Song of Solomon 6

Umbundu Bible (Embimbiliya - Bíblia Sagrada em Umbundu)

← Chapter 5 Jump to: Chapter 7 →

1Okãi wa piãla oku posoka, ukuacisola cove wa enda pi? Oku a loña kupi, okuti tu u vanjiliyila pamosi?

2Ukuacisola cange wa enda kocumbo caye, kovikandela viovikũla vielemba liwa, ha lila vocumbo loku pueya olonẽlẽho.

3Ukuacisola cange ame ndu waye muẽle, leye wange. Ukuakulisila oviunda viaye pokati kolonẽlẽho.

4Okuacisola cange, wa posoka nda Tirica; ulambi wove ndu wa Yerusalãi. O linga usumba ndovita via tulika apandela.

5Liweka oku nunguila ovaso, momo a sakalaisa. Ocifuko cove ca soka ndocunda colohombo vi lila kapati a Gileada.

6Ovayo ove a soka ndocunda colomeme vi tunda koku sukuiwa, viosi via cita olonjamba; layimue osiũle.

7Konyima yoveu yove atama ove a soka ndolonepa vivali viaroma.

8Ku li vainakulu akuĩ epandu, lovakama akuĩ ecelãla, kuenda afeko ka va tendiwa.

9Opomba yange ya pua atondelo; o likasilili; haeye omõla wongunga wa inaye; omõla wa pua eko wu wo cita. Afeko vo mõla yu vo pandula, haico vainakulu lovakama vo sivaya.

10Helie o, o li loku tunda ndokuca kuomẽle, wa posoka ndosãi, o yela ndekumbi, haeye o linga usumba ndovita via tulika apandela?

11Nda lokila kocumbo colonendo si tali ovikũla via posoka viovimbota loku vanja ayuva nda a yova ale, laroma nda a telẽha,

12kuenje osimbu sia ci limbukile huti ño ñasi ndu wa tumãla vekalu kumue la Soma yange!

13Tiuka, tiuka, a Sulamita. Tiuka, tiuka, oco tu ku tale. Nye tu talela u Sulamita ndoku tala ava va pilukila pokati kovisoko vivali?

← Chapter 5 Jump to: Chapter 7 →