bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 28
1 Samuel 28
Edo ((E Baibol Ẹdo) Version 1996)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Ọ ghi kpee fua kherhe, ivbi e Filistin keghi si ivbiyokuo iran koko ne iran ya gu Izrẹl khọn, ẹre Akis na tama Devid wẹẹ, “I yayi ghẹ u rẹnrẹn wẹ te uwẹ vbe emwa ruẹn ra lele mwẹ yo igbinna?”
2
E Devid keghi wanniẹn wẹẹ, “Wẹ rẹnrẹn wẹ ọguọmwadia ruẹ ọ re I khin, wẹ tobọ gha vbe miẹn emwi ne I gha ru.” Akis keghi kha wẹẹ, “Ọ wa maa, I gha ya ẹe ru ne I ya khẹ egbe mwẹ ẹdẹdẹmwẹdẹ.”
3
Vbe ẹghẹ na, e Samuẹl wu nẹ, ivbi Izrẹl ghi khiẹ ọre nẹ, iran na re ẹre ye Rama ne ẹvbo ẹre. E Sọl khulo iran ni fi iha kevbe iran ni miẹn ẹrinmwi hin otọ Izrẹl rre nẹ.
4
Ivbiyokuo e Filistin keghi si egbe koko, iran keghi bu agọ ye ẹvbo ne a tie ẹre Siunẹm; e Sọl keghi viọ ivbi Izrẹl, iran na ya bu agọ ye oke Gilboa.
5
E Sọl ghi miẹn ivbiyokuo e Filistin, ohan keghi mu ẹẹn.
6
Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.
7
Ẹre Sọl ghi na khama emwa rẹn wẹẹ, “Wa gunmwẹ gualọ okhuo ne ọ miẹn ẹrinmwi, I gha yo ya gualọ otọ emwi vbe obọ ẹre.” Iran wanniẹn tama rẹn wẹẹ, “Ọkpa rre Ẹndọ.”
8
E Sọl keghi mu egbe ọmwa ọvbehe, ọ keghi viọ ukpọn ọvbehe ye egbe, ẹdẹ ghi mu nẹ, ọ keghi viọ eva vbe emwa rẹn ba egbe ne ọ ya miẹn okhuo nii. Rẹn keghi tama rẹn wẹẹ, “Nọ avbe ẹrinmwi mẹ ne u tama mwẹ emwi ne ọ ra sunu.” U ghi tie ẹhi ọmwa ne I ra ta eni ẹnrẹn ma ruẹn gun mwẹ.
9
Okhuo nii tama rẹn wẹẹ, “Vbe ẹmwata, wẹ rẹn emwi ne Sọl ne ọba ru wẹ ọ khulo iran ni fi iha kevbe iran ni miẹn ẹrinmwi hin otọ Izrẹl rre, vbe uwẹ ghi na khuẹn ifi na mẹ hẹ ne a miotọ na gbe mwẹ uan?”
10
E Sọl keghi vẹn ihẹn wẹẹ. “I ye eni e Nọyaẹnmwa nọ rrọọ vẹn ihẹn wẹ, a i ra rria ruẹ ikhi ye emwi ne u ra ru na.”
11
Okhuo nii keghi nọ rẹn wẹẹ, “De ọmwa ne I gha tie gie uẹ?” Rẹn keghi wanniẹn wẹẹ, “E Samuẹl.”
12
Okhuo nii ghi bẹghe Samuẹl, ọ keghi datu. Ọ na khama Sọl wẹẹ, “Vbọzẹ ne u na rẹrẹ mwẹ yi? Wẹ ọrọre Sọl ne ọba!”
13
Ọba keghi tama rẹn wẹẹ, “Ghe gie ohan mu ẹẹn. De emwi ne u hẹghe yi?” Okhuo nii keghi wanniẹn, “I miẹn vbe ẹrinmwi ọkpa ke uwu otọ ladian dee.”
14
Rẹn keghi nọ wẹẹ, “De emwi ne ọ khọe?” Okhuo ni keghi kha wẹẹ, “Ediọnmwa ọkpa nọ, ọ ladian dee, ọ mu agbada kinnọ egbe.” Ẹre Sọl na rẹn wẹ e Samuẹl nọ, rẹn keghi ghughẹrre ya ọghọ ne ẹn.
15
E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”
16
E Samuẹl keghi wanniẹn wẹẹ, “Vbe u a na gha tie mwẹ hẹ ugbẹn vbe a miẹn wẹ e Nọyaẹnmwa fi iyeke gbe uẹ nẹ, ighẹ ọ vbe khian oghian an?
17
Emwi ne Nọyaẹnmwa wẹ ne I tama ruẹn ẹghẹ nii ọ re ọ ru uẹ re na, e Nọyaẹnmwa miẹn ruẹn arriọba ni nẹ, ọ na mu ne Devid.
18
Wẹ ru vbene Nọyaẹnmwa khare, u ma wa fuẹn ivbi Amẹlẹk fo ke ẹe kevbe emwi ne iran mwẹ, ọ ni ọ sii ẹe ne Nọyaẹnmwa na ru uẹ emwi na.
19
Ọ gha rhie uwẹ kevbe ivbi Izrẹl yan avbe Filistin obọ ẹdẹnakhuẹ. wẹ kevbe avbe ivbi uẹ gha deba mwẹ, e Nọyaẹnmwa gha vbe viọ ivbiyokuo Izrẹl yan avbe Filistin obọ.”
20
Vbe ọwarọkpa nii, e Sọl keghi de gbe otọ, ọ na lovbiẹ lele otọ lọlọọlọ, rhunmwuda, afianma ẹmwẹ ne Samuẹl ta ẹe fian ẹẹn. Orhiọn i vbe rre ọre iwu rhunmwuda, ọ ma rri evbare vbe avan nii kevbe asọn nii hia.
21
Okhuo nii keghi bu ẹre gha khian, ọ keghi miẹn wẹ ọ runraẹn, rẹn keghi rhunmwuda ọnii tama rẹn wẹẹ, “Dọmọ ọ, te I mẹ rhie uhunmwu mwẹ atataobọ vbe I gha ru emwi ne u tama mwẹ ne I ru.
22
Lahọ, ru emwi ne I nọ rẹn. Ghe evbare ne u re. Rri ọe ne orhiọn su ẹ ya khian.”
23
E Sọl keghi he ọ na wẹ rẹn i rri emwi rhọkpa, sokpan, emwa rẹn keghi vbe rherhe ọe ne ọ rri evbare. Vbe okiekie, ọ keghi khuẹnniẹn yọ, ọ keghi kpao vbe otọ, ọ na tota ye ukpo.
24
Okhuo nii na zẹgiẹgiẹ gbe ovbi ẹmila ne ọ ghaa bẹẹ, ọ keghi viọ irhuarhua, ọ keghi gbe ẹmila nii, ọ na le ebrẹd ne a ma rhie eyist yi.
25
Ọ na mu evbare nii ye Sọl otọ ke ẹe kevbe emwa rẹn, iran na re. Iran keghi kpao vbe asọn ọkpa nii.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31