Hosea 14

Zande

← Chapter 13 Jump to:

1Ako aYisaraere, oni káraga tironi koyo du Yekova ni nga gaoni Mbori, bambiko oni kotoko be gaoni irairapai.

2Oni yé na apai ngbaroni ki karaga tironi koyo du Yekova ni; ki ya fu ko, “Mo dí irairapai dunduko ku sa yo; mo idi pa kina gu pai be rani ngba angba ani ki fu gu zuzuhe nga ga ngbarani ni motumo.

3Asura abátasa nga rani te, ani aóra nga ri afarasi a te; ani agúmba nga pai berewe ki ya, ‘Gaani Mbori,’ fu gu úsunge nga ga berani, te. Awirinyaure nabi inapai be ro.”

4Mi ahúsa pa gayo tikusayo; mi akpi nyemu yo gbe, bambiko gi zinga karaga tihe ti yo.

5Mi adú wa ndomo fu Yisaraere; ko ambúmbo wa ranga, ko arímisa tarãko wa angua Rebanona;

6gako tomahe akúra gbe; ngbanyako adú wa ga eraya, fuõko ki du wa fuõ ngua Rebanona.

7Aboro akáraga tiyo berewe ki niraki tii kirimako, i azúga wa zende ahe ati yo; i ambúmbo wa bakakue, fuõyo ki du wa fuõ imekakue Rebanona.

8Ako Efuraima, gini he mi ka manga na kpiaahe? Mi du nakaraga pai ki ningere fuo ro. Mi wa ngua kupuresa agboroka nga ya, gaoni zuzu ahe naye be re.

9Gu boro du ni iratatamana, ni rugu tini na pa agi apai re; gu ni du ni irainahe, ni ini pa ha; bambiko ga Yekova apai du ni ruru apai, kina ruru aboro napeka fuo ho, ono atindika nakotoka rogo ho.

← Chapter 13 Jump to: