Nehemiah 12

Zande

← Chapter 11 Jump to: Chapter 13 →

1Agi yo re nangia agu aboromotumo na aRevi naayega na Zerubabera wiri Saratiere, na Yesua: nga Seraya, na Yeremaya, na Ezara,,

2na Amaria, na Maruka, na Atusa,

3na Sekanya, na Reuma, na Meremote,

4na Ido, na Ginetoi, na Abiya,

5na Miyamina, na Madaya, na Biriga,

6na Semaya, na Yariba, na Yedaya,

7na Saru, na Amoka, na Erekiya, na Yedaya. Agi yo re nangia abarukuri aboromotumo na awirinayo ti rago Yesua.

8Na aRevi: Yesua, na Binui, na Kademiere, na Serebaya, na Yuda, na Matanya, nangia gu ko nanaruga pa bia tambuahe na awirinako.

9Bakabukaya na Uno nangia awirinayo ki mangi gayo asunge pati yo a.

10Yesua abatika Yoyakima, Yoyakima abatika Ereyasiba, Ereyasiba abatika Yoyada,

11Yoyada abatika Yonatana, Yonatana abatika Yadua.

12Ti rago Yoyakima aboromotumo adu ho, nangia abarumbatayo ku ri ngbatunga abayo: ga Seraya, Meraya ki du; ga Yeremaya, Anania ki du;

13ga Ezara, Mesurama ki du; ga Amaria, Yoanana ki du;

14ga Maruki, Yonatana ki du; ga Sebaya, Yosefa ki du;

15ga Arima, Adana ki du; ga Merayota, Erekai ki du;

16ga Ido, Zakaraya ki du; ga Ginetona, Mesurama ki du;

17ga Abiya, Zikiri ki du; ga Mineyamina, na ga Modeya, Piretoi ki du;

18ga Biriga, Samua ki du; ga Semaya, Yonatana ki du;

19ga Yoyariba, Matanya ki du; ga Yariba, Uzi ki du;

20ga Sarai, Karai ki du; ga Amoka, Ebere ki du;

21ga Erekiya, Asabaya ki du; ga Yedaya, Netanere ki du.

22Tipa pa aRevi ti arago aEreyasiba, Yoyada, na Yoanana, na Yadua, i ake rimo abarumbatayo ku ri ngbatunga abayo; na aboromotumo a dati ga Darayawesa zogorago nangia bakindo Parasa.

231 ake rimo agu awiri Revi, nangia abarumbatayo ku ri ngbatunga abayo, rogo Kitabu Pekapai dati rago Yoanana nangia wiri Ereyasiba.

24Abarukuri aRevi du re: Asabaya, na Serebaya, na Yesua wiri Kademiere, na awirinayo ku pati yo, ka fu irisa na atambuahe wa Dawidi nangia ga Mbori boro arugu he, agu yo ku bani na ku bani.

25Matanya, na Bakabukaya, na Obadaya, na Mesurama, na Tarumona, na Akuba adu ni ababanda angbadimo niru pati bambuiga kikiipaahe naadu pati angbadimo bakporo.

26I amangi he ti rago Yoyakima wiri Yesua, Yesua ki ngia wiri Yozadaka, na ti rago Nemaya nangia baira abazogo na ti rago Ezara nangia boromotumo nangia bakeapai a.

27Ti rago kpara ngapa Yerusarema fu Mbori i agbata aRevi rogo gayo aba dunduko, ka ye na yo ku Yerusarema yo ka unda pa kpara ngapa ni ngbarago, na atambuahe a na abia na agu asirigi napaa apaa, na akindondo, na anzenze.

28Awiri abayango adungura tiyo wa sa rogo gu kpasakpasa rago du pati Yerusarema na rogo ga aNetofa akporo;

29na Bete-girigara yo, na rogo aati Geba yo na Azamaweta yo; bambiko abayango adudua gayo akporo pati Yerusarema kirikiri.

30Aboromotumo na aRevi akpara tiyo gigiri; i akpara aboro ki girisi yo na angbadimo na ngapa bakporo a.

31Mi ki ye na abazogo aYudo ku ri ngapa bakporo, ki kparaka bakere rimbasa aboro ue i fu tambuahe ki nindu ni tangaratangara yo ti gene yo. Gu rimbasa sa andu ku kumbabe ri ngapa dati Ngbadimo Regbonya.

32Osaya ki peke fuo yo na agu abazogo aYudo,

33na Azaraya, na Ezara, na Mesurama,

34na Yuda, na Benyamina, na Semaya, na Yeremaya,

35na agi awiri aboromotumo re na ambanya be yo: Zekaraya nangia wiri Yonatana, Yonatana angia wiri Semaya, Semaya ki ngia wiri Matanya, Matanya ki ngia wiri Mikaya, Mikaya ki ngia wiri Zakura, Zakura ki ngia wiri Asafa;

36na awirinako, nangia Semaya, na Azarere, na Mirarai, na Girarai, na Mai, na Netanere, na Yuda, na Anani, na agu angbatunga uworo ahe be yo nga ga Dawidi nangia ga Mbori boro; Ezara nangia bakeapai angbe ku mbata yo fu yo.

37I asusi pati Ngbadimo Gugaabi ki nipeke gene nzunzu diiri ku barangba yo yo ki nidakpa ti gene tangaratangara babita nga ga ga Dawidi bakporo, yo ngapa bakporo nabita ku ari ni, ba ri ga Dawidi bambu, ki da ti Ngbadimo Ime ku uroyo.

38Kura rimbasa agu yo nafu tambuahe andu ku garebe ka gbia yo, mi ki pe fuo yo na agu aboro ri ngapa, ki susi pati gu Kirikiri Gbata nga ga Agbigiwi, dati Kpakafu Ngapa bakporo,

39ki susi Ngbadimo Efuraima, na pati Kuru Ngbadimo, na pati Ngbadimo Atio, na gu Kirikiri Gbata nga ga Ananere, na gu Kirikiri Gbata nga Kama Sa, dati Ngbadimo Akandoro; i ki ru zaa pati Ngbaaimo Ababandarago.

40Agu arimbasa aboro ue nafu tambuahe i ki ru rogo ga Mbori bambu yo, mi ki ru a na agu abanyaki;

41na agu aboromotumo nangia Ereyakima, na Maseya, na Minayamina, na Mikaya, na Ereyoenai, na Zakaraya, na Ananya, na ambanya be yo;

42na Maseya, na Semaya, na Erazara, na Uzi, na Yoanana, na Marikiya, na Erama, na Esere. Abayango ki bi bia ku ari na Yeseroya nangia gayo barugu pa bia.

43I ki fu bakere amotumo ni gu uru re ki ningi angi, bambiko Mbori afu ngbarago fu yo ya i ngi gbe; ade na agude ki ningi a. Were i agi woro gu ngbarago nga ga aboro Yerusarema tuturu.

44Ni gu uru re i aringbisi akumba i nibanda agu avuru bambu du rogo baiga kikiipaahe yo, na ga tumbatumba gamahe, na ga amakawa, na ga sa dagba bawe ahe, ya i dungura gu i nakparaka ha tipa aboromotumo na aRevi wa rugute aringbisa ha, wa si arengbe na agu aati naadu pati abaakporo; si du aYudo angi tipa agu aboromotumo na aRevi nanamanga sunge.

451 amangi pa gu sunge nga ga gayo Mbori na gu sunge nga pa girisatise, abayango na ababanda angbadimo amangi gayo sunge a, a wa Dawidi arugu pa ha na wiriko nga Soromo.

46Bakuru yo ti rago Dawidi na Asafa ahia irisa na abia tambuahe fu Mbori adu ho, na barugu pa bia ku ri abayango.

47Ti rago Zerubabera na ti rago Nemaya aYisaraere dunduko anakparaka ahe na uru wa rengbe he fu abayango na fu ababanda angbadimo; i ki kparaka agu ahe naadu tipa aRevi; aRevi ki kparaka agu ahe naadu tipa awiri Arona.

← Chapter 11 Jump to: Chapter 13 →