bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 18
1 Samuel 18
Edo ((E Baibol Ẹdo) Version 1996)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Ugbẹn vbe Sọl vbe Devid ghi gha guan nẹ, ẹmwẹ e Devid keghi wa la e Jonatan ekhọe sẹrriọ wẹ, ọ keghi ho ẹmwẹ ọnrẹn zẹ vbe ne ọ ho ẹmwẹ egbe ẹre.
2
Ke ẹdẹ ne ẹdẹrriọ kpao, e Sọl keghi rhie Devid ke egbe, ọ ma ghi vbe gie ẹe gha rrie.
3
E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.
4
Ọ keghi kie ẹwu ne irẹn te hẹ ye egbe, ọ na viọ ne Devid, ke ẹe kevbe ẹwu okuo ẹre kevbe uhanbọ ẹre, kevbe ugbẹkun ẹnrẹn.
5
E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.
6
Avbe ivbiyokuo ghi die owa vbe e Devid ghi ke ehe ne ọ na gbe Golaiat rre nẹ, ikhuo keghi wa ke okpẹvbo hia ni rre Izrẹl ladian bu e Sọl sẹ odẹ. Iran na gha so ihuan oghọghọ, iran na gha kpe ukusẹ kevbe ẹgogo.
7
Vbe ehe ne iran na kuu nii, ikhuo nii kegha so ihuan wẹẹ, “E Sọl gbele avbe arriaisẹn sokpan e Devid avbe arriaisẹn vbe ihe igbigbe.”
8
Ọ na ma rhiẹnrhiẹn e Sọl, ohu keghi mu ẹẹn ẹsẹse. Ọ keghi kha wẹẹ, “Iran ye avbe arriaisẹn igbigbe so eni e Devid sokpan avbe arriaisẹn ọkpa iran ya so eni mwẹ. Emwi ọkpa ne ọ ghi dekẹe ne ẹẹn nian ọrọre ne iran do ma ẹre ọba.”
9
Ke ẹdẹ ne ẹdẹrriọ kpao, ọ na gha gbọvo e Devid, ọ na gha bẹghe vbe egbe ẹre.
10
Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.
11
E Sọl keghi ya ekhọe ẹre ta ẹe wẹẹ, “I gha hae ginna ekẹn.” Ọ na fi asoro ni gie ẹe igba eva sokpan, e Devid keghi gban egbe nẹ vbe eveva.
12
Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.
13
Rhunmwuda ọnii, e Sọl keghi rhie ẹre ladian vbe evba, ọ keghi ya ẹe ru ọkaokuo arhin arriaisẹn. E Devid kegha viọ emwa rẹn yo okuo,
14
ọ na gha ru rho obọ vbe emwi ne ọ ru hia rhunmwuda, e Nọyaẹnmwa rrọọ yaba ẹre.
15
E Sọl ghi miẹn vbene ọ dunna ne Devid hẹ, ohan rẹn keghi dọlegbe gha mu ẹn sayọ.
16
Sokpan, emwa hia ni rre Izrẹl kevbe Juda kegha ho ẹmwẹ e Devid, rhunmwuda, ọkaolotu ne emwi dunna na ọre nọ.
17
Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)
18
E Devid keghi wanniẹn wẹẹ, “Gha ọ re imẹ, vbe uniẹn mwẹ a khin ne I gha na gha re orruan ọba?”
19
Sokpan, ọ ghi sẹ ne a gha ya ye Mẹrab ne Devid, iran keghi rhie ẹre ne okpia ọkpa ne a tie ẹre Adriẹl ne ovbi ẹvbo ne a tie ẹre Nehola.
20
Sokpan e Mikal ne ovbi Sọl kegha ho ẹmwẹ e Devid, e Sọl ghi họn vberriọ, ọ keghi mobọ ya ẹko rhiẹnrhiẹn ọẹn.
21
Ọ keghi kha wẹẹ, “I gha rhie Mikal ne Devid, I gha ya ẹe khuẹn ifi muẹn ne ivbi e Filistin gbe ẹe rua.” Rhunmwuda ọnii, e Sọl keghi tama Devid ukpogieva wẹẹ, “I gha ya ọmọ ne uẹn.”
22
Ọ keghi tama avbe ewọe ẹre ne iran hẹko tama Devid, “Ẹko ruẹ wa rhiẹnrhiẹn ọba, avbe ẹwae ẹre hia wa vbe ho ẹmwẹ ruẹn, ẹghẹ ne ọ kere ne u ya rhie ovbi ẹre rọnmwẹ ọ re ọ na khin.”
23
E Devid keghi kha wẹẹ, “Uyi nọkhua wa nọ ne ọmwa gha re orruan ọba, ọ kpọlọ sẹ ovbiogue kevbe ovbi evbamarẹn zẹ vbe ne imẹ ye na.”
24
Avbe ewọe nii keghi ya tama e Sọl vbene Devid kha hẹ.
25
E Sọl keghi tama iran wẹ ne iran ya tama Devid wẹẹ, “Emwi ne ọba ho vbe obọ ruẹ ma gberra ukpikolo ọghe ivbi e Filistin iyisẹn ni wulo nẹ, ne ọ ya ọnii rria avbe eghian rẹn ikhi.” (Erriọ ọre Sọl te mwamwaẹn we obọ ivbi e Filistin gha ya vba e Devid).
26
Ewọe e Sọl na ya tama Devid vbene Sọl kha hẹ, ẹko e Devid na rhiẹnrhiẹn yọ wẹ rẹn ra do gha re orruan ọba. Ọ ghi te sẹ ẹdẹ ne a rhie oha rrie.
27
E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.
28
E Sọl keghi do miẹn vbe ẹmwata wẹ e Nọyaẹnmwa rrọ yaba e Devid kevbe wẹ e Mikal ne ovbi irẹn ho ẹmwẹ ọnrẹn.
29
Rhunmwuda ọnii, ohan e Devid keghi dọlegbe gha mu ẹẹn, ọ keghi wa ya eghian so ẹe vbe ẹdẹ agbọn rẹn hia.
30
Ivbi iyokuo e Filistin ghi gha mu okuo rre, sokpan, ẹghẹ nii hia ọ re a ya miẹn wẹ obọ e Devid ọ re ọ da otọ sẹ ivbi iyokuo e Sọl nekpa hia. Rẹn keghi do dọlegbe gha hin usi yọ.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31