bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Numbers 29
Numbers 29
Umbundu Bible (Embimbiliya - Bíblia Sagrada em Umbundu)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Keteke liatete kosãi epanduvali, vu kala lefendelo liowiñi wosi. Eteke liaco ka ci tava oku linga upange wovaka. Eteke liaco li linga eteke lioku sika olombeta.
2
Kuenje vu lumba ocilumba coku pia elisi, celemba li pepa ku Yehova. Evi vu lumba vievi: onale yimosi locitupi comeme, kuenda olomeme epanduvali vialume via tẽla unyamo haivio ka vi kuete etondelo.
3
Ocilumba colomema lacovo ci lumbiwila kumosi lavio. Ci kala cosema ya fina ya tengiwa lulela. Okuyonga kuaco ku kala ndomo: Konale olonepa viekui viefa; kocitupi olonepa vivali viekui viefa;
4
kolomeme epanduvali komeme lomeme onepa yekui yefa.
5
Vu lumbavo ocitupi cohombo ci linga ocilumba cekandu coku tuvika akandu ene.
6
Ovina evi vu vi lumba oku vokiya kocilumba coku pia elisi cosãi yokaliye loku vokiya kocilumba colomema leci coku nyua, evi vi lumbiwila kumosi laco ndovihõlo viaco. Vi vokiyiwavo kocilumba colomema leci coku nyua, evi vi lumbiwila kumosi laco ndovihõlo viaco. Vi linga ocilumba coku pia elisi haico ci kuete elemba li pepa ku Yehova.
7
Keteke liekuĩ kosãi yaco yepanduvali wu kala lefendelo liowiñi wosi. Vu likandangiya okulia kuenje ka vu lingi upange.
8
Puãi vu lumbila Yehova ocilumba coku pia elisi celemba li pepa. Evi vu lumba vievi: onale yimosi, locitupi comeme, kuenda olomeme epanduvali vialume via tẽla unyamo, haivio ka vi kuete etondelo.
9
Ocilumba colomema ci lumbiwila kumosi lavio. Ci kala cosema ya fina ya tengiwa lulela. Oku yonga kuaco ku kala ndomo: konale olonepa vitatu viekui viefa; kocitupi olonepa vivali viekui viefa;
10
kolomeme epanduvali, komeme lomeme onepa yekui yefa.
11
Vu lumbavo ocitupi cohombo ha ci lingi ocilumba cekandu. Ocilumba eci cekandu ci vokiyiwa kocilumba cekandu coku tuvika. Ci vokiyiwavo kocilumba coku pia elisi coloneke viosi kuenda kuevi violomema levi viokunyua vina vi lumbiwila kumosi laco.
12
Keteke liekuĩ latãlo kosai yepanduvali vu kala lefendelo liowiñi wosi. Eteke liaco ka vu lingi upange wovaka. Vu fetika oku lingila Yehova ofesta yoloneke epanduvali.
13
Wu lumba ocilumba coku pia elisi celemba li pepa ku Yehova. Evi vu lumba vievi: olonale ekui la vitatu, lovitupi vivali violomeme, kuenda ekuĩ liolomeme kolomeme vikuãla vialume via tẽla unyamo, haivio ka vi kuete etondelo.
14
Ocilumba colomema ci lumbiwila kumosi lavio. Ci kala cosema ya fina ya tengiwa lulela. Okuyonga kuaco ku kala ndomo: kolonale ekui lavitatu konale lonale olonepa vitatu viekuĩ viefa: kovitupi vivali kocitupi locitupi olonepa vivali viekui viefa;
15
kolomeme ekui lavikuãla, komeme lomeme onepa yekuĩ yefa.
16
Vu lumbavo ocitupi cohombo ha ci lingi ocilumba cekandu. Evi viosi vi lumbiwa oku vokiya kocilumba coku pia elisi coloneke viosi kuenda kuevi violomema levi viokunyua, vina vi lumbiwila kumosi laco.
17
Keteke liavali vu lumba ekui liolonale kolonale vivali, lovitupi vivali violomeme, kuenda ekuĩ liolomeme kolomeme vikuãla vialume via tẽla unyamo haivio ka vi kuete etondelo.
18
Vu vi lumbila kumosi lovilumba violomema levi viokunyua ndeci ca soka locihõlo caco, okuti onale lonale, ocitupi locitupi, omeme lomeme, levi vi lumbiwila lavio.
19
Vu lumbavo ocitupi cohombo ha ci lingi ocilumba cekandu. Ovilumba evi vi vokiyiwa kocilumba coku pia elisi coloneke viosi kuenda locilumba colomema leci cokunyua.
20
Keteke liatatu vu lumba ekui liolonale konale, lovitupi vivali violomeme, kuenda ekui liolomeme kolomeme vikuãla vialume via tẽla unyamo haivio ka vi kuete etondelo.
21
Vu vi lumbila kumosi lovilumba violomema levi viokunyua ndeci ca soka locihõlo caco, okuti onale lonale, ocitupi locitupi, omeme lomeme, levi viosi vi lumbiwila lavio.
22
Va lumbavo ocitupi cohombo ha ci lingi ocilumba cekandu. Ovilumba evi vi vokiyiwa kocilumba coku pia elisi coloneke viosi kuenda kocilumba colomema leci cokunyua.
23
Keteke liakuãla vu lumba ekuĩ liolonale, lovitupi vivali violomeme, kuenda ekuĩ liolomeme kolomeme vikuãla vialume via tẽla unyamo haivio ka vi kuete etondelo.
24
Vu vi lumbila kumosi lovilumba violomema levi viokunyua ndeci ca soka locihõlo caco, okuti onale lonale ocitupi locitupi, omeme lomeme, levi viosi vi lumbiwila lavio.
25
Tu lumbavo ocitupi cohombo ha ci lingi ocilumba cekandu. Ovilumba evi vi vokiyiwa kocilumba coku pia elisi coloneke viosi, kuenda kocilumba colomema leci cokunyua.
26
Keteke liatãlo vu lumba olonale ecea, lovitupi vivali violomeme, kuenda ekuĩ liolomeme kolomeme vikuãla vialume via tẽla unyamo haivio ka vi kuete etondelo.
27
Vu vi lumbila kumosi lovilumba violomema levi viokunyua, ndeci ca soka locihõlo caco, okuti onale lonale, ocitupi locitupi, omeme lomeme, levi viosi vi lumbiwila lavio.
28
Vu lumbavo ocitupi cohombo ha ci lingi ocilumba cekandu. Ovilumba evi vi vokiyiwa kocilumba coku pia elisi coloneke viosi kuenda kocilumba colomema leci cokunyua.
29
Keteke liepandu vu lumba olonale ecẽlãla, lovitupi vivali violomeme, kuenda ekui liolomeme kolomeme vikuãla vialume via tẽla unya haivio ka vi kuete etondelo.
30
Vu vi lumbila kumosi lovilumba violomema levi viokunyua ndeci ca soka locihõlo caco, okuti onale lonale, ocitupi locitupi, omeme lomeme, levi viosi vi lumbiwila lavio.
31
Vu lumbavo ocitupi cohombo ha ci lingi ocilumba cekandu. Ovilumba evi vi vokiyiwa kocilumba coku pia elisi coloneke viosi kuenda kocilumba colomema leci cokunyua.
32
Keteke liapanduvali vu lumba olonale epanduvali, lovitupi vivali violomeme, kuenda ekuĩ liolomeme kolomeme vikuãla vialume via tẽla unyamo haivio ka vi kuete etondelo.
33
Vu vi lumbila kumosi lovilumba violomema levi viokunyua ndeci ca soka locihõlo caco, okuti, onale lonale, ocitupi locitupi, omeme lomeme, levi viosi vi lumbiwila lavio.
34
Vu lumbavo ocitupi cohombo ha ci lingi ocilumba cekandu. Ovilumba evi vi vokiyiwa locilumba coku pia elisi coloneke viosi kuenda kocilumba colomema leci cokunyua.
35
Keteke liecẽlãla vu kala lefendelo liowiñi wosi. Eteke liaco ka ci tava oku linga upange wovaka.
36
Puãi vu lumba ocilumba coku pia elisi, celemba li pepa ku Yehova. Evi vu lumba vievi: onale yimosi locitupi comeme, kuenda olomeme epanduvali vialume via tẽla unyamo haivio ka vi kuete etondelo.
37
Vu vi lumbila kumosi lovilumba violomema levi viokunyua ndeci ca soka locihõlo caco, okuti onale locitupi kuenda omeme lomeme levi viosi vi lumbiwila lavio.
38
Vu lumbavo ocitupi cohombo ha ci lingi ocilumba cekandu. Ovilumba evi vi vokiyiwa kocilumba coku pia elisi coloneke viosi kuenda kocilumba colomema leci cokunyua.
39
Ovina evi ovio vu lumbila Yehova kolofesta viene via tukuiwa. Vu vi vokiya kovilumba viene vioku tẽlisa olohuminyo lokovilumba viene viocipango. Vi linga ovilumba viene vioku pia elisi, lovilumba viene violomema, lovilumba viene viokunyua, kuenda ovilumba viene viombembua.
40
Mose yu wa lomboluila va Isareli cosi ndomo Yehova a sapuila Mose.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36