bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 24
1 Samuel 24
Edo ((E Baibol Ẹdo) Version 1996)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
E Sọl ghi ke ehe ne ọ na ya gu ivbi e Filistin gbinna rre, iran keghi tama rẹn wẹ e Devid rre uwu oha vbe ọkpẹn Ẹngẹdi.
2
E Sọl keghi viọ omwa arriaisẹn eha vbe uwu emwa rẹn ni guara gbinna sẹẹ vbe Izrẹl, ọ na suẹn ya gha gualọ e Devid vbe emwa rẹn, vbe odẹ ahọ ọghe Okuta Ẹwe Oha.
3
Ọ keghi do sẹ uvun okuta ọkpa ne ọ sikẹ ehe ne ohuan na rria vbe ọkpẹn odẹ, ọ na la uwu ẹre ne ọ ya ghughẹ. A keghi miẹn wẹ e Devid kevbe emwa rẹn rre uwu ẹre gban an vbe ehe ne iran na lẹre.
4
Iran keghi tama rẹn wẹẹ, “Ẹghẹ ruẹ ọna khin na, e Nọyaẹnmwa tama ruẹn wẹ rẹn gha rhie eghian ruẹn yan ruẹn obọ, u ghi ru ẹre emwi ne ọ rhirhi khọn ruẹn.” E Devid keghi baba gha khian, ọ na ya fian vbe ehọ ukpọn ẹwu e Sọl vbene Sọl ma na rẹn.
5
Sokpan, ekhọe e Devid keghi do gha fi ẹre asan.
6
Ọ keghi tama emwa rẹn wẹẹ, “E Nọyaẹnmwa ghẹ gun mwẹ ru arowa mwẹ, ọmwa ne Nọyaẹnmwa ma re ọba, emwi rhọkpa. Ọ ma kei ne I ya obọ kan rẹn, rhunmwuda, ọba ne Nọyaẹnmwa zẹe nọ.”
7
Ẹre Devid na ya emwa rẹn gbe ibiẹ rrie ne iran ghẹ dekun e Sọl. E Sọl keghi kpaegbe, ọ ladian vbe uwu uvun, ọ na gha khian.
8
Ẹre Devid na lele ẹe, ọ na da tie ẹre wẹẹ, “U gha tọ u kpẹre Umogun!” E Sọl keghi fi egbe werriẹ, e Devid keghi vbokho uhunmwu rre tue ọre otuẹ ọghọ.
9
Ọ tama rẹn wẹẹ, “Vbọzẹ ne u na zẹ ye emwa ni tama ruẹn wẹ mẹ ho ne I gbe uẹ ua re?
10
Wẹ gha tobọ miẹn nian wẹ te Nọyaẹnmwa wa rhie ruẹ yọmwẹ obọ ẹrẹna vbe uwu uvun okuta nii. Emwa mwẹ eso te wẹ ne I gbe uẹ ua sokpan ohan ruẹn keghi to mwẹ, I na wẹ I i ya obọ kan ruẹn hiehiere rhunmwuda, wẹ ọ re ọmwa ne Nọyaẹnmwa zẹe ne ọ gha re ọba.
11
Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.
12
E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.
13
Wẹ họn ẹn vbe a ya ẹe kpa itan wẹẹ, ‘Emwa dan ọ re ọ ru emwi dan,’ sokpan mẹ i ra ya obọ kan ruẹn.
14
Ghe emwi ne ọba Izrẹl ho ne ọ gbe ua! Ghe emwi ne ọ khu khian, ekita ne ọ wu, ovbi ọkhọe.
15
E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”
16
E Devid ghi guan fo nẹ, e Sọl keghi kha wẹẹ, “Wẹ ọnii gele khin ra Devid ne ovbi mwẹ?” Ọ keghi suẹn gha viẹ.
17
Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.
18
U rhie ma mwẹ ẹdẹ nẹrẹ na vbene ekhọe ruẹ ma ghe mwẹ hẹ, rhunmwuda u ma gbe mwẹ uan vbe Nọyaẹnmwa rhie mwẹ ye uẹ obọ.
19
Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!
20
Banbanna nian, aro mwẹ dae nẹ wẹ u gha rriọba vbe Izrẹl kevbe wẹ arriọba na gha wa gha rre obọ ruẹ khian.
21
Ye eni Nọyaẹnmwa yan ma mwẹ wẹ u gha sẹ ivbi mwẹ rae ye agbọn ne a ghe miẹn wẹ eni mwẹ kevbe eni ẹgbẹe mwẹ wa gbe ẹro.”
22
E Devid keghi yan wẹ rẹn gha ru vberriọ. Ẹre Sọl na gha rrie owa, e Devid kevbe emwa rẹn kegha rrie ehe ne iran lẹre yi.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31