bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Samuel 26
1 Samuel 26
Edo ((E Baibol Ẹdo) Version 1996)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Emwa eso keghi ke Zif gha dee do tama e Sọl vbe Gibea wẹ e Devid lẹre ye Oke Hakila vbe okhiẹ ẹgbo Juda.
2
Ẹre Sọl na wa zẹgiẹgiẹ viọ arriaisẹn eha vbe avbe ivbiyokuo ni guẹ igbinna sẹ vbe Izrẹl ne ọ ya gualọ e Devid vbe ẹgbo e Zif.
3
Ọ keghi si agọ bu vbe ọkpẹn odẹ Oke Hakila. E Devid he wa ye rre uwu oha nii, ọ ghi họn wẹ e Sọl rre do gualọ irẹn.
4
Ọ keghi gie ọrhẹ gha khian, iran keghi miẹn wẹ ẹmwata nọ wẹ e Sọl gele rre evba.
5
Rẹn keghi wa zẹgiẹgiẹ gha khian ne ọ wa ta ẹe rhuan ẹse ighẹ ehe ne Sọl kevbe Abna ne ovbi e Nẹẹ, ne ọkaokuo ẹ Sọl, vbiẹre. E Sọl vbiẹ uwu agọ, emwa rẹn keghi bu agọ lẹga ẹre.
6
Ẹre Devid na nọ Ahimẹlẹk ne ovbi ẹvbo Hiti kevbe Abisiai ne ọtẹn Joab wẹẹ (iye iran ọre a tie ẹre Zẹruia), “Gha ọ gha lele mwẹ gha rrie agọ e Sọl vbe uwu uwa yi?” Abisiai keghi wanniẹn wẹẹ, “I gha yo.”
7
Asọn nii, e Devid kevbe Abisiai keghi la uwu agọ e Sọl, iran ghi do ghe e Sọl gha vbiẹ vbe adesẹ agọ, a so asoro ẹre ye otọ vbe ọkpẹn uhunmwu ẹnrẹn. Abna kevbe avbe ivbiyokuo hia lẹga ẹre, iran vbiẹ ua.
8
Abisiai keghi tama Devid wẹẹ, “Osanobua rhie eghian ruẹn ye uẹ obọ ẹrẹna, banbanna nian, gun mwẹ ye asoro ọghe ọe hae ginna otọ, uhukpa kẹkan, II i ra vbe fi ẹre re ukpogieva!”
9
Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”
10
E Devid keghi rhiete ẹe wẹẹ, “I ya Nọyaẹnmwa ne ọ rrọọ vẹn ihẹn wẹ, e Nọyaẹnmwa tobọ ẹre ọ re ọ ra gbe Sọl deghẹ vbe ẹghẹ ọ re a ghi sẹ nẹ nọ, ra vbe okuo.
11
A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”
12
Ẹre Devid na mu ọgọ amẹ kevbe asoro ni rre ọkpẹn uhunmwu e Sọl, rẹn kevbe Abisiai keghi kpao. Ọmwa rhọkpa ma bẹghe ẹre ra ne iran rẹn emwi ne ọ sunu, amawẹ ne iran rhiọrre, ehia keghi wa vbiẹ ua, rhunmwuda, e Nọyaẹnmwa fian ovbe nọkhua ku iran.
13
Ọ re Devid na fian odẹ rra ghe obọ nọkpa vbe iya ni la uhunmwu oke, ọ keghi khian rrei ẹsẹse.
14
Ọ keghi go tie ivbiyokuo e Sọl kevbe Abna wẹẹ, “Abna, u họn ẹmwẹ ne I ta ra?” Abna keghi kha wẹẹ, “Gha ọnii khin ne ọ go ye ọba ehọ yi?”
15
E Devid keghi kha wẹẹ, “Okpia u gele khin ra ẹ i re rriọ? Ẹre uwẹ ọ re ọmwa ne ọ ghi kpọlọ sẹ vbe otọ Izrẹl? Vbọ ghi zẹ yi ne u ma na degue arowa a ighẹ ọba? Orhiọnkpa te la uwu agọ ne ọ do gbe arowa a.
16
U ma sẹtin winna iwinna ruẹn Abna! I ye eni Nọyaẹnmwa nọ rrọọ vẹn ihẹn wẹ te ọ kere ne uwa hia wulo rhunmwuda, wa ma sẹtin gbearoghe arowa uwa ne Nọyaẹnmwa ma ẹre ọba. Ghe! Asoro ọba vboo? Ọgọ amẹ ne ọ mu ke uhunmwu vboo?”
17
E Sọl keghi mu urhu e Devid, ọ na nọ rẹn wẹẹ, “Devid wẹ ọnii khin ra ovbi mwẹ?” E Devid keghi wanniẹn wẹẹ, “Mẹ nọ Umogun.”
18
Ọ keghi rhie te ẹe wẹẹ, “Vbọzẹ ne u na ye khu mwẹ khian, mẹ ne ọguọmwadia ruẹ? Vbe i a mobọ ru? De a i ghẹ ru ne I ru?
19
U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.
20
Ghẹ gia gbe mwẹ uan ye otọe ẹrrẹe, vbe a lahin ehe ne Nọyaẹnmwa ye rre. Vbọzẹ ne ọba Izrẹl na ladian ne ọ do gbe ovbiọkhọe vbene imẹ ye na? vbe ọ ghi ru ọbafi mwẹ khian hẹ yi vbe ne ọ ru ọbafi ahianmwẹ ne oha?”
21
E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”
22
E Devid keghi wanniẹn wẹẹ. “Ghe asoro ruẹ vbe emwa, Umogun, gie ọkpa vbe uwu emwa ruẹn gha dee ne ọ do rhie ẹre.
23
E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.
24
Zẹ vbene I sẹ uẹ rae ẹrẹna, te Nọyaẹnmwa, gha vbe ru imẹ vberriọ, ne ọ fan mwẹ fua hin uwu ọlọghọmwa hia rre.”
25
E Sọl keghi tama e Devid wẹẹ, “Te Osanobua gha fiangbe uẹ ovbi mwẹ. Te emwi hia ne u ru gha dinna odẹ nuẹn!” Ẹre Devid na lele odẹ, e Sọl keghi werriegbe gha die owa.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31