bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 1
1 Samuel 1
Edo ((E Baibol Ẹdo) Version 1996)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Okpia ọkpa ne a tie ẹre Ẹlkana kegha rrọ, ovbi Ifreim nọ, ọ kegha rre Rama ne ẹvbo uhunmwu oke vbe otọe Ifreim. Ovbi e Jeroboam nọ, eyẹ ọghe Elihu, vbe ẹgbẹe Tohu ne uniẹn e Zuf.
2
Ẹlkana keghi mwẹ ikhuo eva, ọkpa Hanna kevbe nọkpa Penina. E Penina keghi mwẹ emọ, sokpan, e Hanna ma biẹ.
3
Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.
4
Ẹghẹ ke ẹghẹ ne Ẹlkana ya zọ ese ẹre, ọ ghi ghae ne Penina kevbe ivbi ẹre, ọkpọkpa.
5
Sokpan ọ ghi rhie ne ọ mobọ maa ne Hanna. Ọ kakabọ ho ẹmwẹ ọnrẹn, a gha rhe miẹn wẹ e Nọyaẹnmwa ma rhie ọmọ ne ẹẹn biẹ.
6
E Penina ne ogieva ẹre ghigha gbe igiogio ku ọre, ọ ghi gha yaghae rhunmwuda wẹ, e Nọyaẹnmwa ma rhie ọmọ ne ẹẹn biẹ.
7
Erriọ ọ re emwi na gha sunu ukpukpo; ẹghẹ kẹghẹ ne iran ya yo owa e Nọyaẹnmwa, e Penina ghi ru Hanna sẹrriọ wẹ, ọ ghi gha viẹ, ẹ i rri evbare rhọkpa.
8
Ẹlkana ne ọdọ ẹre ghi nọ rẹn wẹẹ, “Hanna, vbọzẹ ne u na viẹ yi? Vbọzẹ ne u ma na rri evbare? Vbọzẹ ne ẹko ruẹ na rhia sẹrriọ ẹghẹ hia? Mẹ ma sẹ emọ igbe ne uwẹ ra?”
9
Ọ ghi sẹ ẹghẹ ọkpa vbe Siailo, vbe iran ghi rri evbare nẹ, e Hanna keghi kpaegbe. Elai ne ohẹn keghi tota ye ihe ọkpẹn onurho Ọgua Osa e Nọyaẹnmwa. Iro keghi wa han Hanna, ọ na viẹ eve orriara vbe ehe ne ọ na na erhunmwu ghe Nọyaẹnmwa.
11
E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”
12
E Hanna keghi wa ya ẹghẹ ne ọ taẹn gha na erhunmwu ghe Nọyaẹnmwa. Elai kegha ghe akhuarhamwunu ẹnrẹn.
13
Ọ kegha na erhunmwu ye uwu unu, ọ yan unu sokpan, ẹ i guan ladian. Elai keghi rhunmwuda onii gha ro ighẹ te ọ da ayọn.
14
Ọ keghi tama rẹn wẹẹ, “Ghẹ ghi ya egbe ruẹ ma zẹ vbe ọdayọn. Sẹ ayọn ne a da rae ne u gie aro hian ruẹn vbe uhunmwu!”
15
Rẹn keghi wanniẹn wẹẹ, “Ẹ i re erriọ enọwanrẹn, I ma da ayọn, I ma he vbe da ayọn usin. Oya ọ re ọ ru mwẹ, ọ re I na gha na erhunmwu, I keghi mu ẹmwẹ enegbe mwẹ hia ma e Nọyaẹnmwa.
16
Ghẹ gha ro ighẹ okhuo ne ọ ku ogboi ọre I khin. Te I gha na erhunmwu vberriọ rhunmwuda agbọn khan mwẹ.”
17
Elai keghi tama rẹn wẹẹ, “Gha khian vbe ọfumwegbe, te Osanobua Izrẹl gha rhie emwi ne u nọ ẹre re nuẹn.”
18
Okhuo nii keghi wanniẹn wẹẹ, “Te u ghi ra gha zẹ iro itohan da mwẹ vbe ẹghẹ hia.” Ọ na kpao. Ọ keghi ya rri evbare, ọ ma ghi vbe gha khiẹ.
19
Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.
20
Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”
21
Ẹlkana kevbe ẹgbẹe ọre kegha rrie Siailo ne ọ ya zọ ese ukpukpo kevbe ese ne irẹn yan rẹn kpataki, ghe e Nọyaẹnmwa.
22
Sokpan, e Hanna ma yo. Ọ keghi tama ọdọ ẹre wẹẹ, “Ọmọ na gha ghi wa fian ewẹn nẹ, I ghi rhie ẹre gha rrie owa Osanobua, ọ ghi ya gha rre evba vbe ẹdẹ agbọn rẹn hia.”
23
Ẹlkana keghi tama rẹn wẹẹ, “Ru ẹe vbene ọ ke yi sẹẹ vbe aro ruẹ, tota ye owa u te do fian ọmọ nii ewẹn. Osanobua ne ọ gie eyan ne u yan rẹn sẹ.” Rhunmwuda ọnii, e Hanna keghi tota vbe owa, ọ na gha koko ovbi ẹre.
24
Ugbẹn vbe ọ ghi fian ẹre ewẹn nẹ, ọ keghi rhie ẹre gha rrie Siailo, ọ keghi mu ẹkhuia ẹmila ne ọ rre ukpo eha mwẹ kevbe ọduẹki irhuarhua kevbe ọgọ ohian ayọn ọkpa vbene ọ ru ọvbokhan sẹ nii, ọ keghi rhie ẹre gha rrie owa e Nọyaẹnmwa vbe Siailo.
25
Iran ghi gbe ẹkhuia ẹmila nii nẹ, a keghi rhie ọmọ nii gie Elai.
26
E Hanna keghi tama rẹn wẹẹ, “Dọmọ o, u ye yi mwẹ ẹro nian? Mẹ ọrọre okhuo nii ne u miẹn vbe ọ mudia vbe emwana gha na erhunmwu ghe Nọyaẹnmwa.
27
Ọmọ na ọ re I nọ ẹre re, ọ kevbe rhie emwi ne I nọ rẹn re mẹ.
28
Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31