bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tsonga
/
Tsonga Xitsonga (Bibele) 1929
/
Ezekiel 27
Ezekiel 27
Tsonga Xitsonga (Bibele) 1929
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
Rito ra Yehovha ri ta eka mina na kambe, ri ku:
2
“Oho n'wana wa munhu! Tlakusa swirilo ehenhla ka Tiri, u ku eka Tiri:
3
Wena la tshameke etinyangweni ta lwandle, la bindzulaka evanhwini va swihlale leswinyingi, Hosi Yehovha u ri: Oho Tiri, u ku: Ndzi hetisekile nyanisi.
4
Mindzilekana ya wena yi le swidziveni swa malwandle, vaaki va wena va hetisile ku saseka ka wena.
5
Va akile mabyatso ya wena hinkwawo hi tikipresi ta Seniri, va teke tikedari ta Lebanoni ku endla timhandze ta wena ta mabyatso.
6
Va endle swikombe swa wena hi tieike ta Baxani switshamo swa wena va swi endle hi rimhondzo ra ndlopfu leri hlanganisiweke ni murhi lowu pfaka eswihlaleni swa le Kitimi.
7
Ntsembyana lowo saseka lowu lukiweke wa Egipta u wu endle swisirhelo ni tiseile ta wena; scarlet ni xivunguvungu swa swihlale swa Elixa swi va swifunengelo swa wena.
8
Lava akeke eSidoni ni le Arivhadi a va ri vona vatluti va wena. Eka rikwenu, wena Tiri, a wu ri ni va vutlhari va wena; lava nga vafambisi va wena va mabyatso.
9
Eka rikwenu a wu ri ni vakulukumba va Gebali ni lava vutlhari lava sivaka timfa va wena. Eka rikwenu a ku ta mabyatso hinkwawo ya lwandle, ni vanhu va wona, ku ta ta tirha nxavo wa wena.
10
Vona va le Peresi, na Ludu, na Putu, lava ingi va ri vatlhavani va wena; va hayeka switlhangu ni swihuku swa nsimbhi endzeni ka wena; hi vona lava ingi va ri vubombi bya wena.
11
Vana va Arivhadi kun'we ni mavandla ya wena va yime emakhumbini ya wena hinkwako; ni tinhenha a ti ri emakhokholweni ya wena; ti hayeka switlhangu swa tona emakhumbini ya wena hinkwako; va hetisisa ku saseka ka wena.
12
“Tarxixi a bindzula na wena hi mitirho ya tinxakaxaka; hi silivhere, ni nhumbu, ni thini, ni ntsopfu, va swi veka eswitolweni swa wena.
13
Yavhani, na Tubala, na Mexeke a va ri vaxavisi va wena, va veka mimoya ya vanhu ni swibya swa nsuku emixabyeni ya vona.
14
Va yindlu ya Togarima va tisa eswitolweni swa wena tihanci, ni vakhandziyi, ni timula.
15
Vana va Dedani a va bindzula na wena, swihlale leswinyingi a swi ri emandleni ya wena ku bindzula na wena, va ku nehela timhondzo ta tindlopfu, ni xipalatsi yi va hakelo ya wena.
16
Vasiriya a va bindzula na wena ku xava mitirho ya wena leyinyingi, va tisa maribye layo saseka eswitolweni swa wena, ni xivunguvungu, ni tinguvu ta vubombi, ni ntsembyana, ni korale, ni rubi.
17
Yuda, ni va tiko ra Israele, na vona, a va bindzula na wena; va veka emixabyeni ya wena koro ya le Miniti, ni swimbhundzwana, ni vulombe, ni mafurha, ni balsama.
18
Va Damaska a va bindzula na wena, va xava mitirho ya tinxakaxaka hi vhinyo ya Heliboni, ni voya lebyo basa bya tinyimpfu.
19
Vedani na Yavhani a va famba va tisa xuma eswitolweni swa wena; ti ri tinsimbhi leti furiweke, ni kasiya, ni rihlanga ra risuna, va swi veka emixabyeni ya wena.
20
Dedani a a ri mubindzuri wa wena, a tisa tinguvu ta ku khandziya tihanci ha tona.
21
Va Arabiya, ni tihosi hinkwato ta Kedari a va ri emandleni ya wena eku bindzuleni na wena; va ku xavisela swinyimpfana, ni makhuna, ni swiphongo.
22
Vabindzuri va le Xeba na Rhama, a va bindzula na wena; va veka eswitolweni swa wena swinun'hwelo hinkwaswo leswo nun'hwela, ni maribye hinkwawo layo saseka, ni nsuku.
23
Harana, na Kana, na Edeni, ni vabindzuri va le Xeba, ni Vaasuru, ni va Kilimada a va bindzula na wena.
24
A va bindzula na wena exivandleni xa wena xa mixavo hi swibombiso, ni tinguvu leta rihlaza, ni leti lukiweke hi vutlhari, ni mabokisi lama teleke tinguvu leti vangamaka, lama bohiweke hi tingoti leto tiya.
25
Mabyatso ya Tarxixi a ma fambisa bindzu ra wena. Hi mukhuva wolowo u tatile, u twale ngopfu exikarhi ka malwandle.
26
“Vatluti va wena va ku yise ematini lamakulu; kambe moya wa le vuxeni wu ku tshovile exikarhi ka malwandle.
27
Mitirho ya wena, ni switolo swa wena vanhu va mabyatso ya wena ni vafambisi va wona, lava sivaka timfa ta mabyatso ya wena, ni lava ku fambiselaka bindzu ra wena, ni valwi va wena hinkwavo, va nga varikwenu kun'we ni mavandla ya wena hinkwawo lama nga ekarikwenu, va ta wela eswidziveni swa malwandle esikwini ra ku wa ka wena.
28
Swivandla leswi nga ehandle swi ta tsekatseka hi mpfumawulo wa vafambisi va mabyatso ya wena.
29
Hinkwavo lava khomaka xihendzulo, ni vamalwandle, ni hinkwavo vafambisi va le lwandle va ta xika emabyatsweni ya vona, va yima emisaveni.
30
Va ta twakarisa rito ra vona eka wena, va rila hi ku vaviseka, va ta tichela ntshuri ehenhla ka tinhloko ta vona, va puluvundza eminkumeni.
31
Va ta tiendla mimpandhla hikwalaho ka wena, va tiboha hi tinguvu leto khwaxa, va rilela wena hi ku vaviseka ka timbilu hi ku rila loku chavisaka.
32
Kutaku eku rileni ka vona, va ta tlakusa swirilo ha wena, va rila ehenhla ka wena, va ku: ‘Hi wihi muti lowu fanaka na Tiri, ku fana ni la lovisiweke exikarhi ka lwandle?
33
U xurhise vanhu lavo tala hi swa mabindzu ya wena leswi pfaka emalwandle; u fuwise tihosi ta misava hi ku tala ka mitirho ya wena ni mabindzu ya wena.
34
Hi nkarhi lowu u tshoviweke ha wona emalwandle ni le swidziveni swa mati, bindzu ra wena ni mavandla hinkwawo ya wena swi wile swin'we na wena.
35
Hinkwavo lava akeke eswihlaleni va tshukile ha wena; tihosi ta vona ta tsekatseka hi ku tshuka, tinghohe ta tona ta rhurhumela.
36
Loko va ri vabindzuri va matiko man'wana, va be miloti ha wena; u hundzuriwe swahava, kutani a ku nga ha vi kona ni siku ni rin'we.’ ”
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48