Hosea 8

Zande

← Chapter 7 Jump to: Chapter 9 →

1Mo mói nambongo ti ngbaro, bambiko dingimo nayanga ri ga Yekova bambu yo, bambiko i gu auru gi mokido, ki ingi ti gi rugute.

2I nakpara fere ki ya, Gaani Mbori, ani nga aYisaraere ani ini ro.

3AYisaraere bafu wenepai ti yo ku sa yo; avurayo adó yo.

41 amoi abakindo, ono be re te. I amoi abazogo, zanga ina mi pa yo. I mangi kpiaahe rogo gayo feda na gayo dahabu sa gbarasa tiyo na ni.

5Ako Somorona, mi ba gaoni wiri bagara ku sa yo. Gi zinga narunguda kuti yo. Rago adú waĩ mbata i nikadu ni ruru yo ringara Yisaraere yo?

6Bamangi sunge naamangi he; Mbori nga ha te. Ga Somorona wiri bagara akúadi rukutu.

7Bambiko wa rú yo yuge, i aké kina bakamikami yuge. Vodivodi katakpa zende ahe adu nga na ri he ti ni ya, ngungoho adú nga ti ni a te; ka si ima zu, akare ima rita ha.

8I mbiri aYisaraere du; i ima da ku dagba arikaaboro yo wa pere gira.

9Bambiko i ndu ku Asura yo, wa gu dongi nvuo nata ni sa ru; Efuraima ngbe akpinyemuko.

10Ka i vura ngbe aboro tipa yo dagba arikaaboro yo vuru, mi adúngura yo ni ngarã. I ki sungu ngbutuko zanga bakindo na abazogo.

11Bambiko wa Efuraima nangeesi abamotumo tipa manga ingapai, si sa tihe fu ko ni abamotumo tipa manga ingapai a.

12Ka mi avura ke gimi arugute fu ko wa akutu bawe, ko aberã pa ha wa kina kungba pai.

13I nakpi nyemu fu motumo; i natumo na pasio ki niri he; ono rago angba nga ti Yekova be he te. Ko atingida gayo irairapai awere, ki mbusi yo tipa gayo ingaapai; i akaraga tiyo berewe ku Ezipeta yo.

14Bambiko bangiri Yisaraere go ti Bamangiko; ko adua abambu bakindo; Yuda ki ngeesi abaakporo ngapa; ono mi akéda we ku ri gako abaakporo, si ki riti gako nyanyaki aba.

← Chapter 7 Jump to: Chapter 9 →