Getere e le nngwe fela;

14kgosi ya Horema e le nngwe fela; kgosi ya Arate e le nngwe fela;

15kgosi ya Adulame e le nngwe fela;

16kgosi ya Maketa e le nngwe fela; kgosi ya Bethele e le nngwe fela;

17kgosi ya Tapua e le nngwe fela; kgosi ya Hefere e le nngwe fela;

18kgosi ya Afeke e le nngwe fela; kgosi ya Sharone e le nngwe fela;

19kgosi ya Matone e le nngwe fela; kgosi ya Hasore e le nngwe fela;

20kgosi ya Shimerone-merone e le nngwe fela; kgosi ya Akešafe e le nngwe fela;

21kgosi ya Taanake e le nngwe fela; kgosi ya Megito e le nngwe fela;

22kgosi ya Keteše e le nngwe fela; kgosi ya Jokeneame mo Karemele e le nngwe fela;

23kgosi ya Dore mo thoteng ya Dore e le nngwe fela; kgosi ya Goiime mo Gilegale e le nngwe fela;

24kgosi ya Tiresa e le nngwe fela; dikgosi tsotlhe di le 31.

← Chapter 11 Jump to: Chapter 13 →