Jeremiah 19

Amharic Gofa GFBEVF (ጌሻ ማፃፋ)

← Chapter 18 Jump to: Chapter 20 →

1ጎዳይ ታኮ፥ “ባዳ ኦቶ መይሳፈ ፁጋ ሻማ። ኔራ ጉ ቢታ ጭማታነ ጉ ካህነ ጭማታ ኤካዳ፥

2ኩንአ መኦ ፐንግያ ማታራ አዳ፥ ህኖማ ዛንጋራ ባ፤ ያን ታ ነዉ ኦድያ ቃላ አዋጃ።

3‘ህንተኖ፥ ይሁዳ ካዎቶ፥ ህንተኖ የሩሳላመ ካታማ አሳዉ፥ ጎዳ ቃላ ስእተ!’ ኡባፈ ዎልቃማ ጎዳይ፥ እስራኤለ ፆሳይ ሀይሳዳ ያጌስ፦ ‘ስእያ ኡባ ሀይስ ኢትያ ፓላባ ሀ ቢታ ቦላ ታ ኤሀና።’

4ሀ አሳይ ታና አግድ፥ ኤንቲ ዎይኮ ኤንታ አዋት ዎይኮ ይሁዳ ካዎት ኤሮና ሀራ ፆሳታስ እፃነ ጩይስድ ሀ በሳ ቱንስዶሶና። ኤንቲ ፅሎ አሳ ሱ ሀ በሳን ጉስዶሶና።

5ታ ኤንታ ኪቶናባ ዎይኮ ኤንታዉ ኦዶናባ ዎይኮ ታ ቆፖናባ ኦዶሶና፤ ባንታ አደ ናይታ ናጋራስ ታማን ፁሳ ያርሾ ኦድ ያርሻናዉ፥ ቃ ጎይኖ በሳታ ግምብዶሶና።

6ሄሳ ግሾ፥ ሀ በሳይ ቶፈታ ዎይኮ ህኖማ ዛንጋራ ጌተተይስ አትድ፥ ሹሀ ዛንጋራ ያገትድ ፄገታና ጋላሳይ ያና።

7ይሁዳነ የሩሳላመ አሳ ሀልቹዋ ታ ሀ በሳን ላላና። ኤንቲ ባንታ ሞርከታ ማሻንነ ባንታና ዎናዉ ኮይያ አሳ ኩሸን ሀይቃናዳ ኦና። ኤንታ አሀ ሳሎ ካፎታስነ ሳአ ዶአታስ ካ ኦዳ እማና።

8ታኒ ሀ ካታማ ባይሳነ ሚቻስ ከሳና። ያራ አያ ኡባይ እያ ዩዋን ማላለትድ፥ ‘ፖራ’ ያጋና።

9ኤንቲ ባንታ ማጫ ናይታነ አደ ናይታ አሹዋ ማናዳ ኦና። ኤንታ ዎናዉ ኮይያ ሞርከት ኤንታ ተቅድ ዋይስያ ዎደ ኡንኤትድ ኤንቲ እሶይ እሱዋ አሹዋ ማና” ያግስ።

10“ሄሳፈ ጉየ፥ ኔራ ብዳ አሳ ስንን ፁጋ መን።

11ኤንታኮ ሀይሳዳ ያጋ፦ ፁጋይ መቅዳይሳዳነ ዛሪድ ኮላናዉ ዳንዳኤቶናይሳዳ ታ ሀ ካዎተነ ሀ ካታማ መንረና። አስ አሀ ሞግያ በሲ ባይና ግሾ ቶፈታን ሞገታና።

12ሀ በሳንነ እያን ደእያ አሳ ቦላ ሀይሳ ኦና። ሀ ካታማ ቶፈታዳ ኦና።

13የሩሳላመ አሳ ኬትነ ይሁዳ ካዎታ ኬት፥ ኬ ቦላ ደምባይድ ኦዳ በሳን ሳሎ ፆልንቶታስ እፃነ ጩይስዳነ ሀራ ፆሳታስ ኡሻ ያርሾ ጉስዳ ኬት ኡባይ ቶፈታዳ ቱና ግዳና” ያጌስ ኡባፈ ዎልቃማ ጎዳይ።

14“ሄሳፈ ጉየ፥ ኤርምያስ ጎዳይ ትንብተ ኦዳና መላ ኪትዳ ቶፈታፐ ስሚድ፥ ፆሳ ኬ ግዶን ደእያ ዳባባን ኤቅድ አሳ ኡባኮ ሀይሳዳ ያግስ፦

15ኤንቲ ሞርግያ ጋቢስድ፥ ታ ኦድያባ ስኦና እፅዳ ግሾ ሀ ካታማ ቦላነ እያ ሄራን ደእያ ጉታታ ቦላ ኤሀና ግዳ ኢታባ ኡባ ኤሀና ሀናይስ” ያጌስ ኡባፈ ዎልቃማ ጎዳይ።

← Chapter 18 Jump to: Chapter 20 →