Song of Solomon 3

Umbundu Bible (Embimbiliya - Bíblia Sagrada em Umbundu)

← Chapter 2 Jump to: Chapter 4 →

1Kuteke, pula wange, nda livela u ndi sole ndomuenyo wange. Ndo sanda, puãi sio sangele. Ndo vilikiya, puãi ka ñumbuluile.

2Siti, Mbotoka; ñuala ñuala imbo loku pita kolokololo lovaluwa, si sandi u ndi sole ndomuenyo wange. Ndo sanda, puãi sio sangele.

3Olondavululi vioku ñuala ñuala imbo via sanga, yu nda va pula siti, Wa mõli u ndi sole ndomuenyo wange, ale?

4Yu nda va sia, kuenje hasimbuko nda sanga u ndi sole ndomuenyo wange. Ndu kuete, sia tavele oku weca toke ndo wiñisa vonjo ya Mãi, vohondo muẽle yu wa nyita.

5Afeko va Yerusalãi, ndu kisiki lolomunya lolonusi viovanyãla, siti, Ko ka pasuli ukuacisola cange toke eci a yongola.

6Nye oco ci li loku tunda kekalasoko, ndevonge liowisi? Ci kuete elemba lia mura lekokoto, leli liolosema viovafũli.

7Tala! Oco owanda wa Salomone. Olonoi akui epandu vio ñuala; olonoi muẽle via Isareli.

8Vosi vakuakuyaka losipata; okuyaka kua va ika. Vava, u losipata kuvia waye, u losipata kuvia waye, ha va lavoka eci ci va saluisa uteke.

9Soma Salomone wa litungisila owanda; wo tunga loviti via Levanone.

10Olongunji viaco viopalata; ohunamẽlo yaco yulu; omangu yaco yonanga yohũsu. Vokati kaco mua tongiwa locisola; afeko va Yerusalãi va tongamo.

11Tundi ya, afeko va Yerusalãi, ho tali Soma Salomone. Wa futisua ekolowa, lina inaye lio futisa lalio eteke lioku upisa uvala hailio eteke utima waye we yuka esanju.

← Chapter 2 Jump to: Chapter 4 →