bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 19
1 Samuel 19
Edo ((E Baibol Ẹdo) Version 1996)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.
2
Rhunmwuda ọnii, ọ keghi tama e Devid wẹẹ, “Erha mwẹ ho ne ọ gbe ua. Rhunmwuda ọnii, gha kinna egbe! Akhuẹ, u ghi lẹre ye ẹkhokho okpa.
3
I gha yo uwu oha ne u lẹre yi ne I ya gu erha mwẹ guan vbe ekpa ruẹ. I gha miẹn uhunmwu ẹmwẹ, I gha do tama ruẹn.”
4
E Jonatan keghi tian e Devid ma e Sọl wẹẹ, “Dọmọ ọ, ghẹ ru e Devid ne ọguọmwadia ruẹ emwi ne ọ ma gba, ọ ma he ru emwi ne ọ ma gba ghe ruẹ ẹdẹ, sokpan, vbe ẹmwata, emwi ne ọ he ru hia, nẹ ọ rhie ere nọkhua gie uẹ ọ re ehia khin.
5
Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”
6
E Sọl keghi danmwehọ ẹmwẹ ne Jonatan tae, ọ keghi vẹn ihẹn vbe eni e Nọyaẹnmwa wẹ a i ra gbe Devid.
7
Rhunmwuda ọnii, e Jonatan keghi tie Devid ọ na na iyẹn emwi hia ma rẹn, rẹn keghi rhie ẹre bu e Sọl gha khian, ọ na vbe ya gha ga ọba vbene ọ ka ru ẹe de yi.
8
Okuo keghi vbe dọlegbe saa ne ivbi e Filistin. E Devid keghi dekun iran, obọ ẹre keghi ke ukhunmwu ne iran sẹ vberriọ wẹ, iran keghi lẹkua hin ehe ne ọ ye rre.
9
Ọ ghi sẹ ẹdẹ ọkpa, orhiọn dan ne ọ ke ehe ne Nọyaẹnmwa ye rre keghi hin yan e Sọl. E Sọl keghi tota ye uwu owa ẹre ke ẹe kevbe asoro vbe obọ. E Devid keghi vbe gha rre evba, ọ na gha kpe akpata ne ẹẹn.
10
E Sọl keghi te hia ne ọ ya asoro ẹre ha e Devid ginna ekẹn, sokpan, e Devid keghi bi egbe, asoro na ya de ba ye ekẹn, e Devid keghi lẹ fua, ọ na miẹn uhunmwu.
11
Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”
12
Ọ keghi mu ẹẹn la ewindo fi otọ, ọ na lẹfua.
13
Ọ keghi mu ukhurhẹ iran vbe owa nii, ọ na mu ẹẹn ye ukpo. Ọ na mu ukohunmwu ne a ya eto ẹwe ru ye odẹ uhunmwu ẹnrẹn, ọ na ya ukpọn gue ẹre.
14
Emwa ne Sọl gie ghi wẹ ne iran ya mu e Devid, e Mikal keghi khama iran wẹ egbe ma rran rẹn.
15
Sokpan, e Sọl keghi gie iran werriegbe ne iran ya ye aro iran tobọ iran miẹn Devid, ọ tama iran wẹẹ, “Wa mu ẹẹn mu ewa ne ọ lovbiẹ yi gha die emwa, mẹ gha gbe ẹe rua.”
16
Iran keghi la owa, iran keghi miẹn ukhurhẹ owa nii vbe ukpo ẹre, ukohunmwu eto ẹwe nii, kegha rre ọ re uhunmwu.
17
E Sọl keghi nọ Mikal wẹẹ, “Vbọzẹ ne u na ya mwẹ do ogboi rua vbe nian yi ne u na gie oghian mwẹ lẹ fe?” Rẹn keghi wanniẹn wẹẹ, “Rẹn tama mwẹ wẹ rẹn gha gbe mwẹ uan a deghẹ I ma yi rẹn obọ ne irẹn ya lẹfua.”
18
E Devid keghi lẹfua, ọ na bu e Samuẹl gha rrie Rama, ọ na ya talọ emwi hia ne Sọl ru ẹre re ma rẹn. Rẹn kevbe Samuẹl keghi gba gha rrie Naiọt, iran na ya di evba ya.
19
Iran keghi do khama e Sọl wẹ e Devid rre Naiọt vbe Rama.
20
Ọ na gie emwa eso ne iran ya mu ẹẹn. Iran keghi do vba avbe akhasẹ eso, iran gha kuu, iran gha vannọ, e Samuẹl kegha re ọkaolotu iran. Ẹre orhiọn Osanobua na hin emwa e Sọl, iran kevbe suẹn gha ku iran na gha vannọ.
21
Ugbẹn vbe Sọl ghi họn ẹmwẹ na, ọ keghi vbe gie otu ọvbehe gha khian, iran na kevbe suẹn gha ku, iran na gha vannọ, ọ keghi vbe gie emwa ukpogieha erriọ ọre ọ vbe sunu vbe egbe iran.
22
Ẹre rẹn tobọ irẹn na kpao gha rrie Rama. Ọ ghi sẹ uhae nọkhua ne ọ rre Seku, ọ keghi nọ wẹ de ehe ne Samuẹl vbe Devid ye, iran na tama rẹn wẹ, iran rre Naiọt.
23
Ugbẹn vbe ọ ghi wa khian ni orhiọn Osanobua keghi hin yan rẹn tobọ ẹre, ọ kegha kuu, ọ na gha vannọ ọ te ya sẹ Naiọt.
24
Rẹn keghi bannọ ukpọn kua, ọ na gha ku, ọ na gha vannọ vbe odaro e Samuẹl. Ọ keghi wa lovbiẹ vbe irhunmwirhun avan nii hia ke ẹe kevbe asọn nii hia. (Erriọ ọre itan na ya suẹn wẹẹ, “Akhasẹ ọre Sọl ghi vbe khin ra?”)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31