bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Numbers 14
Numbers 14
Umbundu Bible (Embimbiliya - Bíblia Sagrada em Umbundu)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Oco owiñi wosi wa kaluka ondaka. Uteke waco omanu va lila.
2
Va Isareli vosi va lisiõsuĩla Mose la Arone. Owiñi wavo wosi wa popia lavo uti, Avoyo, hĩse nda tua filile vofeka ye Egito! Hise nda tua filile vekalasoko lilo!
3
Yehova o tu nenela nye vofeka yilo okuti tu fa losipata? Akãi vetu lomãla vetu va ka kuatiwa. Ka ca tu velelepo hẽ oku tiukila ke Egito?
4
Kuenje va livanguila pokati vati, Tu noli usongui, tu tiukili ke Egito.
5
Oco Mose la Arone va wila posi, va lituvikilapo kovaso owiñi wosi wa va Isareli.
6
Yehosua, omõla a Nune, la Kalembe, omõla a Yefune, haivo va kala pokati kava va ka lavuluile ofeka, va kesula uwalo wavo.
7
Va popia la va Isareli vosi, vati, Vofeka omo tua pita oku lavulula, ofeka yaco yiwa ca lua.
8
Nda Yehova o tu sanjukila o tu tuala vofeka yaco loku tu yiha; lofeka yaco ofeka yi tumõha asenjele lowiki.
9
Cimosi lika okuti, ko ka ñualelipo Yehova, kuenda vali ko ka yokokeli omanu vofeka yaco, momo kokuavo oko ku tunda okulia kuetu. Ombindikiyo yavo ya va tunda, kuenje Yehova o kasi letu. Ko ka va yokokeli.
10
Puãi owiñi wosi wa popia uti, Yehosua la Kalembe tu va sosola lovawe. Kuenje haico ulamba wa Yehova wa mõlẽhela ku va Isareli vosi vombalaka yoku ñualehela la Suku.
11
Yehova wa popia la Mose hati, Eteke lipi omanu ava va liweka oku membula? Ndaño ndukuakuvaiha olondimbukiso via lua haimo okuliñala kuavo ku sulila eteke li pi?
12
Ndi va veta lefengi kuenje ndi va pañula. Noke fetika vali love kuenje hu lingisa ofeka yinene haiyo ya velapo kolohõlo, okuti ovo va sule.
13
Noke Mose wa kumbulula Yehova hati, Nda oco o linga va Egito va ci yeva, momo omanu ava ove wa vopa pokati kavo lunene wove,
14
kuenje va Egito va ci sapula kolonungi viofeka yilo. Va yeva yeva okuti ove u Yehova o kasi pokati komanu valo. Momo ove a Yehova o muiwa iso liso. Elende liove li va tulamẽla kuenje ove muẽle o va pitila kovaso. Utanya wendela vongunje yelende, uteke wendela vongunji yondalu.
15
Kaliye, nda wipa omanu ava ndomunu umosi, oco olofeka via yeva oluhimo luove vi popia viti,
16
Omo Yehova ka tẽlele oku iñisa omanu ava vofeka a likuminya oku va iha, oco a va ipailela vekalasoko.
17
Oco kaliye ndi likutilila kokuove siti, Unene wa Ñala u lue ndeci wa likuminya huti,
18
Yehova ukuakulivala konyeño haeye ukuacisola ka ci pongoloka. Eye ecela olohole loku lueya puãi ka yovuisa ukueko. O fetuluinyila omãla ongole ya vaisiavo toke kocitumbulukila catatu leci cakuãla.
19
Ndi likutilila okuti wecela ongole yomanu ava, oku va ecela omo ocisola cove ka ci pongoloka lomo wa va ecaela ale akandu avo tunde ke Egito toke kulo.
20
Oco Yehova wa kumbulula hati, Ci tava, ndi va ecela ndomo wa likutilila,
21
puãi, ndeci ñasi lomuenyo kuenda ndeci ulamba wa Yehova u yukisa oluali luosi,
22
momo omanu vaco vosi, ndaño va mõla ulamba wange lolondimbukiso viange nda lingila ve Egito lo vekalasoko, haimo va nyika olonjanja evi ekuĩ, kuenje ka va tavele kondaka yange,
23
oco lomue pokati havo o mola ofeka nda likuminya oku eca kolosekulu viavo. Pokati kava va membula lomue o yi mõla.
24
Puãi ukuenje wange Kalembe, omo a kala lutima wiñi kuenje wa ñuama ocili, eye ndu tuala vofeka omo a iñilile ale. Ombuto yaye oyo yi tungamo.
25
Kaliye, omo va amaleke la va Kanana va tunga volomuva oco omẽle tiukili kekalasoko oku enda lonjila yenda ko Kalunga Kakusuka.
26
Yehova yu wa popia la Mose kuenda Arone hati,
27
Okulisiõsuĩla kuomanu ava va tatama ku liweka eteke lipi? Nda yeva okulisiõsiõla kua va Isareli ndomo va lisiõsuĩla.
28
Popia lavo huti, Ca popia Yehova ceci, hati, Ndeci ñasi lomuenyo, ocili, eci wa popi lame nda ci yeva, oco ndu lingi.
29
Vekalasoko lilo omo mu siala ovivimbi viene. Ene vosi wa sonehiwi okuti vosi vakuanyamo akuĩ avali kuenda kua supa haene wa lisiõsuĩli,
30
pokati kene lomue iñila vofeka nda likuminya okuti ndu tungisimo, te Kalembe, omõla a Yefune, la Yehosua, omõla a Nune.
31
Puãi omãla vene vatito ava wa lombololi hoti, Va kuatiwa, ovo ndi va iñisa kuenje ovo va kulĩha ofeka ene wa pembuli.
32
Ene puãi, ovivimbi viene vi siala mũlo vekalasoko.
33
Omãla vene va linga angombo vekalasoko akuĩ akuãla kanyamo. Va talela olukonyo luene ohali toke vosi wa fi kuenje ovivimbi viene vi siala vekalasoko.
34
Koku tenda, oloneke wa ka lavuluili ofeka akuĩ akuãla vi soka lanyamo vu yambuiwa, okuti akuĩ akuãla. Kuenje wu limbuka ndomo nda liamũha lene.
35
Ame ndi Yehova nda popia. Eci oco ndingila omanu ava va tatama haivo va ñatukila. Mũlo vekalasoko omo va taka haimo va fila.
36
Ovalume vana Mose a tumĩle oku lavulula ofeka, haivo va tiuka kuenje va wengula owiñi wosi oku lisiosiola omo va tukuila ofeka yaco oluhimo luvĩ,
37
ovalume vaco va tukuila ofeka oluhimo luvĩ, va fa lefengi kovaso a Yehova.
38
Puãi kovalume va ka lavuluile ofeka yaco, Yehosua, omõla a Nune, la Kalembe, omõla a Yefune, va supapo lomuenyo.
39
Mose wa sapuila va Isareli vosi olondaka evi kuenje omanu va lila ca lua.
40
Va pasuka omẽle ociteketeke, va londa komunda yimue kuenje vati, Ocili tua linga ekandu puãi haimo lumue, kua ca. Tuenda muẽle kofeka Yehova wa likuminya oku tu iha.
41
Puãi Mose wa popia hati, Vu nyõlela nye ocihandeleko ca Yehova? Oco ka ci koki oku enda ciwa.
42
Ko ka lamani sanga vu yuliwa lovanyali vene omo yehova ka kasi lene.
43
Momo va Amaleke la va Kanana va kasi kovaso yene, kuenje wu kupuiwa losipata. Omo wa tinduki poku kuama Yehova oco yehova ka kala vali kumue lene.
44
Puãi ndaño ocikasia covisila via Yehova ka ca tundile vocilombo kuenda Mose layevo ka tundile, haimo va amela losiata oku londa omunda.
45
Oco va Amaleke la va Kanana, ava va tunga komunda yaco, va loka, kuenje va va yula, va va lupuisa toke ko Horima.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36