Song of Solomon 8

Umbundu Bible (Embimbiliya - Bíblia Sagrada em Umbundu)

← Chapter 7 Jump to:

1Nda wa kaile nda manjange, una wa nyama kavele a mãi! Nda nda ku sangele posamua nda nda ku sipuile, kuenje nda lomue wa membuile.

2Nda nda ku songuile loku ku iñisa vonjo ya mãi, vohondo muẽle yu wa nyita. Nda nda ku ihile ovinyu via litenga lolosimbolua, pamue ovava aroma, hu nyui.

3Eka liaye liepĩli nda lia ñunamisile kutue! Eka liaye liondio nda lia ñuatele!

4Afeko va Yerusalãi, ndu kisiki, siti, Ko ka tuñunyi ukuacisola cange, ndaño oku u pasula toke eci a yongola.

5Helie o, o kasi loku tunda kekalasoko, loku kunamẽla kukuacisola caye? Kemẽhi lio-macieira oko nda ku pasuila, haiko nyõho a ku muĩla olongembia, haiko u wa ku cita wa ku tangelekela.

6Ñape kutima wove ndesitikilo, ndondimbukiso kokuoko kuove; momo ongusu yocisola ya soka leyi yokufa; ukuelume wimõla ohenda; wa soka ndonjembo. Olosase viawo ndevi viondalu; ndovilienge vi liakoka.

7Ovava a lua ka a tẽla oku ima ocisola, ndaño andunde ka a tẽla oku ci vombisa. Ocisola, ndaño omunu wa ci pitisila ukuasi wosi wonjo yaye, nda wa pembuiwa!

8Tu kuete manjetu ukãi ka tundile handi avele. Nye eci tu lingila manjetu eteke lioku yonguiwa?

9Nda wa kaile ocimbaka nda tua tungilileko ombindikiyo yopalata. Nda epito nda tua sitikilepo lavaya ovinendele via Levanone.

10Nda kala ocimbaka; avele ange a kala ndolombonge, yu nda kala kovaso aye ndu o sanga ombembua.

11Salomone wa kala locumbo cayuva ko Baale Hamone; wa ci kundika peka liovatati, hã omunu omunu ho nenela apako aco a soka ndohulukãi yolombongo viopalata.

12Ocumbo cange, cange muẽle; ndi ci lilimila ame muẽle. Ove, a Salomone, ci tava oku kala lohulukãi yaco; ovatati vapako aco va kala lovita vivali.

13Ene wa tungi voviumbo, pasuki; vakuetu va kasi oku yevelela kondaka yene; yi yevale muẽle.

14Yayulako, okuacisola cange; liluvikiya ndomunya, pamue ndokanusi, kolomunda viovikũla vielemba liwa.

← Chapter 7 Jump to: