Joshua 15

Tswana (BAEBELE e e Boitshepo) 1992

← Chapter 14 Jump to: Chapter 16 →

1Kabelo ya taolelo ya lotso lwa bana ba ga Juta ka fa ditshikeng tsa bone, ya ya go fitlha kwa molelwaneng wa Etome, e bong kwa nageng ya Tsine ntlheng ya borwa, kwa bofelelong jwa ntlha ya borwa.

2Molelwane wa bone wa ntlha ya borwa o ne o tswa bofelelong jwa Lewatle la Letswai, kwa sekgonong bolebana le ntlha ya borwa.

3Wa bo o isa bopota mokong wa Akerabime ntlheng ya borwa, wa kgabaganyetsa kwa Tsine, wa tlhatloga bopota Kateše-barenea ka fa ntlheng ya borwa, wa feta ka Heserone, wa tlhatlogela kwa Atare, wa menogela kwa Kareka;

4wa kgabaganyetsa kwa Asemone, wa tswa ka molatswana wa Egepeto; mme mafelelo a molelwane e ne e le mo lewatleng; o, e tlaa nna one molelwane wa lona ntlheng ya borwa.

5Molelwane wa ntlha ya ka fa botlhabatsatsi e ne e le Lewatle la Letswai go ya fela kwa bokhutlong jwa Joretane. Molelwane wa ntlha ya botsheka o ne o tswa kwa sekgonong sa lewatle kwa bokhutlong jwa Joretane.

6Molelwane wa tlhatlogela kwa Bethehogela, wa feta bopota Betharaba ka fa ntlheng ya botsheka; molelwane wa tlhatlogela kwa letlapeng la ga Bohane morwa Rubene.

7Molelwane wa tlhatlogela kwa Debire, go tswa mo molapong wa Akore, wa ya jalo ntlheng ya botsheka, o lebile Gilegale, o o lebaganyeng le mokong wa Adumime, o o potileng noka ntlheng ya borwa; mme molelwane wa feta wa ya kwa metsing a Enešemeše, mme mafelelo a one a ne a le mo Enerogele.

8Molelwane wa tlhatloga le mogogoro wa morwa Hinome go ya kwa lotlhakoreng lwa Mojebuse ntlheng ya borwa (ke one Jerusalema); molelwane wa tlhatlogela kwa godimo ga thaba e e emeng bolebagana le mogogoro wa morwa Hinome ntlheng ya bophirimatsatsi, ke go re kwa bofelong jwa mogogoro wa Refaime ntlheng ya botsheka.

9Molelwane wa ralwa kwa godimo ga thaba, wa ralelwa kwa motsweding wa metsi a Nefetoa, wa tswela kwa metseng ya thabana ya Eferone; molelwane wa ralelwa kwa Baala (ke one Kiriathe-jearime).

10Kwa Baala molelwane wa menogela ntlheng ya bophirimatsatsi go ya thabeng ya Seire, wa fetela kwa lotlhakoreng lwa thaba ya Jearime ntlheng ya botsheka (ke one Kesalone), wa fologela kwa Bethešemeše, wa feta ka fa Timena.

11Molelwane wa tswela kwa lotlhakoreng lwa Ekerone ntlheng ya botsheka; molelwane wa ralelwa kwa Shikerone, wa fetela kwa thabaneng ya Baala, mme wa tswa fa Jabeneele; mafelelo a molelwane a ne a le mo lewatleng.

12Molelwane wa ka fa bophirimatsatsi wa nna kwa lewatleng le legolo le losi lwa lone. Ke one molelwane wa bana ba ga Juta mo tikologong ka fa ditshikeng tsa bone.

13A naya Kalebe morwa Jefune kabelo mo baneng ba Juta ka fa Jehofa o laotseng Jošua ka gone, e bong Kiriathe-areba, yo o eng ene Areba, rraagwe Anake (ke ene Heberone).

14Kalebe a leleka gone bomorwa Anake ba bararo, Shešai, le Ahimane, le Talemai, bana ba ga Anake.

15Mme a tlhatloga teng a ya go tlhasela banni ba Debire; gale leina la Debire e ne e le Kiriathe-sefere.

16Kalebe a re: “Yo o kgemethang Kiriathe-sefere, a go thopa, ke tlaa mo naya morwadiake Akesa go nna mosadi.”

17Otheniele, morwa Kenase, monnaa Kalebe, a o thopa; mme a mo naya morwadie Akesa go nna mosadi.

18Ga dirala ya re mosadi a tla kwa go ene, a mo tlhotlheletsa gore a lope rraagwe naga nngwe; mosadi a pagologa mo eseleng ya gagwe; Kalebe a mo raya a re: “O eletsang?”

19Mosadi a mo raya, a re: “Nnaya lesego; e re ka o mpeile mo lefatsheng la Borwa, o bo o nneye le metswedi ya metsi.” Mme a mo naya metswedi ya godimo le metswedi ya tlase.

20Jo ke jone boswa jwa lotso lwa bana ba ga Juta ka fa ditshikeng tsa bone.

21Metse ya bofelo ya lotso lwa bana ba Juta go isa ntlheng ya molelwane wa Etome, ntlheng ya Borwa, e ne e le Kabeseele, le Etere, le Jagure;

22le Kina, le Dimona, le Atata;

23le Keteše, le Hasore le Ithenane;

24Sife, le Teleme le Bealothe;

25le Hasore-hatata, le Keriothe-heserone (ke one Hasore);

26Amame, Shema le Molata;

27le Hasare-gata, le Hešemone le Bethepelete;

28le Hasare-šuale, Beerešeba, le Bisiothia;

29Baala, Iime le Eseme;

30le Eletolate, le Kisile le Horema;

31le Sikelage, le Matemana le Sanesana;

32le Lebaothe, Shilehime, le Aine le Rimone; metse yotlhe e le 29, e na le metsana ya yone.

33Mo fatsheng le le kwa sehuting, Ešetaole, le Sora le Ašena;

34le Sanoa, le Eneganime, Tapua le Ename;

35Jaremuthe, le Adulame, le Soko le Aseka;

36le Shaaraime, le Adithaime, le Getera, Geterothaime, metse e le 14, e na le metsana ya yona.

37Senane, le Hataša, le Migatalegate;

38le Dileane, le Misepe, le Joketheele;

39Lakiše, le Bosekathe, le Egelone;

40le Kabone, le Lahemame, le Kithiliše;

41le Geterothe, le Bethetagone, le Naama le Maketa; metse e le 16, e na le metsana ya yone.

42Libena, le Ethere, le Ašane;

43le Ifeta, le Ašena, le Nesibe;

44le Keila, le Akesibe, le Mareša; metse e e ferang o le mongwe, e na le metsana ya yone.

45Ekerone, o na le metse ya teng le metsana ya gone;

46go tswa mo Ekerone go ya fela kwa lewatleng, yotlhe e e bapileng le Ašetote, e na le metsana ya yone.

47Ašetote, metse ya teng le metsana ya gone; Gasa, metse ya gone le metsana ya gone; go ya kwa molatswaneng wa Egepeto, le kwa lewatleng le legolo, le losi lwa lone.

48Le mo lefatsheng la makgabana, Shamire, le Jatire, le Soko;

49le Danna, le Kiriathe-Sanna (ke one Debire);

50le Anabe, le Ešetemo, le Anime;

51le Gošene, le Holone, le Gilo; metse e le 11 e na le metsana ya yone.

52Arabe, le Duma, le Ešane;

53le Janime, le Bethetapua, le Afeka;

54le Humeta, le Kiriathe-areba (ke one Heberone), le Siore; metse e e 9 e na le metsana ya yone.

55Maone, le Karemele, le Sife, le Juta

56le Jesereele, le Joketeame, le Sanoa;

57Kaine, Gibea, le Timena; metse e le some e na le metsana ya yone.

58Halehule, Bethesure le Getore;

59le Maarathe, Bethanothe le Eletekone; metse e le merataro e na le metsana ya yone.

60Kiriathe-baale (ke one Kiriathe-jearime) le Raba; metse e le mebedi e na le metsana ya yone.

61Mo nageng, Betharaba, Midine le Sekaka;

62le Nibešane, motse wa Letswai, le Enegedi; metse e le merataro, e na le metsana ya yone.

63Me ka ga Bajebuse, banni ba Jerusalema, ba bana ba Juta ba ne ba retelelwa ke go ba leleka: Bajebuse ba aga le bana ba Juta mo Jerusalema, nako e sa le eno.

← Chapter 14 Jump to: Chapter 16 →