bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 20
1 Samuel 20
Edo ((E Baibol Ẹdo) Version 1996)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Ẹre Devid na lẹ kpao vbe Naiọt ne Rama rre, ọ na bu e Jonatan gha khian ya tama rẹn wẹẹ, “De emwi ne I ru? De a i ghẹ ru ne I ru? De abakuru ne I ru ghe erha a ne ọ na ho ne ọ gbe mwẹ uan?”
2
E Jonatan keghi wanniẹn wẹẹ, “Osanobua ghẹ gie uẹ wu! Te erha mwẹ tama mwẹ emwi ne ọ rhirhi gha ho ne ọ ru, ọ kpọlọ ra ọ kanmwa, ẹ i ghẹ vbe rhie ọna lẹre mẹ. Ẹmwata i rre evba!”
3
Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”
4
E Jonatan keghi kha wẹẹ, “I gha ru emwi ne u rhirhi a gha ho.”
5
E Devid keghi wanniẹn wẹẹ, “Akhuẹ ne ọ re emwiukpo Uki ọgbọn, te ọ kere ne I gu ọba rri evbare. Sokpan, a deghẹ u kue yọ vberriọ, I gha ya lẹre ye uwu oha ọ te ya sẹ ẹghẹ ota ne irakhuẹ.
6
Erha a gha rẹn wẹ I ma rre do rri evbare, u ghi tama rẹn wẹ te I rinmwian an wẹ ne u rhie ẹghẹ mẹ ya zẹgiẹgiẹ gha rrie Bẹtlẹhẹm rhunmwuda, ẹghẹ ne a na zọ ese ukpo ọghe ẹgbẹe mwẹ hia ọ re nọ.
7
Ọ gha kha wẹẹ, ‘Ọ maa.’ I gha miẹn uhunmwu, sokpan a deghẹ ohu mu ẹẹn, a ghi rẹn wẹ te ọ mu egbe ne ọ gha ya ru mwẹ emwi.
8
Lahọ, u ghi ru mwẹ ẹse na, ne u ye ihẹn ne ima vẹn ne egbe rre. Sokpan, a deghẹ I rri abe, tobọ gbe mwẹ uan. Vbọzẹ ne u gha na rhie mwẹ gie erha gbe ua?”
9
E Jonatan keghi wanniẹn wẹẹ, “Ghẹ zẹdẹ mu ọnii ro, a deghẹ mẹ gele rẹn wẹ erha mwẹ ho ne ọ gbe ua, mẹ ghẹ ghi tama ruẹn?”
10
E Devid keghi nọ wẹẹ, “Gha ọ ghi ra tama mwẹ a deghẹ ohu ọ re erha ya rhie ewanniẹn nuẹn?”
11
E Jonatan keghi kha wẹẹ, “Gie ima gha rrie uwu oha.” Iran na gele gha khian.
12
E Jonatan keghi tama Devid wẹẹ, “E Nọyaẹnmwa Osanobua ọghe Izrẹl ọ re ọ khian gha re osẹe ima. Ẹghẹ na vbe akhuẹ kevbe irakhuẹ, I gha nọ erha mwẹ ọta. I gha gie ne a tama ruẹn a deghẹ ẹmwẹ esi ọ re ọ tae vbe ekpa ruẹ.
13
Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!
14
A deghẹ uhunmwu mwẹ ghi ye rre agbọn lahọ, u ghi mu eyan ruẹn sẹ ne u gie ekhọe ruẹ guobọ mwẹ. Sokpan, a deghẹ I ghi vbe wu.
15
U ghi mwẹ itohan ẹgbẹe ghe mwẹ ẹdẹdẹmwẹdẹ. E Nọyaẹnmwa ghẹ ghi dunmwu avbe eghian ruẹn hia fo nẹ,
16
te ile ne ima ta ma egbe na, gha ye gha re ne ọ ya mu gbain. A deghẹ u ghi rra ẹre, te Nọyaẹnmwa gha rria ruẹ ikhi.”
17
E Jonatan keghi dọlegbe wẹ ne Devid yan wẹẹ rẹn gha ho ẹmwẹ irẹn, rhunmwuda te Jonatan ho ẹmwẹ Devid zẹ vbene ọ ho ẹmwẹ egbe ẹre.
18
Ẹre Jonatan na tama rẹn wẹẹ, “Akhuẹ ọrọre emwiukpo Uki Ọgbọn, a deghẹ u ma rre, a gha wa rẹn.
19
Ọ gha vbe sẹ irakhuẹ, aro gha wa vbe dọlegbe dae sayọ wẹ u ma rre; rhunmwuda ọnii, ya lẹre ye ehe ne u ka lẹre yi ẹdẹrriọ, ne u lẹre ye iyeke avbe okuta nii rre evba.
20
I gha filo ifẹnmwẹ eha ghe evba vbene a ba gha kha wẹ, ehe ne I kọn nọ.
21
I ghi tama ọguọmwadia mwẹ ne ọ ya gualọ ehia viọ rre. Adeghẹ I tama rẹn wẹẹ, ‘Ghe avbe ifẹnmwẹ vbe obọ na ne u viọ rre,’ ọ nii rhie ma wẹ emwi rhọkpa i ruẹ ne u ladian. I ya eni Nọyaẹnmwa nọ rrọọ vẹn ihẹn wẹ emwirhọkpa i ra ruẹ.
22
Sokpan, a deghẹ I tama rẹn wẹẹ, ‘Avbe ifẹnmwẹ na rre obọ nọkpa,’ u ghi kpao ọ, rhunmwuda, e Nọyaẹnmwa ọ re ọ wẹ ne u kpao.
23
Zẹ vbe eyan ne ima yan ma egbe, e Nọyaẹnmwa gha ru ẹe ne ima sẹtin muẹn sẹ rhinrin ẹdẹ.”
24
Ẹre Devid na ya lẹre ye uwu oha. Ọ ghi sẹ ẹghẹ emwiukpo Uki Ọgbọn, e Sọl ne ọba keghi rre do rri evbare,
25
ọ keghi tota ye ehe ne ọ ka tota yi dee ẹdẹ vbe ọkpẹn egbekẹn. Abna keghi tota diake ẹe, e Jonatan na tota mu aro da ẹre vbe eteburu, ọmwa rhọkpa i rre ehe ne Devid gha te tota yi.
26
Sokpan e Sọl ma zẹyọ ẹdẹrriọ, ọ kegha ro wẹẹ u gha ghe, “Emwi eso ọ re ọ ru ẹe, awua rre ọ re egbe.”
27
Vbe ẹdẹ ne ọ lele ẹe vbe ikpẹdẹ ne ọ lele emwiukpo Uki Ọgbọn nii, te ihe itota e Devid ye de ihoi, e Sọl keghi nọ e Jonatan wẹẹ, “Vbọzẹ ne Devid ma na do rri evbare nodẹ kevbe ẹre na yi?”
28
E Jonatan keghi wanniẹn wẹẹ, “Te ọ rinmwian mwẹ ne I gie irẹn gha rrie Bẹtlẹhẹm.
29
Ọ keghi kha wẹẹ, ‘Lahọ gunmwẹ gha khian, rhunmwuda ẹgbẹe ima gha ru emwiukpo izọ ese, etẹn mwẹ keghi kha wẹ ne I ghẹ mwẹ I ma gha rre evba. Rhunmwuda ọnii nian, a deghẹ ọse mwẹ ọ re u khin, gun mwẹ gha khian ya miẹn avbe etẹn mwẹ.’ Ọnii ọ re ọ zẹe ne ẹ i na re ehe ne a na rri evbare vbe ehe ne u ye.”
30
Ohu e Jonatan keghi wa kakabọ mu e Sọl. O tama rẹn wẹẹ, “Wẹ ne a ma biẹ ẹse na, I rẹnrẹn ighẹ uma ọkpa ọ re uwẹ vbe Devid gha ye, u na gha fa egbe ruẹ kevbe nene iye uẹ nii u an.
31
Wẹ ma rẹn wẹ e Devid gha rre agbọn, u i ra rriọba vbe ẹvbo na. Banbanna nian, ya rhie ẹre rre, te ọ gha wu.”
32
E Jonatan keghi wanniẹn wẹẹ, “Vbọzẹ ne ọ gha na wu yi? De emwi ne ọ ru?”
33
Ọ ghi wa ta ọnii, e Sọl keghi wa fi asoro gie ẹe ne ọ wa gbe ẹe rua, evba e Jonatan ghi na do rẹn wẹ te erha irẹn wa yan yọ ne ọ gbe Devid ua.
34
Ọ keghi guọnmwẹ egbe kpao vbe eteburu rre, ọ ma rri evbare ẹdẹrriọ ne ọ re ikpẹdẹ ne ogieva ọghe emwiukpo Uki Ọgbọn. Ekhọe ẹre keghi wa rhia ba ẹmwẹ Devid rhunmwuda e Sọl yagha e Devid.
35
Vbe owiẹ ne ọ lele ẹe, e Jonatan kegha rrie uwu oha ne ọ ya vba e Devid, zẹ vbene iran mwamwa ẹẹn yi. Ọ na rhie ọvbokhan okpia ọkpa ba egbe,
36
ọ keghi tama rẹn wẹẹ, “Rhulẹ ne u ya gualọ ifẹnmwẹ ne I ra filo.” Ọvbokhan nii keghi rhulẹ, e Jonatan keghi fi ifẹnmwẹ ke odaro ne ẹẹn.
37
Ọvbokhan nii ghi sẹ ehe ne ifẹnmwẹ nii de yi, e Jonatan keghi niẹn urhu davan ya khama rẹn wẹẹ, “Ifẹnmwẹ nii ye rrei vbe odaro ruẹ.
38
Ghẹ mudia ye evba, zẹgiẹgiẹ!” Ọvbokhan okpia nii keghi rhọ avbe ifẹnmwẹ nii, ọ na dọlegbe bu arowa ẹre gha dee,
39
vbe ne ọ ma na rẹn enaye; e Jonatan vbe Devid ọkpa ọ re ọ rẹnrẹn.
40
E Jonatan keghi viọ emwi igbinna rẹn ne ọvbokhan nii, ọ na wẹ ne ọ viọ iran werriegbe gha rrie owa.
41
Ọvbokhan okpia nii ghi kpao nẹ, e Devid keghi ladian vbe iyeke utete avbe okuta nii, ọ keghi lovbiẹ ye otọ lọlọọlọ, ọ na vbokho uhunmwu rriotọ igba eha. Rẹn kevbe Jonatan kegha viẹ vbe iran mu egbe unu hiẹnhiẹn, ẹko e Devid ọ re ọ rhia sẹ Ọghe Jonatan.
42
Ẹre Jonatan na tama Devid wẹẹ, “Te Nọyaẹnmwa gha yaba ruẹ. E Nọyaẹnmwa gha ru ẹe ne a miẹn wẹ mẹ vbe ruẹ, ivbi uẹ kevbe ivbi mwẹ ni gha lele ima, gha ru zẹ vbene ile ne ima gu egbe ta khare ẹdẹdẹmwẹdẹ.” Ẹre Devid na kpao, e Jonatan keghi dọlegbe gha die owa.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31