Nehemiah 10

Zande

← Chapter 9 Jump to: Chapter 11 →

1Were agu yo naake fuo beyo i nangia Nemaya nangia baira abazogo nangia wiri Akira, na Zedekiya,

2na Seraya, na Azaraya, na Yeremaya,

3na Pasura, na Amaria, na Marikiya,

4na Atusa, na Sebanya, na Maruka,

5na Arima, na Meremota, na Obadaya,

6na Daniere, na Ginetona, na Baruka,

7na Mesurama, na Abiya, na Miyamino,

8na Maseya, na Birigai, na Semaya; agi yo re nangia aboromotumo.

9Na aRevi du re: Yesua wiri Azanaya, na Binui dagba awiri Enadada, na Kademiere;

10i na awirinayo, Sebanya, Odiya, Kerita, Peraya, Anana,

11Mika, Robo, Asabaya,

12Zakura, Serebaya, Sebanya,

13Odiya, Bani, Beninu.

14Abarumbatayo du re: Parosa, na Pata-moaba, na Erama, na Zatu, na Bani,

15na Buni, na Azagada, na Bebai,

16na Adoniya, na Biguai, na Adina,

17na Atera, na Izikiya, na Azura,

18na Odiya, na Asuma, na Besai,

19na Arifa, na Anatota, na Nebai,

20na Magapiasa, na Mesurama, na Ezira,

21na Mesezabere, na Sadoka, na Yadua,

22na Perataya, na Anana, na Ananoya,

23na Osea, na Anania, na Asuba,

24na Aroese, na Pira, na Sobeka,

25na Reuma, na Asabena, na Maseya,

26na Aiya, na Anana, na kura Anana,

27na Maruka, na Arima, na Bana.

28Yangara aboro, aboromotumo, aRevi, ababanda angbadimo, abayango, na aNetina na agu yo dunduko nakpara tiyo dagba aboro aringara ka amanga ga Mbori rugute, adiayo, awiriyo nga akumba, na awiriyo nga ade, agu yo dunduko nadu na inahe na rugatinapai,

29i akpamia tiyo na awirinayo, na gayo airakporo, ka tiwa tiyo na zungahe ya i apeka ga Mbori rugute nga gu Mose nga ga Mbori moyambu afu fu yo, na ka gia sangba Yekova nga gaani Mbori ka manga pa gako asarangbanga na gako andika.

30Ani afu nga awirani nga ade fu aboro gu ringara re te, ani aroga nga awiriyo nga ade tipa awirani a te;

31ka aboro ringara ye na ahe rago sabiti watadu zende ahe ka baga ha, ani angbe nga he be yo rago sabiti te, na rago kparakpara pumbo a te; ani afu ongoda fu sende ti saba gará ki mbu pa dia abape dunduko a.

32Ani ki ringbisi arugute fu rani a, ya ani afu sa dagba biata sekere rogo garã sa tipa gu sunge nga ga ga gaani Mbori bambu:

33tipa kpokuta yugopai, na tipa gu motumo nga ga ngungo i ka atumo na ni Kindi, na gu zozo motumo i ka atumo na ni na uru kindi, na tipa asabiti, tipa fogo adiwi, tipa ringbisiringbisi apumbo, tipa ziazia ahe, na tipa agu amotumo dada ingaapai i ka tumo na ni tipa Yisaraere, na tipa gu sunge dunduko nga ga ga gaani Mbori bambu.

34Ani ki ba ake, nga aboromotumo, aRevi, na aboro, ka wisiga pa gu nyake ani ka aye na ni na gará na agarã ni gamunihe mbedisatise ku rogo gu bambu nga ga gaani Mbori, wa rengbe he kuti ga abarani aborokporo, ti ringbisiringbisi rago, ka zo ho ri gu bamotumo nga ga Yekova gaani Mbori, a wa du he ni keke he rogo rugute yo.

35Ani tigaani aye na amakawa gaani ũati na makawa zuzu angbatunga agu angua nazuka dunduko, na garã na agarã, ku rogo ga Yekova bambu.

36Ani aye na bambata vungu dagba awirani nga akumba na dagba gaani abagara, a wa du he ni keke he rogo rugute yo, ku rogo ga gaani Mbori bambu, ki fu he fu agu aboromotumo namanga sunge rogo ga gaani Mbori bambu, na bambata vungu dagba gaani arika zogozogo anya na dagba gaani rimbasa akandoro.

37Ani aye na makawa gaani ngungo a, na gaani tumbatumba gamahe, na zuzu ngbatunga angua dunduko, imekakue na nzeme, koyo du aboromotumo ni, ku rogo avuru ga gaani Mbori bambu yo; na sa dagba bawe nga ga gaani ũati koyo du aRevi ni, bambiko aRevi nga agu yo naroga ahe sa dagba bawe be aboro du rogo ringara aati.

38Gu boromotumo, nga wiri Arona, ni adu ho na aRevi ho i ka roga sa dagba bawe ni; aRevi aye na gu sa dagba bawe nga ga agu ahe i aima kparaka ha ni sa dagba bawe mbata ku rogo ga gaani Mbori bambu, ku rogo avuru bambuiga kikiipaahe yo.

39Bambiko angbatunga aYisaraere na awiri aRevi aye na gu tumbatumba gamahe nga ga zende ahe, ga imekakue, na ga nzeme ku dimo yo, yo du gu aúsunge ni nga ga kparakpara ba, na agu aboromotumo na abamangi pa sunge, na ababanda angbadimo na abayango. Ani ambu nga mbakada pa ga gaani Mbori bambu te.

← Chapter 9 Jump to: Chapter 11 →