Song of Solomon 7

Umbundu Bible (Embimbiliya - Bíblia Sagrada em Umbundu)

← Chapter 6 Jump to: Chapter 8 →

1Olmãi viove via posoka cimue, a Nasoma, ndomo via wala olohaku. Atokekelo olombunda viove a soka ndovawe a tĩla a songiwa luloño wa piãla.

2Ohopa yove ya soka ndesanga lia sielena, mue yuka to ovinyu. Pimo liove pa soka ndokangungo kotiliku ka ñualiwa lolonẽlẽho.

3Avele ove a molẽha ndotumunya tuvali olonjamba.

4Osingo yove ya soka ndongunji ya tungiwa lovayo onjamba. Ovaso ove a soka ndociva co ko Hesibone pombundi ya Batrabi. Anyũlu ove a soka ndotole yoko Levanone yina yimba ovaso ko Damasko.

5Utue wove u molẽha nda Karimele; ocifuko cawo cowi, ndonanga yosoma; Soma wa kuatiwa leposo liaco ndomandekua!

6Okuacisola cange, wa posoka ca lua; o ñokela esanju lia lua, ofeko wa yonguiwa!

7Ulambi wove wa soka ndu weva; avele ove a soka ndovilende vialio.

8Mopia siti, Ndonda veva liaco; ñuatelela kovianja viaco, kuenje avele ove a linga ndovilende viayuva, lelemba liokufuima kuove ndeli liolomasa.

9Asipulo ove a linga ndovinyu via velapo vi pita venguli cuuuuuuuu!

10Ukuacisola cange wa linga muẽle wange, lame nda linga waye. Onjongole yaye ya niamẽla.

11Okuacisola cange, enju; tu ende kovapia loku lala kovaimbo

12Tu limẽlẽhela koviumbo viayuva, ha tu vanji ayuva nda a yova ale, lolonẽleho viaco nda via temũla, laroma haico; oko hu ihila ocisola cange.

13Ovitende vi tunda elemba liwa. Puvelo wetu pa kasi apako a pepa, lana okaliye, lana ale; osi muẽle nda a ku selekela, okuacisola cange.

← Chapter 6 Jump to: Chapter 8 →