bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Numbers 16
Numbers 16
Umbundu Bible (Embimbiliya - Bíblia Sagrada em Umbundu)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 17 →
1
Kora, omõla a Yicihare, omõla a Kohata, omõla a Lewi, la Datana kuenda Avirama, omãla va Eliyava, la Oni, omõla a Pelete, omãla va Ruvene,
2
vongolola va Isareli vamue kuenje va katukila Mose. Va nolapo asongui va kemala ovita vivali lakui atãlo,
3
kuenje va liongoluila ku Mose la Arone, va popia lavo vati, Wa lipamisi enene, omo owiñi ulo wosi omunu omunu o kola, kuenje Yehova o kasi pokati kavo. Nye vu livelisilapo okuti owiñi ulo haiwo owiñi wa Yehova u linga u sule?
4
Eci Mose a ci yeva wa wila posi, wa lituvikapo.
5
Yu wa popia la Kora lowiñi waye wosi hati, Omẽle Yehova o lekisa ava va tiamẽla kokuaye haivo va kola kuenje o va amisila kokuaye. Ava a nola ovo o va amisila kokuaye.
6
Eci vu linga ceci, Kora lowiñi waye wosi va nyañula oviyukilo,
7
hẽla va kapamo ondalu, kilu liayo va kapako insensu kovaso a Yehova; oco omunu Yehova o nõla, eye o kola. Wa lipamisi, amãla va Lewi!
8
Mose wa pula Kora hati, Yeveleli, amãla va Lewi!
9
Ene, ka cu lingi cimue omo pokati ka va Isareli vosi Suku ya Isareli wo nolipo ene, oku wamisili kokuaye okuti vu linga upange wotavernakulu ya Yehova loku kala kovaso owiñi oku va vumba?
10
Ka cu lingi cimue omo ene la vakuẽle vosi omãla va Lewi wo wamisili ocipepi laye? Lenevo wu yongola oku lingavo ovitunda?
11
Oco ove lowiñi wove wosi eci wongoloki ndeti wongolokeli oku lisiõsuĩla Yehova. Arone hẽ wa linga nye okuti eye vu lisiõsuĩla?
12
Mose yu wa tuma oku kovonga Datana la Avirama, omãla va Eliyava. Kuenje vati, Ka tu iya.
13
Kokuove hẽ oku tupa vofeka yi tumõha asenjele lowiki loku tu ipaĩla vekalasoko ci sule, kuenje o tongola oku tu viala ndosoma?
14
Kuenda vali kua tu nenẽle vofeka yi tumõha asenjele lowiki, kua tu ihile ocipiñalo covapia loviumbo viayuva. Oco hẽ o huvika ño omanu valo lombambe yomẽla? Ka tu iya.
15
Oco Mose wa tema ca lua, wa popia la Yehova hati, Ku ka tave kocilumba cavo. Ndaño ocimbulu cimosi sia ci tambuile kokuavo; lomue wavo nda linga cĩvi.
16
Mose wa popia la Kora hati, Hẽla ove lowiñi wove wosi kuenda Arone vu kala kovaso a Yehova.
17
Vosi yene, omunu omunu a nyañule ociyukilo caye loku kapamo insensu loku ci nena ku Yehova. Oviyukilo viene viosi, okuti ovita vivali kakui atãlo, vu vi nena. Arone layevo o nena caye.
18
Oco va nyañula, u ociyukilo caye, u ociyukilo caye, kuenje va kapamo ondalu, loku kapako insensu. Noke veya, va talama kumuamue la Mose kuenda Arone puvelo wombalaka yoku ñualehela la Yehova.
19
Oco Kora wongoluila owiñi wosi kuvelo wombalaka yoku ñualehela la Yehova okuti va tamalala la Mose kuenda Arone. Kuenje ulamba wa Yehova wa mõlẽha kowiñi wosi.
20
Yehova yu wa popia la Mose kuenda Arone hati,
21
Litepi lomanu ava okuti ndi va nyõla olumue.
22
Puãi va wila posi kuenje va lituvikapo, va pula vati, A Suku, Suku yovilelembia viomanu vosi, nda umosi o linga ekandu o temẽla owiñi wosi?
23
Yehova wa kumbulula Mose hati,
24
Sapuila omanu huti, Tundi kombalaka ya Kora la Datana kuenda Avirama.
25
Oco Mose wa votoka, wa enda ku Datana la Avirama, kuenje akulu va va Isareli vo kuama.
26
Wa popia lomanu hati, Avoyo, tundi kolombalaka viomanu ava vakuakandu. Ko ka lambi cimue cavo, sanga wu nyõleha lovakandu avo osi.
27
Oco va tunda kombalaka ya Kora la Datana kuenda Avirama. Kuenje Datana la Avirama va tunda, va talama povivelo violombalaka viavo, kumue lakãi vavo lomãla vavo loloñaña viavo.
28
Mose yu wa popia hati, Ndopo wu limbuka okuti Yehova wa numa oku linga ovina evi viosi. Ame sia vi lingile ocipango cange.
29
Omanu ava nda va fa ndeci ci fa fa omanu vosi, pamue nda va tala ohali ndeci omanu vosi va tala ohali, oco Yehova ka numile.
30
Puãi nda Yehova o sovola vali ocina cokaliye kuenje osi ya asama loku va ina lovina viavo viosi okuti va iñila vonjembo lomuenyo, oco wu limbuka okuti omanu ava va tomba Yehova.
31
Eci Mose a mãla oku popia olondaka evi viosi, oco osi va liata ya toka,
32
ya asama, ya va ina kumue lapata avo lalume vosi va tiamẽla ku Kora, lovikuata viavo viosi.
33
Oco ovo lovikuata viavo viosi va lokila vonjembo lomuenyo, kuenje osi ya sitikako. Kowiñi va tepiwako.
34
Va Isareli vosi va va ñuala va tila eci va yeva okuliyula kuavo, omo va popia vati, Sanga osi yi tu ina.
35
Kuenje ondalu ya tunda ku Yehova, ya lia ovita vivali lakui atãlo kovalume vaco va lumba insensu.
36
Yehova wa popia la Mose hati,
37
Sapuila Eleasa, omõla ocitunda Arone, okuti velungulungu liondalu upamo oviyukilo kuenje ondalu yaco o yi sanduila kupãla.
38
Momo oviyukilo viava va peselela ovimuenyo viavo akandu avo vi kola. Oco vi teliwe loku vi yala kutala. Omo va vi nena ku Yehova oco vi kola. Ci linga ondimbukiso ku va Isareli.
39
Eleasa ocitunda yu wa yelula oviyukilo viosipi, vina ava va pia va lumbile lavio, kuenje via teliwa ha vi yaliwa kutala.
40
Ca ivaluisa va Isareli okuti lomue o tẽla oku timĩhĩla Yehova insensu te ocitunda ukuambuto ya Arone, sanga nda umue wiñi o ci seteka ci pita laye ndeci ca pita la Kora lomanu vaye. Eci cosi Yehova wa ci sapuila Eleasa lomẽla wa Mose.
41
Puãi hẽla liaco va Isareli vosi va lisiõsuĩla Mose la Arone vati, Ene wa ipali omanu va Yehova.
42
Oco, eci omanu vongolokela oku lisiõsuĩla Mose la Arone va vanja kombalaka yoku ñualẽhela la Yehova kuenje tala, elende lia yi sikĩlĩla, lulamba wa Yehova wa mõleha.
43
Mose la Arone veya kovaso yombalaka yoku ñualehela la Yehova,
44
kuenje Yehova wa popia la Mose hati,
45
Tundi kowĩni ulo okuti ndi va nyõla olumue. Yu va wila posi, va lituvikapo.
46
Mose wa sapuila Arone hati, Yelula ociyukilo cove, kapamo ondalu yokutala, kilu liondalu kapako insensu, ku ende laco lombili kowiñi loku va likutililila oku tuvika ekandu liavo. Omo onyeño ya Yehova ya wenguka, oco efengi lia fetika.
47
Oco Arone wa linga ndomo Mose a popia, kuenje wa yolokela pokati kowiñi, kuenje tala, efengi lia fetika ale pokati komanu. Eye wa kapamo insensu kuenje wa tuvika ekandu liomanu.
48
Noke wa talama vilu pokati kava va fa lava va kasi lomuenyo. Oco efengi lia imũha.
49
Ava va fa lefengi liaco va soka ekuĩ la vikuãla kolohũlũkai kovita epanduvali. Ava handi va fa ale kocitangi ca Kora havoko.
50
Oco Arone wa tiukila ku Mose kuvelo wombalaka yoku ñualehela la Yehova kuenje efengi lia imũha.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36