bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Hosea 9
Hosea 9
Zande
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
1
Ako aYisaraere, ka oni ta ngí nga ya! Ka oni dú nga pusiapusia wa kura aboro ya; bambiko oni mangi bari, ni mbu oni gaoni Mbori. Oni akpi nyemu ga irabari ngbengbe marã bataka ahe yo dunduko.
2
Bataka ahe na bapira imekakue ariga nga yo te, vovo imekakue ati bungudu be yo.
3
I anyé nga rogo ga Yekova ringara te; ono Efuraima akáraga tiko berewe ku Ezipeta yo, i ki niri kina gbegberẽ riahe Asura yo.
4
I aúka nga amotumo imekakue fu Yekova te; ka i angbá nga ti ko tipa gayo amotumo a ya. Gayo riahe adú wa ga akparikpe; agu yo dunduko nikari ngbatunga ha adú ni bibiriko yo; bambiko gayo riahe adú tipa kina gayo gomoro; si ayé nga ku rogo ga Yekova bambu yo te.
5
Gini he oni akamanga ti gu ringbi siringbisi rago nga ga pumbo, na ti rago ga Yekova pumbo?
6
Bambiko oni ngére, i naguari pati gbarasapai ku sa yo; Ezipeta nikadungura yo, Memefi akpísida yo. Asakokoso adia be gayo kikiipaahe du ni feda; akiwe akúra vuru gayo abamburoko yo.
7
Rago mbusa da, rago tumo bape da; aYisaraere aina ha. Nebi du wa mumungo boro, gu boro du na gbegberẽ toro nga irapupo, bambiko pa gaoni bakere ira irapai, na gaoni bakere sogote.
8
Nebi du ni babandarago nga ga Efuraima ko, nga ga gi Mbori aboro, ono ga baziazire gbina du ngba gako agene dunduko, na sogote rogo ga gako Mbori bambu yo.
9
I wasi tiyo awasi ki susi wa si adu rago Giba: ko atingida gayo irairapai atingida, ko ambúsa yo tipa gayo ingaapai.
10
Yekova aya: Mi abi aYisaraere wa rindi bakakue ngbakungba yo. Mi abi abaroni wa bambata zuzu vurumo ti nguaha, ti bambata garã zu he a. Ono i aye ku Bara-peoro yo, ki kpara tiyo fu Bara, ki sa tiyo ni sogosogo he, wa kina gu he i nakpi nyemu he ni tiyo.
11
Ga Efuraima taarimo agú ku sa yo wa zire— vungu te, gbe na gude a te, du na mobara a te!
12
Ka i vura mbu ti awiriyo, mi azangasi yo daho gu ni ka anye nga ni sa ya. Na gberẽ he fu yo ho mi ka guari ni pati yo!
13
Awiri Efuraima, wa bi mi yo, i du ni kparakpara yo wa umozi; Efuraima angbé ku mbata yo fu awiriko sa imo yo.
14
Osea ki ya, Ako Yekova, mo fú he fu yo— ono gini he mo ka fu? Mo fú rukumbu ti agude fu yo na ugudiri mamuse.
15
Yekova aya: Gayo gbigbitapai dunduko du Girigara yo; yo mi atona ka soga yo ni. Bambiko gu gbegberẽpai nga ga gayo mangaapai mi adó yo vuru gi bambu yo ku zegi yo. Mi akpi nga nyemu yo berewe te; gayo abazogo dunduko nga airasamungu.
16
Mi ta Efuraima, tarãyo ugu du, i azú nga te. Ka i vura vunga agude, mi aimo agu awiriyo i akpi nyemu yo.
17
Osea ki ya, Gi Mbori abáfa yo ku sa yo, bambiko i adega nga tuyo fu ko te; i adú ni yarayara aboro ku dagba arikaaboro yo.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
All chapters:
1
2
3
4
5
6
7
8
9
10
11
12
13
14