Nehemiah 10

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 9 Jump to: Chapter 11 →

1Aur wuh jinhoṉ ne muhr lagáí, yih haiṉ: Nahamiyáh bin Hakaliyáh hákim, aur Sidqiyáh,

2Siráyáh, ‘Azariyáh, Yarmiyáh,

3Fashúr, Amariyáh, Malkiyáh,

4Hattúsh, Sabaniyáh, Mallúk,

5Hárim, Marímot, ‘Abadiyáh,

6Dáníel, Jinnatún, Bárúk,

7Masullám, Abiyáh, Míyámín,

8Ma‘ziyáh, Biljí, Sama‘iyáh: yih káhin the.

9Aur Láwí yih the: Yashú‘ bin Azaniyáh, Binwí baní Hanádád meṉ se, Qadmíel;

10aur un ke bháí, Sabaniyáh, Húdiyáh, Qalítáh, Filáyáh, Hanán,

11Míká, Rahob, Hasábiyáh,

12Zakkúr, Saribiyáh, Sabaniyáh,

13Húdiyáh, Bání, Banínú.

14Logoṉ ke raís yih the: Para‘ús, Paḳhat-moáb, ‘Ailám, Zattú, Bání,

15Bunní, ‘Azjád, Babai,

16Adúniyáh, Bigvai, ‘Adín,

17Atír, Hizqiyáh, ‘Azzúr,

18Húdiyáh, Háshúm, Bazai,

19Ḳháríf, ‘Anatot, Núbaí,

20Magfí‘ás, Masullám, Hízír,

21Mashezabíl, Sadoq, Yaddú‘,

22Filatiyáh, Hanán, ‘Anáyáh,

23Húsí‘, Hananiyáh, Hasúb,

24Hallúhes, Filahá, Sobeq,

25Rahúm, Hasabnáh, Ma‘siyáh,

26Aḳhiyáh, Hanán, ‘Anán,

27Mallúk, Hárim, Ba‘náh.

28Aur báqí log, aur káhin, aur Láwí, aur darbán, aur gánewále, aur Natiním, aur sab jo Ḳhudá kí sharí‘at kí ḳhátir âur mulkoṉ kí qaumoṉ se alag ho gaye the, aur un kí bíwiyáṉ, aur un ke beṭe, aur beṭiyáṉ, g̣araz jin meṉ samajh aur ‘aql thí,

29wuh sab ke sab apne bháí amíroṉ ke sáth milkar la‘nat o qasam meṉ shámil húe, táki Ḳhudá kí sharí‘at par, jo banda e Ḳhudá Músá kí ma‘rifat milí, chaleṉ, aur Yahowáh hamáre Ḳhudáwand ke sab hukmoṉ, aur farmánoṉ, aur áín ko máneṉ, aur un par ‘amal kareṉ;

30aur ham apní beṭiyáṉ mulk ke báshindoṉ ko na deṉ, aur na apne beṭoṉ ke liye un kí beṭiyáṉ leṉ;

31aur agar mulk ke log sabt ke din kuchh mál yá kháne kí chíz bechne ko láeṉ, to ham sabt ko yá kisí muqaddas din ko un se mol na leṉ: aur sátwáṉ sál, aur har qarz ká mutálaba chhoṛ deṉ.

32Aur ham ne apne liye qánún ṭhahráe, ki apne Ḳhudá ke ghar kí ḳhidmat ke liye sál ba sál misqál ká tísrá hissa diyá kareṉ;

33ya‘ní sabtoṉ, aur naye chándoṉ kí nazr kí roṭí, aur dáimí nazr kí qurbání, aur dáimí soḳhtaní qurbání ke liye, aur muqarrara ‘ídoṉ, aur muqaddas chízoṉ, aur ḳhatá kí qurbáníoṉ ke liye, ki Isráíl ke wáste kaffára ho, aur apne Ḳhudá ke ghar ke sab kamoṉ ke liye.

34Aur ham ne ya‘ní káhinoṉ, aur Láwíoṉ, aur logoṉ ne, lakṛí ke hadye kí bábat, qur‘e ḍále, táki use apne Ḳhudá ke ghar meṉ bápdádá ke gharánoṉ ke mutábiq muqarrara waqtoṉ par sál ba sál Ḳhudáwand apne Ḳhudá ke mazbah par jaláne ko láyá kareṉ, jaisá sharí‘at meṉ likhá hai:

35aur sál ba sál apní apní zamín ke pahle phal, aur sab daraḳhtoṉ ke sab mewoṉ meṉ se pahle phal Ḳhudáwand ke ghar meṉ láeṉ;

36aur jaisá sharí‘at meṉ likhá hai, apne pahlauṭhe beṭoṉ ko aur apní mawáshí ya‘ní gáe bail aur bheṛ bakrí ke pahlauṭhe bachchoṉ ko apne Ḳhudá ke ghar meṉ káhinoṉ ke pás jo hamáre Ḳhudá ke ghar meṉ ḳhidmat karte haiṉ láeṉ;

37aur apne gúṉdhe húe áṭe, aur apní uṭháí húí qurbáníoṉ, aur sab daraḳhtoṉ ke mewoṉ, aur mai, aur tel meṉ se pahle phal ko apne Ḳhudá ke ghar kí koṭhriyoṉ meṉ káhinoṉ ke pás, aur apne khet kí dahyakí Láwíoṉ ke pás láyá kareṉ; kyúṉki Láwí sab shahroṉ meṉ, jaháṉ ham káshtkárí karte haiṉ, daswáṉ hissa lete haiṉ.

38Aur jab Láwí dahyakí leṉ, to koí káhin jo Hárún kí aulád se ho Láwíoṉ ke sáth ho; aur Láwí dahyakíoṉ ká daswáṉ hissa hamáre Ḳhudá ke baitu’l mál kí koṭhriyoṉ meṉ láeṉ.

39Kyúṉki baní Isráíl aur baní Láwí anáj aur mai aur tel kí uṭháí húí qurbáníáṉ un koṭhriyoṉ meṉ láyá kareṉge, jaháṉ pák bartan, aur ḳhidmatguzár káhin, aur darbán, aur gánewále haiṉ; aur ham apne Ḳhudá ke ghar ko nahíṉ chhoṛeṉge.

← Chapter 9 Jump to: Chapter 11 →