bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Ezekiel 33
Ezekiel 33
Edo ((E Baibol Ẹdo) Version 1996)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
E Nọyaẹnmwa keghi gunmwẹ guan wẹẹ,
2
“Ovbi ọmwa, tama emwa ruẹn emwi ne ọ sunu vbe I gha mu okuo la ẹvbo. Emwa ẹvbo nii ghi zẹ ọkpa vbe uwu iran ne ọ gha re abodẹ.
3
Rẹn gha ghi miẹn wẹ avbe eghian dee, ọ ghi kpe orhu ya tama emwa nii.
4
Adeghẹ orhiọnkpa họẹn ighe ọ ma vbe zẹ yọ, ighe eghian rre, iran na gbe ẹe rua, obọ ẹre ọ re uwu ẹre ye.
5
Rẹn ọ tobọ ẹre gbe egbe ẹre, rhunmwuda, ọ ma zẹ yọ vbe a tama rẹn. Akpawẹ te ọ zẹ yọ, te ọ gha te lẹ fua.
6
Sokpan, adeghẹ abodẹ bẹghe eghian dee, ighe ọ ma vbe kpe orhu tama emwa, avbe eghian gha rre, iran ghi gbele avbe emwa orukhọ nii uan, sokpan, abodẹ nii ọ re I ra ka uwu iran ye ọre urhu.
7
“Banbanna nian, ovbi ọmwa, I ya uwẹ ru abodẹ ne Izrẹl. I gha yan ma iran, u ghi tama iran.
8
I gha kha ighe ọmwa orukhọ gha wu ighe wẹ ma tama rẹn ne ọ fi obọ werriẹ, ne ọ miẹn ehe na miẹn uhunmwu, vbe ẹghẹ nii ọ gha gele wu, ọ ghi ye gha re ọmworukhọ, wẹ ọ re I ra kha ighe ọ gbe ẹe.”
9
U gha bu ọmwa dan ude ighe ọ ma dobọ orukhọ yi, ọ gha wu ye orukhọ ẹre, sokpan, wẹ tobọ ruẹ gha miẹn uhunmwu.
10
E Nọyaẹnmwa keghi gunmwẹ guan wẹẹ, “Ovbi ọmwa. Wẹ vbe ta ẹmwẹ ne ivbi Izrẹl ta khian ma iran wẹẹ: ‘Ihẹ orukhọ mwa khua mwa kevbe abaku ru mwa. Te ima ghi rri ororo. Vbe a ra ya miẹn uhunmwu hẹ vbe ọna.’
11
Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?
12
“Banbanna nian, ovbi ọmwa tama ivbi Izrẹl wẹ ọmwa esi gha ru orukhọ, emwi esi ne ọ ka ru yi i sẹtin miẹn ẹnrẹn fan. Adeghẹ ọmwa dan dobọ emwi dan ne ọ ru yi, a i ghi rri ọre oya. Ọmwa esi gha vbe suẹn do gha ru orukhọ, ẹ i miẹn uhunmwu.
13
I sẹtin tama ọmwa esi wẹ ẹ i ra wu, sokpan, adeghẹ ọ ghi kha wẹ emwi esi ne irẹn ka ru sẹe nẹ, ọ na suẹn gha ru orukhọ, I i ghi ye avbe emwi esi ne ọ te ka ru yi rre. Te ọ ye uhunmwu ye orukhọ ne ọ ru.
14
I sẹtin tama ọmwa dan wẹ te ọ ra wu yọ, sokpan, a deghẹ ọ dobọ emwi dan ne a ru yi, ọ na suẹn gha yin ẹse, vbe ne ọ maa,
15
vbe igiemwi, ọ rhie, emwi ne ọmwa ne ọ mọmọ ẹre emwi rhie ne ẹẹn da yi werriegbe ne ẹẹn, ra emwi ne ọ te do rhie werriegbe, adeghẹ ọ dobọ orukhọ yi, ọ na gha ya avbe uhi ne ọ rhie arrọọ ne ọmwa ru emwi, ẹ i wu, te ọ ra diagbọnya.
16
I gha ya avbe orukhọ ne ọ ru bọ ẹe, ọ ghi gha rre agbọn rhunmwuda, ọ ru emwi ne ọ kere kevbe ne ọ hẹnhẹn.
17
“Emwa ruẹn ghi gha kha wẹ emwi ne I ru ma kei! Ẹ i re erriọ, emwi ne iran ru ọ re ọ ma gba.
18
Ọmwa esi gha dobọ emwi esi ne a ru yi, ọ na do gha ru emwi dan, te ọ ya uhunmwu khiẹ ọre.
19
Ọmwa dan gha zobọ vbe emwi dan ne ọ ru, ọ na do gha ru vbe ne ọ kere kevbe ne ọ hẹnhẹn, ọ sinmwi uhunmwu ẹnrẹn ye agbọn nẹ.
20
Wa ne ivbi Izrẹl khare wẹẹ, ‘Emwi ne I ru ma gba.’ Emwi ne uwa ru ọ re I ra ya bu ohiẹn uwa.”
21
Vbe ikpẹdẹ ne ogisẹn ọghe uki ne ogigbe vbe ukpo ne ogiweva ne ima kegha rre iwe, ọmwa ne ọ lẹ fua vbe Jerusalẹm keghi rre do tama mwẹ wẹ iran khọn e Jerusalẹm.
22
Vbe ota ẹdẹ ne ọ ra rre nii, I keghi wa gha họn ẹmwẹ ọnrẹn vbe egbe ẹsẹse wẹ e Nọyaẹnmwa rre ehe ne I ye. Ọmwa ni ghi rre vbe owiẹ ne ọ lelẹe, e Nọyaẹnmwa keghi ru ẹe ne I sẹtin dọlegbe gha guan.
23
E Nọyaẹnmwa keghi gunmwẹ guan wẹẹ,
24
“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’
25
“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?
26
Wa mu ẹtin yan umozo uwa. Te uyinmwẹ uwa zughu ọmwa ẹko. Dọmwadẹ ọghọe wa ru oghẹ. De emwi ne ọ ghi ya uwa gha ro yi ighe wa ọ re ọyan otọe nii?
27
“Tama iran wẹ mẹ ne Nọyaẹnmwa ne Udazi tama iran wẹ omwa vbe ne aro na dae wẹ mẹ ọrọre Osanobua ne ọ rrọ, te a ra gbele iran ni rre ẹvbo ne a rẹnkhuan nii hia a. Aranmwẹ oha gha rri iran ni rre avbe igue, emianmwẹ gha gbele iran ni lẹre ye uvun okuta kevbe avbe uhunmwu oke.
28
I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.
29
I gha ghi rri avbe emwa nii oya ye orukhọ iran nẹ, I na ya otọe ni khian otọe ne ọ gbe ẹvbi, iran gha rẹn wẹ mẹ ọrọre Nọyaẹnmwa.”
30
E Nọyaẹnmwa keghi kha wẹẹ, “Ovbi ọmwa, avbe emwa ruẹn gha na iyẹn ruẹn vbe iran a vba egbe vbe ekẹn ne a gbe ga ẹvbo ra onurho owa iran, ‘Iran ghi gha tama egbe wẹ wa gie ima ya họn uhunmwu ne Nọyaẹnmwa gie rre nian!’
31
Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.
32
Vbe aro iran, wẹ ma zẹdẹ gberra ọmwa ne ọ so ihuan ighogiẹ ọghe ẹmwẹ okpia vbe okhuo ne ọ kpe akpata. Iran danmwehọ ẹmwẹ ne u ta hia, sokpan ọkpa i rrọ ne iran ya ru emwi vbọ.
33
Sokpan, avbe ẹmwẹ ne u ta gha do sunu nẹ, ẹ i mwẹ iran ma sẹ o, iran gha rẹn wẹ akhasẹ ọ re ọ gha gu iran rre ẹvbo.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48