bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 12
1 Samuel 12
Edo ((E Baibol Ẹdo) Version 1996)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
E Samuẹl keghi khama ivbi Izrẹl wẹẹ, “I ru emwi ne uwa wẹ ne I ru nẹ, I ma ọba ne uwa nẹ ne ọ gha khaemwisẹ yan uwa.
2
Banbanna nian, rẹn rre emwa ne ọ gha viọ uwa khian. Mẹ nian, I khian ọmaẹn nẹ, I vbe fu edẹ. Ivbi mwẹ vbe gu uwa rrọ. Mẹ ọ re ọ gha re ọkaolotu uwa ke ẹghẹ ọvbokhan kpao do sẹ wanwan na.
3
Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”
4
Emwa nii keghi wanniẹn wẹẹ, “U ma mu ima ru, ra ne u ya obọ yẹn ima ẹho, u ma gbe ima miẹn ima emwikemwi.”
5
E Samuẹl keghi wanniẹn wẹẹ, “E Nọyaẹnmwa kevbe ọba ne irẹn zẹe ọrọre osẹe mwẹ vbe ehe ne uwa ye wẹẹ, wa ma miẹn emwi ka yọ mwẹ owẹ hiehiere.” Iran keghi wanniẹn wẹẹ, “E Nọyaẹnmwa ọrọre osẹe ghe ima.”
6
E Samuẹl keghi rhie te ẹe wẹẹ, “E Nọyaẹnmwa ọ re ọ zẹ e Mosis kevbe Errọn, ọ na viọ avbe erha uwa odede ke otọ Igipt ladian.
7
Banbanna nian, wa mudia ye ehe ne uwa ye ne I gu uwa gui ma e Nọyaẹnmwa vbe ekpa ne I gha na ye uwa rre iwinna nekhua ne Nọyaẹnmwa winnaẹn ya miẹn uwa kevbe avbe erha uwa odede fan.
8
E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.
9
Sokpan, iran keghi mianmian e Nọyaẹnmwa ne Osanobua iran, rẹn keghi gie Siseria ne ọkaokuo ivbi iyokuo ẹvbo ne a tie ẹre Hazọ, ivbi e Filistin kevbe ọba Moab gu iran gbinna kevbe ne ọ khọn iran muotọ.
10
Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’
11
E Nọyaẹnmwa keghi gie Gidiọn, e Barak, e Jẹfta kevbe imẹ vbe okiekie ehia, iran ni wọlọ uwa hin obọ eghian uwa rre, wa na do gha rrọ vbe a i mwẹ ẹbe.
12
Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,
13
“Ma gualọ ọba ne ọ gha khaemwisẹ yan ima. Banbanna nian wa ghe ọba ne uwa zẹe, wa ọ re ọ nọ rẹn, e Nọyaẹnmwa vbe rhie irẹn ne uwa nẹ.
14
Agbọn gha ma uwa a deghẹ wa ghi vbe ga ẹe, wa miẹn ẹmwẹ ọnrẹn ye ehọ, wa keghi vbe gha ya uhi ẹre ru emwi, ne uwa vbe ọba uwa vbe gha lelẹe.
15
A i gha miẹn ighẹ wa ma họn ẹmwẹ e Nọyaẹnmwa, wa na gha rra uhi ẹre, ọ gha mu aro nọkhọ da uwa kevbe ọba uwa.
16
Rhunmwuda ọnii nian, wa mudia vba, ne uwa ghe emwi nọkhua ne e Nọyaẹnmwa khian ru.
17
Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”
18
Ẹre Samuẹl na na erhunmwu, vbe ẹdẹ nẹdẹrriọ zẹẹ, e Nọyaẹnmwa keghi gie amẹ kevbe avan nukhunmwu rre.
19
Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”
20
E Samuẹl ke wanniẹn wẹẹ, “Wa ghẹ fian afianma, a gha rhe miẹn wẹẹ wa ru emwi dan vberriọ, wa ghẹ fi iyeke gbe Nọyaẹnmwa, sokpan, wa gha ga ẹe kekhọe kekhọe uwa hia.
21
Wa ghẹ ya gha gho ẹbọ ohoghe, iran i ra sẹtin yi uwa obọ, ama wẹ ne iran miẹn uwa fan, rhunmwuda emwi ababa iran khin.
22
Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.
23
Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.
24
Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.
25
Sokpan deghẹ te uwa ghi ye gha ru orukhọ khian, a gha fuẹn uwa kevbe ọba uwa aa.”
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31