bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Esther 9
Esther 9
Zande
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 10 →
1
Si du ti gu 12 diwi, nga gu diwi nga Adara, ti 13 uru, ho rago ambedi ni tipa manga ga bakindo rugute na gako ndika, ni gu uru avura aEbere aso gima dia be yo, ono si aaria tihe kina ku ri yo, aEbere ki di be agu yo nasoga yo.
2
AEbere ki dungura tiyo ku rogo gayo abaakporo rogo ga Bakindo Asuerose angbi dunduko, ka manga agu yo naberã pa imisa yo. A nga boro sa nadi be yo te, bambiko gunde yo ati ti aboro dunduko.
3
Abazogo angbi dunduko, na abanyaki, na abaira abazogo, na agu yo nanamanga ga bakindo apai, i aunda aEbere, bambiko gunde Morudekai ati íi yo.
4
Bambiko Morudekai adu ni kikii pako rogo ga bakindo kporo, pandeko agbandaka rogo angbi dunduko. Pa gu kumba nangia Morudekai akpatari akpatari.
5
AEbere ki mangi avurayo dunduko ni basape, ki imi yo, ki gbarãsi yo. I ki mangi he fu agu yo naasoga yo wa i akpi nyemu he.
6
AEbere aimi aboro ku bakumba bakporo Susana yo ki gbarasi yo wa aboro 500.
7
I aimi aParusandata na Darupona, na Asepata,
8
na Porata, na Adaria, na Aridata,
9
na Parumaseta, na Arisai, na Aridai, na Waisata,
10
i nangia awiri Amana naadu bawe, Armna nangia wiri Amedata, nangia vura aEbere. Ono i agbu nga ahe te.
11
Ni gu uru re i agumba pa agu yo fu bakindo i aimi yo bakumba bakporo Susana yo.
12
Bakindo ki ya fu Nakindo Esetere, “AEbere imi aboro ki gbarasi yo wa 500 bakumba bakporo Susana no, ki imi awiri Amana bawe. Gini mangi yo tie rogo ga bakindo kura aringara! Fuo gure ga zungaditise nga gine? Mi aída paha aida foro. Gini kura sanahe du ngbaro? Mi amanga ha amanga foro.”
13
Esetere ki ya, “Ka si ngba ti bakindo, i idi he fu agu aEbere du Susana no i mangi he gba a wa du he tipa gu rugute du areme. I ki asi awiri Amana bawe ti ngua a.”
14
Bakindo ki rugu he i mangi he wo. I ki rũ ndika Susana yo. I ki asi awiri Amana bawe.
15
Agu aEbere nadu Susana yo ki dungura tiyo ti 14 uru nga ga gu diwi nga Adara. I ki imi aboro wa 300 Susana yo. Ono i agbu nga ahe te.
16
Were gu kura aEbere nadu rogo ga bakindo angbi ki dungura tiyo ka ru ka batasa ungayo. I ki bi zereda be avurayo, ki imi aboro 75,000 nga agu yo naasoga yo. Ono i agbu nga ahe te.
17
1 amangi gi pai re ti 13 uru nga ga gu diwi nga Adara. Ti 14 uru nga ga gu diwi re i ki ongodi, i ki sa ha ni rago pumbo na pa wasa.
18
Ono agu aEbere naadu Susana yo adungura tiyo ti 13 uru nga ga gu diwi re, na ti 14 uru a. Ono ti 15 uru i ki ongodi, ki sa ha ni rago pumbo na pa wasa.
19
Si du agu aEbere du rogo akporo, nga agu yo nanaraka rogo agu akporo adu nga na ndugu ti ni ya, i naka kuti pa gu 14 uru, nga ga gu diwi nga Adara ni rago pumbo na pa wasa, ni wene uru, ni rago kekeda agamunihe dagba yo.
20
Morudekai ki ke pa agi apai re, ki kedi awaraga fu aEbere dunduko naadu rogo ga Bakindo Asuerose angbi dunduko, agu yo nambedi ambeda na agu yo du gii ngbi yo a,
21
ka ruga yo i nikpara gu 14 uru nga ga gu diwi nga Adara, na gu 15 uru a wo, na garã na agarã,
22
nga agu auru aEbere azeredi ti ni be avurayo, nga gu diwi i asa pa rungo ni ngbarago fu yo, na rago nunga ni wene uru, i mangi rago pumbo na ngbarago, ki nikekedi gamunihe dagba yo, na atisa fu aboro rungo.
23
AEbere ki idi pa manga ha a wa i atona ha, wa Morudekai ake paha fu yo.
24
Bambiko Amana nangia wiri Amedata, boro Agaga, nangia vura aEbere dunduko atabura kuti aEbere ka imo yo, ki ba Puru, nga ake, ka nyasa yo na ka gbarasa yo kpakaya.
25
Ono ho Esetere aye ni ku bara bangiri bakindo, ko ki rugu he ni ke awaraga ya gu gbigbitapai Amana asangi he kuti aEbere, si sa tihe kina ku ri ko, i asi ko na awiriko a ti ngua.
26
Si du i aya ti ni ti agi auru re, Purima, mbiko rimo Puru, bambiko agu apai dunduko nga ga gu waraga re, na agu apai i abi tipa gu pai re, na agu apai namangi fu yo.
27
Si du aEbere aringbisi pai ti ni, ki idi pa ha ni tiyo, ya i aka kuti agu auru ue re a wa du pa ha ni keke he, na wa i asia pa rago ho, na garã na agarã, ka si akpa nga ya, i gbia kuti atitayo, na agu yo dunduko naakpamia tiyo kuti yo.
28
1 nitingidi pa agu auru re, ki ka kuti ni dagba arikayo dunduko, dagba rika ngbatungayo dunduko, na rogo angbi dunduko, na rogo abaakporo dunduko a. Ka pa agu auru re nga Purima nigo nga bangiri aEbere ya, ka tingida pa ha ago nga bangiri atitayo a ya.
29
Si du Nakindo Esetere, nangia wiri Abiyaira, na Morudekai nangia Ebere, ake pai ti ni nyanyaki ka nyakasa pa gu ue waraga re, tipa pa Purima.
30
I ki kedi awaraga fu aEbere dunduko na fu ga Bakindo Asuerose angbi du wa 127, na pa agu apai nga pa zereda na rengo,
31
ka nyakasa pa agu auru re nga ga Purima ti kina ragoho, a wa Morudekai nangia Ebere na Nakindo Esetere arugu yo, a wa i aringbisi pa ha tipa yo tigayo na tipa atitayo, na pa gina riahe na gayo kparakpe.
32
Sangba Nakindo Esetere ki nyakasi pa agu apai re nga ga Purima. Si ki du ni keke he ku kitabu yo.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 10 →
All chapters:
1
2
3
4
5
6
7
8
9
10