Nehemiah 3

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 2 Jump to: Chapter 4 →

1Tab Iliyásib sardár káhin apne bháiyoṉ ya‘ní káhinoṉ ke sáth uṭhá, aur unhoṉ ne bheṛ pháṭak ko banáyá; aur use muqaddas kiyá, aur us ke kiwáṛoṉ ko lagáyá; unhoṉ ne Hammiyáh ke burj balki Hananel ke burj tak use muqaddas kiyá.

2Us se áge Yaríhú ke logoṉ ne banáyá. Aur un se áge Zakkúr bin Imrí ne banáyá.

3Aur machhlí pháṭak ko baní Hassanáah ne banáyá; unhoṉ ne us kí kaṛiyáṉ rakkhíṉ, aur us ke kiwáṛe, aur chaṭkaniyáṉ aur aṛbange lagáe.

4Aur un se áge Marímot bin Úriyáh bin Haqqús ne marammat kí. Aur un se áge Masullám bin Barakiyáh bin Mashezabíl ne marammat kí. Aur in se áge Sadoq bin Ba‘na ne marammat kí.

5Aur in se áge Taqú‘íoṉ ne marammat kí; par un ke amíroṉ ne apne málik ke kám ke liye gardan na jhukáí.

6Aur puráne pháṭak kí Yahoyada‘ bin Fásaḳh aur Masullám bin Basúdiyáh ne marammat kí; unhoṉ ne us kí kaṛiyáṉ rakkhíṉ, aur us ke kiwáṛe, aur chaṭkaniyáṉ aur aṛbange lagáe.

7Aur un se áge Malatiyáh Jiba‘úní aur Yadún Marúnotí, aur Jiba‘ún aur Misfáh ke logoṉ ne jo daryá pár ke hákim ki ‘amaldárí meṉ se the marammat kí,

8aur un se áge sunároṉ kí taraf se ‘Uzzíel bin Harhiyáh ne, aur us se áge ‘attároṉ meṉ se Hananiyáh ne marammat kí, aur unhoṉ ne Yarúshalem ko chauṛí díwár tak muhkam kiyá.

9Aur un se áge Rifáyáh ne, jo Húr ká beṭá aur Yarúshalem ke ádhe halqe ká sardár thá, marammat kí.

10Aur us se áge Yadáyáh bin Harúmaf ne apne hí ghar ke sámne tak kí marammat kí; aur us se áge Hattúsh bin Hasabniyáh ne marammat kí.

11Malkiyáh bin Hárim aur Hasúb bin Paḳhat-moáb ne dúsre hisse ko aur tanúroṉ ke burj kí marammat kí.

12Aur us se áge Salúm bin Halúhesh ne, jo Yarúshalem ke ádhe halqe ká sardár thá, aur us kí beṭiyoṉ ne marammat kí.

13Wádí ke pháṭak kí marammat Hanún aur Zanúah ke báshindoṉ ne kí; unhoṉ ne use banáyá, aur us ke kiwáṛe, aur chaṭkaniyáṉ, aur aṛbange lagáe, aur kúṛe ke pháṭak tak ek hazár háth díwár taiyár kí.

14Aur kúṛe ke pháṭak kí marammat Malkiyáh bin Raikáb ne kí jo Bait Hakkaram ke halqe ká sardár thá; us ne use banáyá, aur us ke kiwáṛe, aur chaṭkaniyáṉ aur aṛbange lagáe.

15Aur chashma pháṭak ko Salúm bin Kull Hozí ne, jo Misfáh ke halqe ká sardár thá, marammat kiyá; us ne use banáyá, aur us ko páṭá, aur us ke kiwáṛe, aur chaṭkaniyáṉ aur us ke aṛbange lagáe; aur bádsháhí bág̣ ke pás Shiloḳh ke hauz kí díwár ko, us síṛhí tak jo Dáúd ke shahr se níche átí hai, banáyá.

16Phir Nahamiyáh bin ‘Azbúq ne, jo Bait Súr ke ádhe halqe ká sardár thá, Dáúd kí qabroṉ ke sámne kí jagah aur us hauz tak jo banáyá gayá thá aur súrmáoṉ ke ghar tak marammat kí.

17Phir Láwíoṉ meṉ se Rahúm bin Bání ne marammat kí. Us se áge Hasabiyáh ne jo Qa‘íláh ke ádhe halqe ká sardár thá apne halqe kí taraf se marammat kí.

18Phir un ke bháiyoṉ meṉ se Bawí bin Hanadád ne jo Qa‘íláh ke ádhe halqe ká sardár thá marammat kí.

19Aur us se áge ‘Ízar bin Yashú‘ Misfáh ke sardár ne dúsre ṭukṛe kí jo moṛ ke pás siláhḳháne kí chaṛháí ke sámne hai marammat kí.

20Phir Bárúk bin Zabbai ne sargarmí se, us moṛ se sardár káhin Iliyásib ke ghar ke darwáze tak, ek âur ṭukṛe kí marammat kí.

21Phir Marímot bin Úriyáh bin Haqqús ne ek âur ṭukṛe kí Iliyásib ke ghar ke darwáze se Iliyásib ke ghar ke áḳhir tak marammat kí.

22Aur phir nasheb ke rahnewále káhinoṉ ne marammat kí.

23Phir Binyamín aur Hasúb ne apne ghar ke sámne tak marammat kí. Phir ‘Azariyáh bin Ma‘siyáh bin ‘Ananiyáh ne apne ghar ke barábar tak marammat kí.

24Phir Binwí bin Hanadád ne ‘Azariyáh ke ghar se díwár ke moṛ aur kone tak ek âur ṭukṛe kí marammat kí.

25Fálál bin Úzai ne moṛ ke sámne ke hisse kí aur us burj kí jo qaidḳháne ke sahn ke pás ke sháhí mahall se báhar niklá húá hai marammat kí. Phir Fidáyáh bin Para‘ús ne marammat kí.

26(Aur Natiním mashriq kí taraf ‘Ofal meṉ pání pháṭak ke sámne aur us burj tak base húe the jo báhar niklá húá hai.)

27Phir Taqú‘íoṉ ne us baṛe burj ke sámne jo báhar niklá húá hai, aur ‘Ofal kí díwár tak ek âur ṭukṛe kí marammat kí.

28Ghoṛá pháṭak ke úpar káhinoṉ ne apne apne ghar ke sámne marammat kí.

29Un ke píchhe Sadoq bin Immer ne apne ghar ke sámne marammat kí. Aur phir mashriqí pháṭak ke darbán Sama‘iyáh bin Sikaniyáh ne marammat kí.

30Phir Hananiyáh bin Salamiyáh aur Hanún ne jo Salaf ká chhaṭá beṭá thá ek âur ṭukṛe kí marammat kí. Phir Masullám bin Barakiyáh ne apní koṭhrí ke sámne marammat kí.

31Phir sunároṉ meṉ se ek shaḳhs Malkiyáh ne Natiním aur saudágaroṉ ke ghar tak Hammifaqád ke pháṭak ke sámne aur kone kí chaṛháí tak marammat kí.

32Aur us kone kí chaṛháí aur bheṛ pháṭak ke bích sunároṉ aur saudágaroṉ ne marammat kí.

← Chapter 2 Jump to: Chapter 4 →