Joshua 19

Tswana (BAEBELE e e Boitshepo) 1992

← Chapter 18 Jump to: Chapter 20 →

1Kabelo ya taolelo ya bobedi ya tswela Simeone, e bong lotso lwa bana ba ga Simeone ka fa ditshikeng tsa bone; boswa jwa bone jwa nna fa gare ga boswa jwa bana ba ga Juta.

2Boswa jwa bone ya nna Beerešeba, le fa e le Sheba le Molata;

3le Hasare-šuale, Bala le Esema;

4le Eletolate, Bethule le Horema;

5le Sikelage, Bethe-marekabothe le Hasare-susa;

6le Bethe-lebaothe le Sharuhene; metse e le 13, le metsana ya yone.

7Aine, Rimone, Ethere le Ašane; metse e le mene, le metsana ya yone;

8le metsana yotlhe e e mo tikologong ya metse eo go ya Baalathe-beere, Rama wa Borwa. Ke jone boswa jwa lotso lwa bana ba ga Simeone ka fa ditshikeng tsa bone.

9Boswa jwa bana ba ga Simeone jwa ntshiwa mo molelwaneng wa bana ba ga Juta; gonne kabelo ya bana ba ga Juta e ba feta ka botona; ke gone ka moo bana ba ga Simeone ba bona boswa mo gare ga boswa jwa bone.

10Kabelo ya taolelo ya boraro ya tswela bana ba ga Sebulone ka fa ditshikeng tsa bone; molelwane wa boswa kwa bone wa ya kwa Sarite.

11Molelwane wa bone wa tlhatlogela ntlheng ya bophirimatsatsi, e bong kwa Marala, wa fitlha kwa Dabešethe; wa ba wa fitlha kwa molatswaneng o o lebaganyeng le Jokeneame.

12Kwa Sarite wa menogela kwa botlhabatsatsi kwa letsatsi le tlhabang, le kwa molelwaneng wa Kiselothe-tabore; wa kgabaganyetsa kwa Deberathe, wa tlhatlogela kwa Jafia;

13wa tswa foo wa kgabaganyetsa ntlheng ya botlhabatsatsi kwa Gathe-hefere kwa Ethekasine; wa khutla kwa Rimone o o namalaletseng kwa Nea.

14Molelwane wa potologa ntlheng ya botsheka wa ya Hanathone; mafelelo a one a nna mo molapong wa Ifetahele;

15le Katathe, Nahalale, Shimerone, Itala le Bethelehema; metse e le 12, le metsana ya yone.

16Ke jone boswa jwa bana ba ga Sebulone ka fa ditshikeng tsa bone, metse eo le metsana ya yone.

17Kabelo ya taolelo ya bone ya tswela Isakare, e bong bana ba ga Isakare ka fa ditshikeng tsa bone.

18Molelwane wa bone wa fitlha kwa Jesereele, le Kesulothe le Shuneme;

19le Hafaraime, Shione le Anaharathe;

20le Rabithe, le Kišione le Ebese;

21le Remethe, Eneganime, Enehata le Bethepasese.

22Molelwane wa ya go fitlha kwa Tabore, Shahasuma le Bethešemeše; mafelelo a molelwane wa bone a nna a mo Joretane: metse e le 16, le metsana ya yone.

23Ke jone boswa jwa lotso lwa bana ba ga Isakare ka fa ditshikeng tsa bone, metse le metsana ya yone.

24Kabelo ya taolelo ya botlhano ya tswela lotso lwa bana ba ga Ašere ka fa ditshikeng tsa bone.

25Molelwane wa bone e ne e le Helekathe, Hali, Betene, le Akešafe;

26le Alameleke, Amate, le Mišale; wa fitlha kwa Karemele ntlheng ya bophirimatsatsi le kwa Shihore-libenathe;

27wa menogela kwa botlhabong jwa letsatsi kwa Bethetagone, wa fitlha kwa Sebulone le molapo wa Ifetahele ntlheng ya botsheka, kwa Bethemeke le Neiele; wa kgabaganyetsa kwa Kabule ntlheng ya letsogotlho,

28le Eberone, le Rehobe, le Hamone, le Kana, go fitlha fela kwa Sitone o mogolo.

29Molelwane wa menogela kwa Rama, le kwa motseng o o thekeleditsweng wa Ture; molelwane wa menogela kwa Hosa; mafelelo a one a nna mo lewatleng fa sebakeng sa Akesibe;

30le Uma, le Afeke le Rehobe; metse e le 22, ka metsana ya yone.

31Ke jone boswa jwa lotso lwa bana ba ga Ašere, ka fa ditshikeng tsa bone, metse eo ka metsana ya yone.

32Kabelo ya taolelo ya borataro ya tswela bana ba ga Nafetali, e bong bana ba ga Nafetali ka ga ditshikeng tsa bone.

33Molelwane wa bone wa simologa mo Helefe, o tswa mo mookeng wa Saanenime, le Ataminekebe, le Jabeneele go ya kwa Lakume; mme mafelelo a one a nna mo Joretane.

34Molelwane wa menogela ntlheng ya bophirimatsatsi go ya kwa Asenothe-tabore, wa kgabaganyetsa kwa Hukoke; wa fitlha kwa Sebulone ntlheng ya borwa, wa fitlha kwa go Ašere ntlheng ya bophirimatsatsi, le kwa Juta fa Joretane ntlheng ya botlhabatsatsi.

35Metse e e thekeleditsweng e ne e le Sidime, Sere, le Hamathe, Rakathe, le Kinerete;

36le Atama, le Rama le Hasore;

37le Keteše, Eterei le Enehasore;

38le Irone, Migetalele, Horeme, le Bethanathe le Bethešemeše; metse e le 19, ka metsana ya yone.

39Ke jone boswa jwa lotso lwa bana ba ga Nafetali ka fa ditshikeng tsa bone, metse eo ka metsana ya yone.

40Kabelo ya taolelo ya bosupa ya tswela lotso lwa bana ba ga Dane, ka fa ditshikeng tsa bone.

41Molelwane wa boswa jwa bone e ne e le Sora, le Ešetaole, le Ire-šemeše;

42le Shaalabine, le Aijalone le Ithela;

43le Elone, le Timena le Ekerone;

44le Eleteke, le Gibethone le Baalathe;

45le Jehute, le Beneberake le Gatherimone;

46le Mejarekone, le Rakone, mmogo le molelwane o o lebaganyeng le Jopa.

47Molelwane wa bana ba ga Dane wa feta wa tswela kwa ntle ga bone; gonne bana ba ga Dane ba ne ba tlhatloga ba ya go tlhasela Lešeme, ba o thopa, ba o kgemetha ka bojetla jwa tšhaka, mme ba go rua ba aga gone, ba raya Lešeme leina, ba re, Dane, jaaka leina la ga Dane rraabo.

48Ke jone boswa jwa lotso lwa bana ba ga Dane, ka fa ditshikeng tsa bone, metse eo ka metsana ya yone.

49Ba swetsa go kgaoganya lefatshe boswa ka melelwane ya lone; bana ba Iseraele ba naya Jošua morwa Nune boswa mo gare ga bone.

50Ba mo naya motse o o ne a o lopile, e bong Timenathesera mo lefatsheng la makgabana la Eferaime ka fa taolong ya ga Jehofa; mme a aga one motse, a nna mo go one.

51Ke one maswa a ga Eleasare moperesiti, le Jošua morwa Nune, le ditlhogo tsa makgotla a borra batho ba ditso tsa bana ba Iseraele, ba ne ba a kgaoganya boswa ka taolo ya bola mo Shilo fa pele ga Jehofa, fa mojakong wa mogope wa bophuthegelo. Mme ba swetsa go kgaoganya lefatshe.

← Chapter 18 Jump to: Chapter 20 →