bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Ezekiel 39
Ezekiel 39
Edo ((E Baibol Ẹdo) Version 1996)
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
E Nọyaẹnmwa ne Udazi khare wẹẹ, “Ovbi ọmwa, ta ku a Gọg ne uhunmwu uta ne ọ khaemwisẹ yan ẹvbo avbe Mẹsiẹk kevbe Tubal, ne u tama rẹn wẹ oghian rẹn ọre I khin.
2
I gha mu ẹre aro da odẹ ọgbọn, I ghi rhie ẹre ke odẹ okuọ ne gbaan gha dee, rhinrin ọ te do sẹ avbe oke Izrẹl.
3
Ẹghẹ nii, I ghi gbe uhanbọ ẹre fua hin obọ iye ọmwa rẹn rre kevbe ifẹnmwẹ ọnrẹn hin obọ erha ọmwa rre.
4
E Gọg kevbe avbe ivbiyokuo ẹre deba iran ni yegbe ba ẹre gha dele wu vbe oke Izrẹl, I ghi vbe gie ikun iran khian evbare ne avbe ahianmwẹ kevbe aranmwẹ oha hia.
5
Iran gha dele wu vbe oha ne gbẹlẹzẹ. Mẹ ne Nọyaẹnmwa ne Udazi ọ re ọ tae.
6
I gha hie erhẹn vbe ore nọkhua e Magọ kevbe avbe eghute hia ne emwa na rrọ vbe ẹkun ne ọ sotọ, emwa hia gha vbe rẹn ighe mẹ ọrọre Nọyaẹnmwa.
7
I gha wa ru ẹe ne Izrẹl ne emwa mwẹ rẹn eni mwẹ nọhuanrẹn. Mẹ i ghi ra ye kue ne a yagha eni mwẹ nọhuanrẹn ọvbehe. Ẹghẹ nii, avbe uhunmwu ẹvbo hia gha rẹn wẹ mẹ ne Nọyaẹnmwa ọrọre Osanobua nọhuanrẹn ọghe Izrẹl.”
8
E Nọyaẹnmwa ne Udazi khare wẹẹ, “Ẹdẹ ne I kha na gha rre vbe ne a i na gbe awẹawẹ.
9
Avbe emwa ni rre avbe ore nekhua Izrẹl gha ladian ya rhọ emwi igbinna ne emwa lẹ hẹ kua ya ru erhan ne a ya koko. Iran gha ye avbe asa, uhanbọ, ifẹnmwẹ, asoro, kevbe orhokhua koko erhẹn, ọ gha vbe sẹ iran ya koko erhẹn la ikpẹdẹ ihinrọn.
10
Iran i ghi la oha ya gha ho erhan, ra ne iran ya gha tọnnọ erhan gbotọ vbe ẹgbo rhunmwuda iran gha miẹn emwi igbinna ne a lẹ hẹkua ya gha koko erhẹn. Iran gha hẹrhu iran, iran ghi fu iran emwi viọ ighe avbe emwa ni ka hẹ rhu iran vbe fu iran emwi viọ.” E Nọyaẹnmwa ne Udazi tae nẹ.
11
E Nọyaẹnmwa khare wẹẹ, “Emwi na hia ghẹ ghi sunu nẹ, I gha rhie itẹ ne Gọg vbe Izrẹl vbe evba, vbe Iya Ilavbodẹ, vbe odẹ ahọ Okun Nọwu.
12
A gha re Gọg kevbe avbe ivbiyokuo ẹre hia ye evba, a ghi vbe gha tie iya nii, ‘Iya Ivbiyokuo e Gọg.’ Uki ihinrọn ọ re ivbi Izrẹl gha ya re avbe orinmwi nii iran te do sẹtin dọlegbe ya ẹe khian ehe nọhuanrẹn.
13
Emwa ni rre otọe nii hia gha ru iyobọ vbe uwu ẹghẹ ne a ya re iran. A gha vbe rhunmwuda ọnii ya ọghọ ne iran vbe ẹdẹ ne I ra khọnmiotọ na. Mẹ ne Nọyaẹnmwa ne Udazi ọ re ọ ta ẹe.
14
Uki ihinrọn ghẹ ghi gberra nẹ a gha zẹlẹ emwa ne iran khian lele otọe nii, ne iran gualọ avbe ikun orinmwi ni ghi kẹe ne iran re iran ne iran sẹtin ya otọe nii khian nọhuanrẹn.
15
Iran ghẹ ghi la ẹvbo nii yo lae rre nẹ, ehe ne iran a rhirhi na miẹn ikun orinmwi, iran ghi yi ama yọ ne iran ni fian idin miẹn ehe na rre do re iran ye Iya Ivbiyokuo e Gọg.
16
(Ẹvbo ọkpa gha vbe sikẹ evba ne a gha vbe he ẹre eni gie ivbiyokuo nii.) Ẹghẹ nii, a ghi do dọlegbe ya otọe nii khian nọhuanrẹn.”
17
E Nọyaẹnmwa ne Udazi keghi tama mwẹ wẹẹ, “Ovbi ọmwa, tie avbe ahianmwẹ hia kevbe avbe aranmwẹ hia ne iran ke igienenẹ gha dee do rri emwi izọese ne i viọ ye otọ khẹ iran. Evbare ọbọbọtizọ khian gha nọ vbe uhunmwu oke Izrẹl, ehe ne iran gha na sẹtin rri emiowo, iran ghi vbe wọn esagiẹn.
18
Te iran khian rri ikun avbe ivbiyokuo, iran ghi vbe wọn esagiẹn iran ni khaemwisẹ, vbe agbọn, iran na hia fẹẹrẹ ne a ra gbele ua zẹ vbe ogho, ra avbe oteghe ohuan ra ẹwe, ra ẹmila ni tii.
19
I gha gbele iran na nẹ zẹ vbe emwi ne a ya zọ ese, avbe ahianmwẹ kevbe avbe aranmwẹ oha ghi do rri efun egbe zẹ vbe ne ẹko iran gha sẹtin gua, iran ghi vbe wọn esagiẹn ayọn rẹn te do gha gbe iran.
20
Vbe eteburu mwẹ, iran gha rri efun ẹsin zẹ vbene ẹko iran gha gua sẹ, kẹe kevbe iran ni hin iran kevbe ọghe avbe ivbiyokuo, kevbe emwa ni gbinna. Mẹ ne Nọyaẹnmwa ne Udazi ọ re ọ ta ẹe.”
21
E Nọyaẹnmwa keghi kha wẹẹ, “I gha gie avbe uhunmwu ẹvbo miẹn uyi mwẹ kevbe vbene I ya ẹtin mwẹ mu emwamwa ne ọ kere sẹ hẹ.
22
Ivbi Izrẹl gha vbe rẹn ke ẹghẹ nii kpao ighe mẹ ọrọre Nọyaẹnmwa ne Osanobua iran.
23
Avbe uhunmwu ẹvbo gha vbe rẹn wẹ orukhọ ne ivbi Izrẹl ru ghe mwẹ ọ re ọ sii ẹe ne iran na gha rrie iwe. Mẹ fi iyeke gbe iran, I keghi gie avbe eghian khọn iran, iran na vbe gbele iran an vbe okuo.
24
Emwi ne ọ ma iran ye uyinmwẹ ohọhọ kevbe ekhọe dan ọ re I ru iran re, I keghi fi iyeke gbe iran.”
25
E Nọyaẹnmwa ne Udazi khare wẹẹ, “Sokpan, banbanna nian, I gha tohan ivbi uniẹn e Jekọb ighe ivbi Izrẹl, I ghi gie agbọn dọlegbe maa iran, I gha da uyi eni mwẹ nọhuanrẹn yi.
26
Iran ghẹ ghi dọlegbe gha rre otọe iran nẹ vbe ne a i na fian afianma, vbe ne a i ghi na miẹn ọmwa ne ọ kpokpo iran orhiọn, iran gha sẹtin mian mian vbene a fa iran an hẹ vbe iran ya mwẹ maa.
27
Ne I miẹn ehe na rhie ma uhunmwu ẹvbo nibun ighe ọmwa nọhuanrẹn ọ re imẹ khin, I gha viọ emwa mwẹ werriegbe ke avbe uhunmwu ẹvbo ne avbe eghian iran ye rre.
28
Ẹghẹ nii, avbe emwa mwẹ ghi do rẹn wẹ mẹ ọrọre Nọyaẹnmwa ne Osanobua iran. Iran gha rẹn ọna rhunmwuda, mẹ ọ re ọ viọ iran gha rrie iwe, eban nian, I keghi vbe si iran koko, I na viọ iran dọlegbe gha die otọ iran vbe ne a i na sẹ ọkpa kẹkan vbe uwu iran rae ye odieke.
29
I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48