bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Numbers 11
Numbers 11
Umbundu Bible (Embimbiliya - Bíblia Sagrada em Umbundu)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
1
Omanu va lisiõsuĩla ohali yavo kuenje Yehova wa ci yeva. Eci Yehova a ci yeva, oco onyeño yaye ya wenguka. Ondalu ya Yehova ya taima pokati kavo, kuenje ya lia olonepa vimue via kala kasukiyo ocilombo.
2
Oco omanu va vilikiya Mose. Mose wa likutilila ku Yehova, kuenje ondalu ya ima.
3
Oco usenge waco vo tukula vati, Tavera, ca lomboloka Ndaluyitaima, omo ondalu ya Yehova ya taimĩla pokati kavo.
4
Omanu ava va livandeka ño ku va Isareli va fetika oku kuata ohatu ya lua kuenje va Isareli lavovo va lila vali, va linga vati, Nda tua kaile lositu yoku lia!
5
Tua ivaluka olosi tua lialia ño ocali ve Egito, lovitende, lolomelãu, layupolu, losapola, lovayu.
6
Puãi cilo ovitima vietu via hongua. Ka tu kuete vali eci tu vanja te mana eyi lika.
7
Mana ya setahãla ovãsa, evala liaco huti ño evala liombendeliu.
8
Omanu va ñuala ñuala oku yi nola. Va yi pala lomãlo, pamue va yi sula vovine. Va yi teleka volombia, va linga akende. Okupepa kuaco kua soka ndokupepa kuakende a yokiwa lulela.
9
Eci olume lua lokila kocilombo uteke mana ya loka lokavo.
10
Mose yu wa yeva okulila kuomanu kapata avo, u puvelo wombalaka yavo, u puvelo wombalaka yavo. Onyeño ya Yehova ya va wengukila cimue, kuenje Mose wa ci suvuka.
11
Oco Mose wa pula Yehova hati, Nye wa lingila ukuenje wove cĩvĩ? Nye si kasilili ciwa love okuti wa ñapa ocilemo comanu avandeti vosi?
12
Ame nga nda mina omanu ava vosi? Ame nga nda va cita okuti o mañinya huti, Ci pakata, ndeci Cilela ci pakata oñaña, loku va tuala kofeka wa likuminya oku eca kolosekulu viavo.
13
Ame ositu yoku iha omanu ava vosi ndi yupa pi? Momo va ndilila vati, Tu ĩhe ositu ha tu li.
14
Ame si tẽla oku ambata omanu ava vosi lika liange, momo ca nema enene.
15
Nda o linga ndoco lame kuenje nda o tava oku ndinga ohenda njipaye lombili okuti si mõli ohali yange.
16
Yehova yu wa popia la Mose hati, Ngongoluile akuĩ epanduvali kalume, olosekulu via va Isareli, vana wa kulĩha okuti ovo olosekulu viofeka haivo asongui vavo. Va nena kombalaka yoku ñualehela la Yehova ha va kalako love.
17
Ame ndoka kuenje njiya, mbanguilako love. Njupa ke Espiritu li kasi kokuove, kuenje ndi li kapa kokuavo, oco va ku kuatise oku ambata ocilemo comanu, kuenje ku cambata lika wove.
18
Oco sapuila omanu huti, Likolisi okuti vu lipongiyila eteke lia hẽla omo wu lia ositu. Momo wa lili hoti, Helie o tu iha ositu yoku lia? Tua kala ciwa ve Egito. Okulila kuene kua yevala ku Yehova. Oco Yehova u wihi ositu kuenje vu lia.
19
Ka vu li eteke limosi, pamue oloneke vivali, pamue oloneke vitãlo, pamue oloneke ekuĩ, pamue akuĩ avali koloneke,
20
puãi vu lia osãi yosi, toke yi tundila vanyulu, kuenje yu kumi. Ci lingiwila omo wa pañuli Yehova o kasi pokati kene, kuenje wo puli loku lila, hoti, Tua tundila nye ve Egito?
21
Puãi Mose wa kumbulula hati, Omanu ñasi lavo ovita epandu kolohũlũkai vialume, kuenje wa linga huti, Ndi va iha ositu okuti va yi lia osãi yosi.
22
Anga oviunda violomeme loviunda violongombe vi va ipailua oku va kutisa? Ele olosi viosi viovokalunga vi vongoluilua ha vi va kutisa?
23
Oco Yehova wa popia la Mose hati, Eka lia Yehova nga lia linga limbumbũlu? Kaliye o mõla ondaka yange nda yi lingiwa nda ndati.
24
Mose yu wa tunda, wa sapuila omanu olondaka via Yehova. Wongolola akuĩ epanduvali kovalume, olosekulu viomanu, kuenje wa va ñualĩsa kombalaka.
25
Yehova wa loka velende kuenje wa popia laye; wopa ke Espiritu lia kala kokuaye, wa li kapa kakui epanduvali kolosekulu. Oco eci Espiritu lieya kokuavo oco va popia ovitumasuku. Noke puãi va liweka.
26
Puãi vocilombo mua siala alume vavali, umue onduko yaye Elidada, ukuavo onduko yaye Medade, kuenje Espiritu lieya kokuavo. Va tendiwa pokati kava va sonẽhĩwa, puãi ka vaile kombalaka, oco va popela ovitumasuku vocilombo.
27
Umue umãlẽhe wa lupuka yu wa sapuila Mose hati, Elidada la Madade va kasi loku popela ovitumasuku vocilombo.
28
Yehosua, omõla a Nune, ukuenje wa Mose, haeye umue pokati kalume va nõlĩwa, wa tambulula hati, A Ñala yange Mose, va lemẽla.
29
Mose wa popia laye hati, O va kuetele ohele lame? Ciwa nda Yehova o kapa komanu vosi Espiritu liaye okuti va linga aprofeto.
30
Oco Mose lakulu va Isareli va tiukila kocilombo.
31
Kuenje ku Yehova kua tunda ofela ya nena akalanga a tunda kokalunga, a lokela kocilombo. A loka ca soka ndetulo konẽle lonẽle yocilombo oku ci ñuala. Oku lilundika kuaco tunde posi kua soka lovikeya vivali.
32
Omanu va votoka utanya wosi luteke wosi la hẽla liaco oku kuata akalanga; lu wa kuata ci sule wa kuata ekui liolohomeri. Va a nyalẽha kolonẽle viosi viocilombo.
33
Eci ositu ya kala vomẽla, osimbu ka va yi takĩlĩle handi, oco onyeño ya Yehova wa yambula omanu lefengi lia piãla.
34
Onduko yusenge waco vo tukula vati, Kiviroti Hataawa, ca lomboloka Ayamboavakuahatu momo oku va kenda vakuahatu.
35
Oku tunda ko Kiviroti Hataawa omanu va enda ko Haceroti, kuenje va tumãla vo Haceroti.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36